| | | ᠲᠠᠷᠴᠢᠳ ᠡᠯᠬᠡᠩᠭᠡ | | | ᠲᠡᠮᠡᠭᠡ ᠮᠢᠨᠢ ᠲᠠᠪᠣᠨ ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠥᠨᠳᠦᠷᠯᠢᠭ ᠨᠢ ᠶᠣᠮ ᠳ᠋ᠧ᠃ | ᠲᠡᠮᠡᠭᠡ ᠮᠢᠨᠢ ᠲᠡᠭᠡᠬᠦ ᠳᠡᠭᠡᠨ ᠲᠠᠪᠣᠨ ᠬᠤᠷᠣᠭᠤ ᠰᠢᠭ᠋ ᠲᠥᠷᠣᠭ᠍ᠰᠡᠨ ᠮᠣᠷᠢ᠂ ᠥᠬᠡᠷ᠂ ᠬᠤᠨᠢ ᠨᠢ ᠠᠷᠪᠠᠨ | ᠬᠤᠶᠠᠷ ᠵᠢᠯ ᠳᠤ ᠤᠷᠣᠭᠰᠠᠨ ᠪᠠᠶᠢᠬᠤ ᠳᠤ ᠥᠨᠳᠦᠷᠯᠢᠭ ᠨᠢ ᠪᠣᠯᠣᠭᠰᠠᠨ ᠥᠪᠡᠷ ᠢᠶᠠᠨ ᠬᠠᠷᠢᠨ ᠬᠠᠪᠢᠳᠠᠵᠣ | ᠴᠢᠳᠠᠭᠰᠠᠨ ᠥᠭᠡᠢ ᠨᠢ ᠬᠠᠷᠠᠮᠰᠠᠮᠠᠷ ᠶᠣᠮ᠂ ᠭᠠᠶᠢᠬᠠᠮᠠᠷ ᠶᠣᠮ ᠃ | ᠡᠷᠳᠡ ᠤᠷᠢᠳᠣ ᠶᠢᠨ ᠴᠠᠭ ᠲᠤ ᠶᠣᠮ ᠭᠡᠨᠡ᠃ ᠥᠨᠳᠣᠷ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠶᠢ ᠥᠯᠢᠢᠨ ᠬᠠᠷᠠᠵᠣ | ᠶᠠᠪᠣᠳᠠᠭ ᠲᠡᠮᠡᠭᠡ ᠮᠢᠨᠢ ᠥᠨᠳᠡᠭᠡᠨ ᠴᠢᠨᠡᠭᠡᠨ ᠬᠤᠯᠣᠭᠠᠨᠠ ᠲᠠᠢ ᠬᠡᠨ ᠨᠢ ᠨᠠᠷᠠ ᠭᠠᠷᠬᠤ ᠶᠢ ᠤᠷᠢᠳᠠᠵᠣ ᠥᠵᠡᠭᠰᠡᠨ | ᠢᠶᠠᠷ ᠢᠶᠠᠨ ᠠᠷᠪᠠᠨ ᠬᠤᠶᠠᠷ ᠵᠢᠯ ᠳᠤ ᠵᠢᠭᠰᠠᠭᠠᠭᠳᠠᠬᠤ ᠥᠷᠢᠰᠣᠯᠳᠡᠭᠡᠨ ᠮᠥᠷᠣᠶᠢᠴᠡᠭᠡᠨ ᠲᠠᠯᠪᠢᠭᠠᠳ ᠠᠷᠠᠢ ᠤᠷᠣᠵᠣ | ᠲᠡᠶᠢᠯᠣᠭ᠍ᠰᠡᠨ ᠥᠭᠡᠢ ᠥᠨᠢ ᠮᠥᠩᠬᠡ ᠶᠢᠨ ᠥᠯᠢᠭᠡᠷ ᠥᠯᠡᠳᠡᠭᠡᠭᠰᠡᠨ ᠪᠠᠶᠢᠨᠠ᠃ ᠪᠣᠳᠣᠬᠤ ᠳᠤ ᠲᠡᠮᠡᠭᠡ ᠮᠢᠨᠢ | ᠥᠨᠳᠣᠷ ᠲᠣᠮᠣ ᠪᠡᠶᠡ ᠬᠥᠷᠣᠩᠭᠡ ᠲᠠᠢ ᠪᠠᠷ ᠢᠶᠠᠨ ᠪᠠᠶᠠᠷᠬᠠᠵᠣ᠂ ᠡᠨᠡ ᠮᠠᠭᠤ ᠠᠳᠬᠤᠨ ᠴᠢᠨᠡᠭᠡᠨ ᠠᠳᠣᠭᠠᠷ | ᠬᠤᠯᠣᠭᠠᠨᠠ ᠠᠴᠠ ᠶᠠᠭᠠᠬᠢᠭᠠᠳ ᠴᠣ᠋ ᠭᠡᠰᠡᠨ ᠨᠠᠷᠠ ᠶᠢ ᠤᠷᠢᠳᠠᠪᠠᠷ ᠤᠯᠣᠭᠠᠳ ᠥᠵᠡᠴᠡᠭᠡᠬᠦ ᠪᠠᠶᠢᠯᠭᠦᠢ ᠭᠡᠳ | ᠲᠣᠷᠣᠨᠠ ᠵᠥᠭ ᠠᠴᠠ ᠨᠠᠷᠠ ᠭᠠᠷᠬᠤ ᠶᠢ ᠬᠠᠷᠠᠵᠣ ᠰᠠᠨᠠᠭᠠ ᠠᠮᠣᠷ ᠰᠥᠭᠦᠳᠤᠭ᠍ᠰᠡᠨ ᠬᠡᠪ ᠢᠶᠠᠷ ᠢᠶᠠᠨ ᠰᠡᠪᠡᠰᠣ ᠪᠠᠨ | ᠲᠠᠶᠢᠪᠣᠭᠤᠬᠠᠨ ᠬᠡᠪᠢᠵᠣ ᠬᠥᠯᠢᠶᠡᠵᠠᠢ᠃ | ︽ᠵᠠ ᠪᠢ ᠨᠠᠷᠠ ᠭᠠᠷᠬᠤ ᠶᠢ ᠤᠯᠣᠭᠠᠳ ᠥᠵᠡᠴᠡᠭᠰᠡᠨ︕︾ ᠭᠡᠵᠣ ᠬᠤᠯᠣᠭᠠᠨᠠ ᠭᠡᠨᠡᠳᠳᠡ ᠪᠠᠶᠠᠷᠯᠠᠨ | ᠪᠠᠷᠬᠢᠷᠠᠬᠤ ᠳᠤ ᠲᠡᠮᠡᠭᠡ | ︽ᠪᠢ ᠨᠠᠷᠠ ᠭᠠᠷᠬᠤ ᠵᠥᠭ ᠨᠢᠳᠣ ᠪᠠᠨ ᠬᠥᠰᠢᠳᠡᠯᠡ ᠬᠠᠷᠠᠵᠣ ᠪᠠᠶᠢᠳᠠᠯᠠ ᠪᠠᠨ ᠶᠠᠭᠠᠬᠢᠭᠠᠳ ᠤᠯᠵᠣ | ᠥᠵᠡᠳᠡᠭ ᠥᠭᠡᠢ ᠶᠣᠮ᠂ ᠴᠢ ᠪᠣᠤ ᠬᠤᠳᠠᠯ ᠬᠡᠯᠡ︕︾ ᠭᠡᠵᠣ ᠤᠴᠠᠭᠠᠷᠯᠠᠨ ᠤᠮᠣᠭᠯᠠᠨ ᠬᠡᠯᠡᠳᠡᠯᠡ ᠬᠤᠯᠣᠭᠠᠨᠠ | ︽ᠲᠡᠷᠡ ᠨᠠᠷᠠ ᠪᠢᠰᠢ ᠶᠠᠭᠤ ᠪᠣᠢ︖︾ ᠭᠡᠵᠣ ᠲᠡᠮᠡᠭᠡᠨ ᠪᠥᠬᠦ ᠲᠡᠭᠡᠷᠡ ᠴᠣᠩᠨᠣᠶᠢᠴᠢᠬᠠᠭᠰᠠᠨ ᠠᠷᠣᠨᠰᠢ | ᠬᠠᠷᠠᠵᠣ ᠠᠭᠤᠯᠠ ᠶᠢᠨ ᠲᠣᠯᠣᠭᠠᠢ ᠶᠢ ᠵᠣᠯᠠᠶᠢᠯᠠᠨ ᠠᠯᠳᠠᠷᠠᠨ ᠮᠠᠨᠳᠣᠵᠣ ᠪᠠᠶᠢᠭᠠ ᠨᠠᠷᠠ ᠶᠢ ᠵᠢᠭᠠᠵᠣ ᠨᠠᠮᠪᠠᠳᠠᠶᠢᠬᠠᠨ | ᠬᠡᠯᠡᠵᠣ ᠭᠡᠨᠡ᠃ ᠢᠩᠭᠢᠭᠡᠳ ᠲᠡᠮᠡᠭᠡ ᠪᠠᠷᠳᠠᠮ ᠢᠶᠠᠷ ᠢᠶᠠᠨ ᠬᠤᠵᠢᠭᠳᠠᠵᠣ᠂ ᠬᠤᠯᠣᠭᠠᠨᠠ ᠪᠠᠰᠢᠷ ᠢᠶᠠᠷ ᠢᠶᠠᠨ | ᠬᠤᠨᠵᠢᠵᠣ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠲᠡᠷᠢᠭᠦᠨ ᠳᠤ ᠵᠢᠭᠰᠠᠭᠠᠭᠳᠠᠭᠰᠠᠨ ᠶᠣᠮ ᠭᠡᠳᠡᠭ᠃ | ᠲᠡᠮᠡᠭᠡ ᠮᠢᠨᠢ ᠢᠩᠭᠢᠵᠣ ᠢᠯᠠᠭᠳᠠᠪᠠ᠃ ᠭᠡᠬᠦ ᠳᠡᠭᠡᠨ ᠲᠡᠮᠡᠭᠡ ᠮᠢᠨᠢ ᠪᠠᠰᠠ ᠴᠣ᠋ ᠶᠡᠭᠡ ᠢᠯᠠᠭᠰᠠᠨ ᠠᠮᠢᠳᠠᠨ | ᠶᠣᠮ᠃ ᠲᠡᠷᠡ ᠬᠡᠳᠣᠢ ᠪᠠᠷ ᠠᠷᠪᠠᠨ ᠬᠤᠶᠠᠷ ᠵᠢᠯ ᠳᠤ ᠤᠷᠣᠬᠤ ᠠᠵᠠ ᠲᠣᠬᠢᠶᠠᠯ ᠢᠶᠠᠨ ᠠᠯᠳᠠᠭᠰᠠᠨ ᠪᠣᠯᠪᠠᠴᠣ᠂ | ᠠᠰ ᠤᠨ ᠪᠡᠶᠡ ᠳᠡᠭᠡᠨ ᠬᠤᠯᠣᠭᠠᠨᠠ ᠶᠢᠨ ᠴᠢᠬᠢ᠂ ᠥᠬᠡᠷ ᠤᠨ ᠭᠡᠳᠡᠰᠣ᠂ ᠪᠠᠷᠰ ᠤᠨ ᠬᠢᠮᠣᠰᠣ᠂ ᠲᠠᠤᠯᠠᠢ ᠶᠢᠨ | ᠤᠷᠣᠭᠤᠯ᠂ ᠯᠣᠤ ᠶᠢᠨ ᠬᠥᠵᠣᠭᠦᠤ᠂ ᠮᠣᠭᠠᠢ ᠶᠢᠨ ᠨᠢᠳᠣ᠂ ᠮᠣᠷᠢᠨ ᠤ ᠲᠡᠯ᠂ ᠬᠤᠨᠢᠨ ᠤ ᠲᠣᠯᠣᠭᠠᠢ᠂ ᠪᠢᠴᠢᠨ ᠤ | ᠭᠤᠶᠠ᠂ ᠲᠠᠬᠢᠶᠠ ᠶᠢᠨ ᠥᠷᠪᠡᠭᠡ᠂ ᠨᠣᠬᠠᠢ ᠶᠢᠨ ᠪᠣᠷᠪᠢ᠂ ᠭᠠᠭ᠋ᠠᠢ ᠶᠢᠨ ᠰᠡᠭᠦᠯ ᠵᠡᠷᠭᠡ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ | ᠠᠮᠢᠳᠠᠨ ᠤ ᠰᠢᠨᠵᠢ ᠶᠢ ᠪᠥᠷᠢᠨ ᠠᠪᠴᠣ ᠲᠥᠷᠣᠭ᠍ᠰᠡᠨ ᠭᠠᠶᠢᠬᠠᠮᠰᠢᠭᠳᠣ ᠤᠪᠠᠳᠢᠰᠳᠣ ᠠᠮᠢᠳᠠᠨ ᠶᠣᠮ᠃ | ᠲᠡᠮᠡᠭᠡ ᠶᠢ ᠮᠢᠨᠢ ᠠᠯᠳᠠᠨ ᠰᠢᠷᠭᠠᠯ ᠡᠯᠡᠰᠣᠨ ᠲᠠᠯᠠᠢ ᠶᠢᠨ ᠠᠪᠣᠷᠭᠤ ᠲᠣᠮᠣ ᠣᠩᠭᠤᠴᠠ ᠭᠡᠳᠡᠭ᠃ ᠠᠯᠢᠨ | ᠭᠠᠯᠪᠠ ᠳᠤ ᠠᠭᠠᠷ ᠤᠨ ᠤᠩᠭᠤᠴᠠ᠂ ᠠᠭᠤᠷ ᠤᠨ ᠭᠠᠯᠳᠣ᠂ ᠠᠳᠠᠷ ᠤᠨ ᠮᠠᠰᠢᠨ ᠪᠠᠷᠠ ᠰᠣᠷᠠᠭ ᠥᠭᠡᠢ ᠪᠠᠶᠢᠬᠤ ᠳᠤ | ᠂ ᠡᠯᠡᠰᠣᠨ ᠤ ᠴᠠᠭᠠᠨᠠ ᠡᠯᠡᠰᠣ ᠪᠠᠶᠢᠳᠠᠭ᠂ ᠠᠭᠤᠯᠠᠨ ᠤ ᠴᠠᠭᠠᠨᠠ ᠠᠭᠤᠯᠠ ᠪᠠᠶᠢᠳᠠᠭ᠂ ᠤᠰᠣᠨ ᠤ ᠴᠠᠭᠠᠨᠠ ᠤᠰᠣ | ᠪᠠᠶᠢᠳᠠᠭ ᠢ ᠪᠢᠳᠡᠨ ᠤ ᠲᠡᠭᠡᠳᠣᠰ ᠲᠤ ᠠᠩᠬᠠ ᠮᠡᠳᠡᠭᠦᠯᠣᠭ᠍ᠰᠡᠨ ᠡᠩ ᠥᠭᠡᠢ ᠶᠡᠭᠡ ᠡᠨᠡᠷᠢᠯᠳᠣ ᠠᠮᠢᠳᠠᠨ ᠶᠣᠮ᠃ | ᠲᠡᠮᠡᠭᠡ ᠮᠢᠨᠢ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠡᠷᠳᠡᠨᠢᠳᠣ ᠠᠮᠢᠳᠠᠨ ᠶᠣᠮ᠃ ᠤᠨᠣᠯᠭᠠ ᠠᠴᠢᠯᠠᠭᠠ᠂ ᠤᠭᠤᠷᠠᠭ ᠰᠥ | ᠂ ᠤᠩᠭᠠᠰᠣ ᠨᠣᠣᠰᠣ᠂ ᠮᠢᠬᠠ ᠥᠭᠡᠬᠦ᠂ ᠶᠠᠰᠣ ᠰᠢᠷᠪᠣᠰᠣ᠂ ᠠᠷᠠᠰᠣ ᠰᠢᠷᠢ ᠁ ᠠᠯᠢ ᠪᠥᠬᠦᠨ ᠲᠥᠮᠡᠨ ᠡᠷᠳᠡᠨᠢ | ᠪᠥᠷᠢᠳᠣᠭ᠍ᠰᠡᠨ ᠲᠡᠭᠦᠰ ᠢᠪᠡᠭᠡᠯᠳᠣ ᠠᠮᠢᠳᠠᠨ ᠶᠣᠮ᠃ | ᠲᠡᠮᠡᠭᠡ ᠮᠢᠨᠢ ᠶᠡᠭᠡ ᠥᠭᠯᠢᠭᠡᠴᠢ ᠠᠮᠢᠳᠠᠨ ᠶᠣᠮ ᠳ᠋ᠧ᠃ ᠲᠡᠮᠡᠭᠡ ᠮᠢᠨᠢ ᠠᠩᠬᠠᠨ ᠳᠠᠭᠠᠨ ᠰᠠᠯᠠᠭᠠ ᠰᠠᠶᠢᠬᠠᠨ | ᠡᠪᠡᠷ ᠲᠠᠢ ᠪᠠᠶᠢᠭᠰᠠᠨ ᠶᠣᠮ ᠭᠡᠨᠡ᠃ ᠨᠢᠭᠡ ᠣᠳᠠᠭᠠ ᠤᠰᠣᠨ ᠲᠡᠭᠡᠷᠡ ᠪᠣᠭᠤ ᠲᠠᠢ ᠠᠭᠤᠯᠵᠠᠬᠤ ᠳᠤ ᠪᠣᠭᠤ᠄ ︽ | ᠲᠡᠮᠡᠭᠡ ᠭᠤᠸᠠᠢ᠂ ᠲᠡᠷᠡ ᠲᠡᠩᠬᠡᠶᠢᠭᠰᠡᠨ ᠰᠠᠶᠢᠬᠠᠨ ᠡᠪᠡᠷ ᠢᠶᠠᠨ ᠨᠠᠳᠠᠳᠣ ᠵᠢᠭᠡᠯᠡᠵᠣ ᠥᠭᠭᠦᠭᠡᠴᠢ᠂ ᠪᠢ ᠲᠡᠭᠷᠢ ᠶᠢᠨ | ᠨᠠᠶᠢᠷ ᠲᠤ ᠵᠡᠭᠦᠯᠳᠡ ᠪᠣᠯᠭᠠᠨ ᠬᠡᠭᠡᠯᠡᠭᠡᠳ ᠢᠷᠡᠶᠡ᠂ ᠬᠤᠶᠠᠷ ᠡᠳᠣᠷ ᠠᠴᠠ ᠬᠠᠮᠢᠭᠠ ᠴᠣ᠋ ᠪᠣᠯᠤᠭ᠂ ᠶᠠᠭᠠᠬᠢᠬᠤᠪ | ᠠᠪᠴᠢᠷᠠᠵᠣ ᠥᠭᠭᠦᠶᠡ︾ ᠭᠡᠳ ᠬᠠᠭᠤᠷᠴᠣ ᠠᠪᠠᠭᠠᠴᠢᠭᠠᠳ ᠠᠯᠠᠭ ᠪᠣᠯᠣᠭᠰᠠᠨ ᠭᠡᠳᠡᠭ᠃ ᠲᠡᠮᠡᠭᠡ ᠲᠡᠭᠡᠭᠡᠳ | ᠤᠰᠣᠨ ᠲᠡᠭᠡᠷᠡ ᠪᠣᠶᠣ ᠬᠠᠮᠢᠭᠠ ᠴᠣ᠋ ᠥᠯᠢᠢᠵᠣ ᠶᠠᠪᠣᠳᠠᠭ ᠨᠢ ᠡᠪᠡᠷ ᠢᠶᠠᠨ ᠬᠠᠷᠠᠭᠰᠠᠨ ᠲᠡᠶᠢᠮᠣ ᠤᠴᠢᠷ ᠲᠠᠢ ᠶᠣᠮ | ᠭᠡᠨᠡ᠃ ᠲᠠᠪᠣᠨ ᠰᠠᠷᠠ ᠳᠤ ᠲᠡᠮᠡᠭᠡ ᠨᠣᠣᠰᠣ ᠪᠠᠨ ᠭᠡᠭᠡᠵᠣ ᠪᠣᠭᠤ ᠡᠪᠡᠷ ᠢᠶᠠᠨ ᠰᠣᠯᠢᠳᠠᠭ ᠨᠢ ᠶᠡᠷᠣᠳᠡᠭᠡᠨ ᠯᠡ ᠶᠡᠭᠡ | ᠤᠴᠢᠷ ᠨᠠᠴᠢᠷ ᠲᠠᠢ ᠯᠡ ᠪᠠᠶᠢᠵᠣ ᠳ᠋ᠠ᠃ | ᠲᠡᠮᠡᠭᠡ ᠮᠢᠨᠢ ᠶᠡᠭᠡ ᠥᠭᠭᠢᠶᠡᠮᠣᠷᠢᠴᠢ ᠥᠯᠴᠢᠷ ᠲᠡᠪᠴᠢᠶᠡᠷᠳᠣ ᠠᠮᠢᠳᠠᠨ ᠶᠣᠮ ᠪᠢᠯᠡ᠃ ᠲᠡᠷᠡ ᠲᠠᠪᠣᠨ | ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠥᠨᠳᠦᠷᠯᠢᠭ ᠮᠥᠷᠳᠡᠭᠡᠨ ᠲᠠᠪᠣᠨ ᠬᠤᠰᠢᠭᠤ ᠮᠠᠯ᠂ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠳᠠᠭᠠᠨ ᠲᠡᠭᠷᠢᠯᠢᠭ | ᠶᠠᠪᠣᠭᠰᠠᠨ ᠶᠣᠮ᠃ ᠠᠭᠤᠯᠠ ᠶᠢᠨ ᠨᠥᠮᠣᠷᠢ᠂ ᠲᠠᠯᠠ ᠶᠢᠨ ᠠᠭᠤᠵᠠᠮ᠂ ᠡᠪᠡᠰᠣᠨ ᠤ ᠰᠣᠷ᠂ ᠤᠰᠣᠨ ᠤ ᠲᠣᠩᠭᠠᠯᠠᠭ | ᠂ ᠨᠣᠳᠤᠭ ᠤᠨ ᠰᠠᠶᠢᠬᠠᠨ᠂ ᠬᠤᠳᠤᠭ ᠤᠨ ᠪᠣᠶᠠᠨ ᠢ ᠠᠳᠣᠭᠤ᠂ ᠥᠬᠡᠷ᠂ ᠬᠤᠨᠢ᠂ ᠢᠮᠠᠭᠠᠨ ᠳᠠᠭᠠᠨ ᠨᠠᠶᠢᠷ | ᠲᠠᠯᠪᠢᠭᠠᠳ ᠥᠪᠡᠷ ᠢᠶᠠᠨ ᠭᠠᠩ ᠬᠠᠭᠤᠷᠠᠢ᠂ ᠲᠠᠴᠢᠷᠯᠢᠭ᠂ ᠬᠤᠵᠢᠷᠯᠢᠭ ᠨᠣᠳᠤᠭ ᠢᠶᠠᠷ ᠵᠠᠬᠠᠳᠠᠵᠣ ᠪᠣᠳᠠ | ᠪᠣᠳᠠᠷᠭᠠᠨᠠ᠂ ᠰᠢᠷᠠᠯᠵᠢ ᠬᠠᠮᠬᠤᠣᠯ᠂ ᠰᠢᠪᠠᠭ ᠲᠣᠭᠳᠣᠷᠭᠠᠨᠠ᠂ ᠲᠡᠰᠬᠢ ᠲᠡᠷᠡᠰᠣ᠂ ᠵᠠᠩᠭᠤᠣ ᠬᠠᠯᠠᠭᠠᠢ ᠢᠳᠡᠵᠣ᠂ | ᠬᠤᠵᠢᠷ ᠱᠤ᠋ ᠲᠣᠯᠣᠭᠠᠵᠣ᠂ ᠠᠭᠯᠠᠭ ᠪᠡᠯᠴᠢᠭᠡᠷ᠂ ᠱᠤᠷᠪᠣᠭ ᠱᠠᠩᠳᠠ ᠪᠠᠷ ᠠᠮᠢ ᠭᠤᠣᠯ᠂ ᠠᠩᠭᠠ ᠴᠠᠩᠭᠠ ᠪᠠᠨ | ᠲᠠᠶᠢᠯᠵᠣ ᠶᠠᠪᠣᠳᠠᠭ᠃ ᠲᠡᠮᠡᠭᠡ ᠶᠢ ᠲᠠᠯᠠᠨ ᠡᠮᠬᠦᠬᠦ ᠡᠪᠡᠰᠣ ᠪᠠᠷ ᠴᠠᠳᠴᠣ᠂ ᠲᠠᠯᠠᠨ ᠬᠤᠶᠠᠷ ᠪᠠᠯᠭᠤ ᠤᠰᠣ ᠪᠠᠷ | ᠬᠠᠨᠣᠳᠠᠭ ᠭᠡᠳᠡᠭ᠃ ᠪᠣᠳᠠᠨ ᠳᠤ ᠪᠣᠷᠠᠨᠳᠠᠭ ᠢᠶᠠᠷ ᠢᠶᠠᠨ ᠤᠷᠢᠶᠠᠭᠳᠠᠵᠣ ᠤᠶᠠᠭᠳᠠᠴᠢᠬᠠᠭᠠᠳ ᠬᠤᠷᠢᠨ ᠨᠠᠢᠮᠠᠨ ᠡᠳᠣᠷ | ᠲᠡᠭᠡᠷᠡ ᠪᠠᠨ ᠮᠣᠯᠳᠣᠷᠠᠭᠠᠳ ᠶᠠᠪᠣᠬᠤ ᠳᠤ ᠬᠥᠯ ᠨᠢ ᠵᠢᠭᠠᠬᠠᠨ ᠭᠤᠶᠢᠪᠠᠷᠠᠩᠬᠠᠨ ᠪᠠᠶᠢᠭᠰᠠᠨ ᠠᠴᠠ ᠥᠭᠡᠷᠡ ᠲᠠᠵᠢ | ᠥᠭᠡᠢ ᠪᠠᠶᠢᠯᠠ ᠭᠡᠳᠡᠭ᠃ ᠲᠡᠮᠡᠭᠡᠨ ᠤ ᠰᠠᠷᠬᠢᠨᠠᠭ ᠤᠨ ᠬᠢᠨᠢ ᠬᠤᠷᠭᠤᠯ ᠰᠥᠪᠡ ᠲᠠᠢ ᠪᠠᠨ ᠪᠠᠶᠢᠭᠰᠠᠨ ᠴᠠᠭ ᠲᠤ | ᠬᠠᠷᠠᠩᠭᠤᠳᠴᠣ ᠥᠬᠦᠳᠡᠭ ᠥᠭᠡᠢ ᠠᠮᠢ ᠪᠥᠬᠡ᠂ ᠶᠠᠰᠣ ᠬᠠᠳᠠᠭᠤ ᠠᠮᠢᠳᠠᠨ᠃ ᠬᠠᠰᠢᠶᠠ ᠰᠠᠷᠠᠪᠠᠴᠢ ᠬᠠᠯᠠᠭᠤᠨ | ᠬᠡᠪᠳᠡᠷ ᠢᠶᠠᠨ ᠪᠣᠰᠣᠳ ᠲᠠᠭᠠᠨ ᠵᠠᠶᠢᠯᠠᠨ ᠥᠭᠴᠣ᠂ ᠥᠪᠡᠷ ᠢᠶᠠᠨ ᠰᠠᠯᠬᠢ ᠵᠢᠪᠡᠷ ᠤᠨ ᠬᠢᠨᠢ ᠲᠡᠭᠡᠷᠡ ᠨᠥᠮᠣᠷᠢ | ᠪᠣᠯᠣᠨ ᠨᠢᠯᠴᠢᠬᠢᠨᠡᠵᠣ᠂ ᠰᠢᠭᠤᠷᠭᠠᠨ ᠢ ᠰᠥᠷᠴᠣ ᠥᠮᠣᠭ᠌ ᠪᠣᠯᠣᠨ ᠬᠠᠨᠠᠭᠠᠷᠳᠠᠭ᠃ ᠭᠠᠩ ᠬᠠᠭᠤᠷᠠᠢ ᠳᠤ ᠠᠯᠵᠠᠳᠠᠭ | ᠥᠭᠡᠢ᠂ ᠬᠠᠳᠠᠭᠤ ᠵᠣᠳ ᠲᠤ ᠲᠠᠭᠠᠭᠠᠴᠢᠳᠠᠢ᠂ ᠭᠠᠩᠭᠠᠩ ᠪᠠᠶᠢᠭᠠᠯᠢ ᠳᠠᠭᠠᠨ ᠭᠠᠮᠳᠠᠢ ᠠᠮᠢᠳᠠᠨ᠂ ᠭᠠᠵᠠᠷ ᠤᠨ | ᠬᠥᠷᠣᠰᠣᠨ ᠳᠡᠭᠡᠨ ᠬᠠᠯᠠ ᠪᠣᠯᠬᠤ ᠮᠠᠭᠠᠳ ᠥᠭᠡᠢ ᠭᠡᠳ ᠲᠠᠪᠠᠭ ᠨᠢ ᠬᠥᠷᠳᠡᠯᠡ ᠵᠥᠭᠡᠯᠡᠨ ᠫᠠᠯᠠᠭᠠᠷ᠂ ᠭᠢᠰᠬᠢᠴᠡ ᠨᠢ | ᠡᠶᠡᠷᠡᠭᠦᠨ᠂ ᠵᠤᠭᠳᠣᠷ ᠨᠢ ᠠᠶᠢᠵᠠᠮ ᠲᠠᠢ ᠬᠡᠶᠢᠮᠣᠷᠢᠳᠣ ᠠᠮᠢᠳᠠᠨ ᠪᠢᠯᠡ ᠬᠥᠭᠡᠷᠤᠬᠦᠢ᠃ | ᠲᠡᠮᠡᠭᠡ ᠮᠢᠨᠢ ᠬᠠᠳᠠᠭᠤ ᠲᠣᠳᠣᠷᠠ ᠲᠠᠢ᠂ ᠤᠬᠠᠭᠠᠯᠢᠭ ᠠᠭᠤᠳᠠᠮᠴᠢ ᠠᠮᠢᠳᠠᠨ ᠶᠣᠮ᠃ ᠨᠣᠬᠠᠢ ᠪᠣᠭᠤᠷᠠᠵᠣ | ᠬᠤᠴᠠᠬᠤ ᠪᠠᠷ ᠢᠶᠠᠨ ᠬᠤᠴᠠᠵᠣ ᠪᠠᠶᠢᠬᠤ ᠳᠤ ᠲᠡᠮᠡᠭᠡ ᠮᠢᠨᠢ ᠬᠠᠷᠢᠨ ᠠᠵᠢᠬᠤ ᠴᠣ᠋ ᠥᠭᠡᠢ ᠶᠠᠪᠣᠬᠤ ᠪᠠᠷ ᠢᠶᠠᠨ | ᠶᠠᠪᠣᠵᠣ ᠯᠡ ᠪᠠᠶᠢᠳᠠᠭ᠃ ᠡᠷᠡᠯᠬᠡᠭ ᠰᠥᠰᠣ ᠲᠠᠢ᠂ ᠡᠵᠡᠨ ᠳᠡᠭᠡᠨ ᠡᠭᠡᠯᠢ ᠲᠠᠢ᠂ ᠢᠵᠢᠯᠢ ᠳᠡᠭᠡᠨ ᠡᠨᠡᠷᠢᠯ ᠲᠠᠢ | ᠲᠡᠮᠡᠭᠡ ᠮᠢᠨᠢ᠂ ᠲᠡᠷᠡ ᠬᠤᠯᠠ ᠲᠡᠭᠷᠢ ᠤᠶᠢᠷᠠᠬᠠᠨ ᠭᠡᠵᠣ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠬᠠᠷᠠᠵᠣ ᠠᠯᠬᠤᠵᠣ ᠯᠡ ᠪᠠᠶᠢᠳᠠᠭ ᠨᠢ | ᠠᠯᠳᠠᠨ ᠲᠡᠮᠡᠭᠡᠨ ᠤ ᠮᠢᠨᠢ ᠠᠶᠠᠨ ᠵᠢᠩ ᠤᠨ ᠠᠭᠤᠳᠠᠮ ᠴᠡᠭᠡᠯ ᠤᠷᠠᠨ ᠨᠣᠭᠤᠯᠤᠭᠠ ᠲᠠᠢ ᠣᠷᠳᠣ ᠶᠢᠨ ᠲᠠᠭᠤᠤ | ᠠᠵᠤᠭᠤ᠃ | ᠲᠡᠮᠡᠭᠡ ᠮᠢᠨᠢ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠬᠢᠬᠢᠯᠢ ᠬᠤᠭᠤᠷ ᠶᠣᠮ᠃ ᠪᠣᠳᠣᠭᠤ ᠢᠩᠭᠡᠨ ᠤ ᠬᠢᠨᠢ ᠪᠣᠶᠢᠯᠠᠭᠠ | ᠠᠴᠠ ᠨᠢ ᠬᠠᠭᠠᠨ ᠬᠥᠭᠵᠢᠮ — ᠮᠣᠷᠢᠨ ᠬᠤᠭᠤᠷ ᠤᠨ ᠮᠢᠨᠢ ᠬᠥᠭ ᠡᠭᠡᠰᠢᠭ ᠰᠢᠷᠣᠩᠬᠠᠶᠢᠯᠠᠵᠣ᠂ ᠤᠷᠳᠣ ᠶᠢᠨ | ᠲᠠᠭᠤᠤ ᠤᠶᠠᠩᠭᠠᠷᠠᠨᠠ᠃ ᠲᠡᠮᠡᠭᠡᠨ ᠭᠤᠪᠢ ᠮᠢᠨᠢ ᠲᠡᠶᠢᠮᠣ ᠪᠠᠷ ᠢᠶᠠᠨ ᠬᠠᠨᠠᠭᠠᠷ ᠴᠡᠩᠬᠡᠷ᠂ ᠰᠠᠯᠬᠢ ᠨᠢ ᠬᠥᠷᠳᠡᠯᠡ | ᠶᠠᠭᠤ ᠨᠢᠭᠡᠨ ᠰᠠᠶᠢᠬᠠᠨ ᠰᠢᠪᠡᠨᠡᠭᠡ ᠲᠠᠢ᠃ ᠪᠣᠳᠣᠭᠤ ᠪᠠᠨ ᠭᠤᠯᠣᠭᠰᠠᠨ ᠢᠩᠭᠡᠨ ᠤ ᠪᠥᠬᠦ ᠳᠤᠨᠢ ᠮᠣᠷᠢᠨ ᠬᠤᠭᠤᠷ | ᠡᠯᠭᠦᠵᠣ ᠤᠷᠳᠣ ᠶᠢᠨ ᠲᠠᠭᠤᠤ ᠶᠢᠨ ᠨᠣᠭᠤᠯᠤᠭᠠ ᠬᠤᠶᠠᠷ ᠡᠷᠭᠢᠭᠦᠯᠬᠦ ᠳᠤ ᠪᠥᠳᠣᠭᠦᠨ ᠨᠢᠯᠪᠣᠰᠣ ᠨᠢ ᠪᠥᠮᠪᠥᠷᠢᠵᠣ | ᠪᠥᠬᠦ ᠪᠡᠶᠡ ᠨᠢ ᠤᠶᠠᠷᠠᠵᠣ᠂ ᠪᠣᠳᠣᠭᠤ ᠪᠠᠨ ᠡᠩᠰᠡᠯᠵᠣ ᠤᠭᠤᠷᠠᠭ ᠰᠥ ᠨᠢ ᠢᠪᠢᠯᠣᠨᠡ᠃ | ᠲᠡᠮᠡᠭᠡᠨ ᠲᠡᠭᠡᠷᠡ ᠠᠴᠠ ᠨᠠᠷᠠ ᠤᠶᠢᠷᠠᠬᠠᠨ ᠭᠡᠳᠡᠭ ᠪᠢᠯᠡ᠃ ᠲᠡᠮᠡᠭᠡᠨ ᠲᠡᠭᠡᠷᠡ ᠠᠴᠠ ᠬᠤᠷᠠ ᠴᠣ᠋ ᠤᠶᠢᠷᠠᠬᠠᠨ | ᠪᠠᠶᠢᠳᠠᠭ ᠶᠣᠮ᠃ ᠲᠡᠮᠡᠭᠡᠨ ᠲᠡᠭᠡᠷᠡ ᠠᠴᠠ ᠨᠠᠷᠠᠯᠠᠭ ᠬᠤᠷᠸᠠ ᠠᠭᠤᠳᠠᠮᠬᠠᠨ᠂ ᠨᠠᠪᠴᠢ ᠴᠡᠴᠡᠭ ᠲᠡᠭᠵᠢᠩᠬᠡᠨ | ᠬᠠᠷᠠᠭᠳᠠᠨᠠ᠃ ᠲᠡᠮᠡᠭᠡᠨ ᠵᠢᠩ ᠤᠨ ᠮᠢᠨᠢ ᠮᠥᠩᠭᠦᠨ ᠳᠣᠣᠨᠢᠯ ᠲᠡᠯᠡᠬᠡᠢ ᠶᠢᠷᠳᠢᠨᠴᠣ ᠶᠢ ᠬᠥᠭᠵᠢᠮᠳᠡᠵᠣ᠂ ᠲᠡᠮᠡᠭᠡᠨ | ᠲᠠᠪᠠᠭ ᠤᠨ ᠮᠢᠨᠢ ᠮᠥᠩᠬᠡ ᠶᠢᠨ ᠮᠥᠷ ︽ᠪᠣᠰᠤᠭᠠ ᠮᠣᠩᠭᠤᠯ︾ ᠭᠡᠵᠣ᠂ ᠪᠣᠭᠤᠷᠣᠯ ᠪᠥᠮᠪᠥᠷᠴᠡᠭ ᠲᠡᠭᠡᠷᠡ ᠪᠢᠴᠢᠵᠣ | ᠶᠠᠪᠣᠭᠰᠠᠨ ᠲᠡᠤᠬᠡ ᠲᠠᠢ᠃ ᠲᠡᠮᠡᠭᠡᠨ ᠡᠷᠢᠯ ᠢᠶᠠᠷ ᠢᠶᠠᠨ ᠪᠢᠳᠡ ᠭᠠᠩᠭᠠᠩ ᠪᠠᠶᠢᠭᠠᠯᠢ ᠳᠠᠭᠠᠨ ᠠᠭᠤᠰᠴᠣ᠂ ᠭᠠᠩᠭᠠᠩ | ᠪᠠᠶᠢᠭᠠᠯᠢ ᠪᠠᠷ ᠢᠶᠠᠨ ᠠᠮᠢᠰᠬᠤᠵᠣ ᠶᠠᠪᠣᠭᠰᠠᠨ᠂ ᠲᠡᠮᠡᠭᠡᠨ ᠭᠡᠷᠡᠯ ᠢᠶᠠᠷ ᠢᠶᠠᠨ ᠪᠢᠳᠡ ᠭᠠᠯᠪᠠ ᠶᠢᠨ ᠵᠠᠮ ᠢ ᠲᠣᠭᠤᠯᠵᠣ | ᠂ ᠭᠠᠳᠠᠭᠠᠳᠣ ᠶᠢᠷᠳᠢᠨᠴᠣ ᠪᠠᠷ ᠬᠠᠨᠠᠭᠠᠷᠠᠵᠣ ᠶᠠᠪᠣᠭᠰᠠᠨ ᠲᠣᠣᠯᠢᠰ ᠲᠠᠢ᠃ | ᠠᠢ ᠬᠥᠭᠡᠷᠣᠬᠦᠢ ᠠᠮᠠᠷᠠᠭ ᠲᠡᠮᠡᠭᠡ ᠮᠢᠨᠢ︕ ᠠᠯᠳᠠᠨ ᠬᠡᠪᠡᠯᠢ ᠳᠡᠭᠡᠨ ᠠᠩᠭᠢᠷ ᠪᠣᠳᠣᠭᠤ ᠪᠠᠨ ᠠᠷᠪᠠᠨ | ᠭᠤᠷᠪᠠᠨ ᠰᠠᠷᠠ ᠡᠷᠭᠦᠵᠣ ᠶᠠᠪᠣᠳᠠᠭ ᠠᠮᠢᠳᠠᠨ ᠭᠤᠣᠯᠳᠠᠨ ᠲᠡᠮᠡᠭᠡᠨ ᠠᠴᠠ ᠥᠭᠡᠷᠡ ᠪᠠᠶᠢᠳᠠᠭ ᠢ ᠪᠢ ᠤᠳᠣ ᠪᠣᠯᠳᠠᠯᠠ | ᠤᠯᠵᠣ ᠰᠣᠨᠣᠰᠤᠭᠠ ᠥᠭᠡᠢ᠃ | ᠲᠡᠮᠡᠭᠡ ᠶᠢ ᠲᠡᠭᠷᠢ ᠶᠢᠨ ᠠᠮᠢᠳᠠᠨ ᠭᠡᠳᠡᠭ᠂ ᠲᠡᠶᠢᠮᠣ ᠪᠠᠷ ᠢᠶᠠᠨ ᠲᠥᠮᠡᠨ ᠠᠴᠠ ᠤᠨᠳᠣᠤ ᠪᠠᠶᠢᠬᠤ ᠥᠭᠡᠢ | ᠤᠤ︕ | ︽ᠮᠠᠯ ᠨᠢ ᠡᠵᠡᠨ ᠢᠶᠠᠨ ᠲᠠᠭᠤᠷᠢᠶᠠᠨᠠ᠂ ᠮᠠᠯᠠᠭᠠᠢ ᠨᠢ ᠲᠣᠯᠣᠭᠠᠢ ᠪᠠᠨ ᠲᠠᠭᠤᠷᠢᠶᠠᠨᠠ︾ ᠭᠡᠳᠡᠭ ᠮᠠᠨ ᠤ | ᠮᠣᠩᠭᠤᠯ ᠤᠨ ᠰᠡᠴᠡᠨ ᠥᠭᠡ ᠪᠠᠶᠢᠳᠠᠭ ᠃ ᠪᠣᠳᠣᠭᠠᠳ ᠪᠠᠶᠢᠬᠤ ᠳᠤ᠂ ᠪᠢᠴᠢᠭᠡᠳ ᠰᠠᠭᠤᠬᠤ ᠳᠤ ᠶᠡᠷᠣ ᠨᠢ ᠲᠡᠭᠷᠢ | ᠶᠢᠨ ᠠᠮᠢᠳᠠᠨ ᠲᠡᠮᠡᠭᠡ ᠮᠢᠨᠢ᠂ ᠮᠠᠨ ᠤ ᠮᠠᠯᠴᠢᠳ ᠢᠶᠠᠨ ᠲᠡᠷᠡ ᠬᠡᠪ ᠢᠶᠠᠷ ᠨᠢ ᠠᠪᠴᠣ ᠲᠥᠷᠣᠭ᠍ᠰᠡᠨ ᠲᠡᠭᠷᠢᠯᠢᠭ | ᠠᠮᠢᠳᠠᠨ ᠲᠡᠷᠡ ᠪᠣᠳᠠ ᠪᠡᠶᠡ ᠪᠠᠷ ᠢᠶᠠᠨ ᠪᠠᠶᠢᠨᠠᠮ︕ | | | 2018.9.13 ᠳᠤ ᠪᠣᠣᠷᠠ ᠬᠡᠭᠡᠷᠡ ᠳᠤ | | | | |