| ᠬᠡᠤᠬᠡᠳ ᠢ ᠠᠵᠠ ᠵᠢᠷᠭᠠᠯ ᠲᠠᠢ ᠪᠤᠯᠭᠠᠬᠤ ᠠᠷᠪᠠᠨ ᠨᠢᠭᠤᠴᠠ | | ᠰᠡᠬᠦᠯ ᠤᠨ ᠦᠶᠡ ᠳᠤ ᠵᠠᠯᠠᠭᠤ ᠠᠪᠤ ᠡᠵᠢ ᠤᠳ ᠨᠠᠳᠠ ᠠᠴᠠ ︽ᠶᠠᠫᠤᠨᠴᠤᠳ ᠬᠡᠤᠬᠡᠳ ᠢᠶᠠᠨ ᠶᠠᠭᠠᠬᠢᠵᠤ | ᠦᠰᠭᠡᠵᠦ ᠬᠦᠮᠦᠵᠢᠬᠦᠯᠦᠨ᠂ ᠲᠦᠯᠦᠪᠰᠢᠷᠡᠬᠦᠯᠳᠡᠭ ᠪᠤᠢ︾ ᠭᠡᠵᠦ ᠶᠡᠬᠡᠪᠡᠷ ᠠᠰᠠᠭᠤᠬᠤ ᠪᠤᠯᠪᠠ᠃ ᠡᠶᠢᠮᠦ | ᠠᠰᠠᠭᠤᠯᠳᠠ ᠲᠠᠯᠪᠢᠵᠤ ᠪᠠᠶᠢᠨᠠ ᠭᠡᠳᠡᠭ ᠪᠤᠯ ᠰᠠᠶᠢᠨ ᠬᠡᠷᠡᠭ᠃ ᠬᠦᠮᠦᠨ ᠪᠦᠬᠦᠨ ᠠᠪᠤ ᠡᠵᠢ ᠪᠤᠯᠳᠠᠭ ᠴᠤ ᠬᠦᠮᠦᠨ | ᠪᠦᠬᠦᠨ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠦᠭᠴᠢ ᠪᠤᠯᠬᠤ ᠪᠤᠯᠤᠮᠵᠢ ᠦᠭᠡᠢ᠃ ᠲᠡᠭᠡᠬᠦ ᠪᠠᠷ ᠦᠷᠡ ᠬᠡᠤᠬᠡᠳ ᠢᠶᠠᠨ ᠪᠤᠰᠤᠳ ᠤᠨ | ᠵᠢᠱᠢᠶᠡ ᠪᠠᠷ ᠠᠪᠤ ᠡᠵᠢ᠂ ᠠᠬᠠᠮᠠᠳ ᠨᠠᠰᠤᠳᠠᠳ ᠠᠴᠠ᠂ ᠪᠠᠭᠰᠢ᠂ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠦᠭᠴᠢᠳ ᠠᠴᠠ ᠠᠰᠠᠭᠤᠵᠤ | ᠵᠢᠭᠠᠯᠭᠠᠵᠤ ᠪᠠᠶᠢᠵᠤ ᠯᠡ ᠦᠰᠭᠡᠵᠦ ᠪᠤᠶᠢᠵᠢᠭᠤᠯᠤᠨᠠ ᠰᠢᠦ ᠳ᠋ᠠ᠃ ︽ᠬᠡᠤᠬᠡᠳ ᠢ ᠠᠵᠠ ᠵᠢᠷᠭᠠᠯ ᠲᠠᠢ ᠪᠤᠯᠭᠠᠬᠤ | 10 ᠨᠢᠭᠤᠴᠠ︾ ᠭᠡᠰᠡᠨ ᠲᠠᠨᠢᠯᠴᠠᠭᠤᠯᠭᠠ ᠮᠠᠲ᠋ᠧᠷᠢᠶᠠᠯ ᠢ itm ama,jp ᠭᠡᠳᠡᠭ ᠰᠠᠶᠢᠳ᠋ ᠠᠴᠠ ᠤᠯᠤᠭᠰᠠᠨ | ᠢᠶᠠᠨ ᠤᠷᠴᠢᠭᠤᠯᠤᠨ ᠲᠠᠨᠢᠯᠴᠠᠭᠤᠯᠵᠤ ᠪᠠᠶᠢᠨᠠ᠃ | ᠡᠨᠡ ᠠᠷᠪᠠᠨ ᠨᠢᠭᠤᠴᠠ ᠪᠤᠯ ᠬᠦᠮᠦᠨ ᠪᠦᠬᠦᠨ ᠤ ᠤᠯᠵᠤ ᠮᠡᠳᠡᠭᠡ ᠦᠭᠡᠢ᠂ ᠡᠷᠳᠡᠮᠳᠡᠨ ᠮᠡᠷᠭᠡᠳ ᠨᠡᠭᠡᠭᠡᠵᠦ | ᠢᠯᠡᠷᠡᠬᠦᠯᠦᠭᠰᠡᠨ ᠤᠨᠴᠠ ᠶᠢᠨ ᠵᠤᠶᠢᠯ ᠤᠭᠳᠤ ᠪᠢᠰᠢ᠃ ᠮᠠᠰᠢ ᠡᠩ ᠤᠨ᠂ ᠪᠢᠳᠡ ᠪᠦᠬᠦᠳᠡ ᠶᠢᠨ ᠮᠡᠳᠡᠳᠡᠭ᠂ ᠪᠢᠳᠡ | ᠪᠦᠬᠦᠨ ᠤ ᠬᠢᠵᠦ ᠴᠢᠳᠠᠳᠠᠭ ᠯᠡ ᠠᠵᠢᠯ᠃ ᠶᠡᠷᠦ ᠨᠢ ᠪᠤᠯ ︽ᠡᠩ ᠤᠨ︾ ᠶᠠᠭᠤᠮᠠᠨ ᠲᠤᠲᠤᠷᠠ ᠯᠡ ᠠᠭᠤᠤ | ᠶᠠᠭᠤᠮᠠ ᠪᠠᠶᠢᠭᠠᠳ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠳᠠᠭ᠃ ᠪᠢᠳᠡ ᠯᠡ ︽ᠠᠮᠧᠷᠢᠺᠠ ᠳᠤ ᠶᠠᠮᠠᠷ ᠪᠠᠶᠢᠨᠠ᠂ ᠡᠸᠤᠷᠦ᠋ᠫᠡᠴᠤᠳ | ᠶᠠᠭᠠᠬᠢᠳᠠᠭ ᠭᠡᠨᠡ᠂ ᠶᠠᠭ ᠰᠠᠯᠪᠤᠷᠢ ᠶᠢᠨ ᠬᠢ ᠰᠢᠭ ᠨᠢ ᠳ᠋ᠤᠺᠲ᠋ᠤᠷ ᠫᠷᠤᠹᠧᠰᠰᠤᠷ ᠤᠳ ᠶᠠᠭᠤ ᠭᠡᠵᠦ ᠬᠡᠯᠡᠭᠰᠡᠨ | ᠪᠠᠶᠢᠨᠠ︖︾ ᠭᠡᠳ ᠯᠡ᠂ ᠲᠤᠮᠤ ᠶᠠᠭᠤᠮᠠ ᠬᠠᠶᠢᠭᠠᠳ ᠪᠠᠶᠢᠳᠠᠭ ᠪᠤᠯᠬᠤ ᠠᠴᠠ ᠦᠨᠡᠨᠳᠡᠭᠡᠨ ︽ᠬᠢᠮᠤᠷᠠᠯ ᠠᠴᠠ | ᠭᠠᠷᠬᠤ ᠠᠷᠭᠠ︾ ᠴᠤ ᠪᠢᠳᠡᠨ ᠤ ᠤᠭᠤᠷᠠᠭ ᠲᠠᠷᠢᠬᠢᠨ ᠳᠤ ᠪᠠᠶᠢᠵᠤ ᠯᠡ ᠪᠠᠶᠢᠭᠠ᠃ ᠬᠡᠤᠬᠡᠳ ᠬᠦᠮᠦᠵᠢᠬᠦᠯᠬᠦ ᠴᠤ | ᠪᠠᠰᠠ ᠠᠳᠠᠯᠢ᠃ ᠭᠠᠳᠠᠨᠠᠬᠢ ᠶᠢᠨ ᠡᠯᠳᠡᠪ ᠤᠨ ᠰᠦᠯᠵᠢᠶᠡ᠂ ᠬᠤᠭᠤᠰᠤᠨ ᠤᠨᠤᠯ ᠳᠤ ᠢᠳᠡᠭᠡᠭᠡᠳ᠂ ᠳᠠᠭᠠᠭᠠᠳ | ᠪᠠᠶᠢᠬᠤ ᠶᠤᠮ ᠪᠤᠯ ᠪᠢᠳᠡᠨ ᠤ ᠲᠤᠯᠤᠭᠠᠢ ᠠᠮᠠᠷᠬᠠᠨ ︽ᠡᠷᠬᠢᠬᠦᠯᠦᠭᠳ᠋ᠨᠨᠡ︾ ᠰᠢᠦ᠃ ᠡᠶᠢᠮᠦᠷᠬᠦ ᠪᠠᠶᠢᠳᠠᠯ ᠤᠳᠤ ᠴᠦ | ᠭᠡᠳ ᠤᠷᠤᠰᠢᠵᠦ ᠯᠡ ᠪᠠᠶᠢᠨᠠ᠃ ᠵᠠ ᠢᠩᠬᠢᠭᠡᠳ 10 ᠨᠢᠭᠤᠴᠠ ᠶᠢ ᠲᠠᠨᠢᠯᠴᠠᠭᠤᠯᠤᠶᠠ᠄ | 1. ᠠᠪᠤ ᠡᠵᠢ ᠬᠡᠤᠬᠡᠳ ᠲᠠᠢ ᠪᠠᠨ ᠢᠨᠢᠶᠡᠳᠦ ᠲᠠᠢ ᠬᠦᠭᠵᠢᠯᠳᠡᠢ ᠶᠠᠷᠢᠶᠠ᠂ ᠤᠨᠢᠭᠠ ᠶᠠᠷᠢᠵᠤ ᠢᠨᠢᠶᠡᠯᠳᠦᠵᠦ | ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠬᠡᠤᠬᠡᠳ ᠢᠶᠠᠷ ᠢᠶᠠᠨ ᠤᠨᠢᠭᠠ ᠪᠠᠨ ᠶᠠᠷᠢᠭᠤᠯᠬᠤ᠃ ᠤᠨᠢᠭᠠ ᠪᠠᠨ ᠶᠠᠷᠢᠵᠤ ᠴᠠᠭ ᠢ | ᠦᠩᠭᠡᠷᠡᠭᠡᠬᠦ ᠨᠢ ᠬᠡᠤᠬᠡᠳ ᠢ ᠴᠢᠯᠦᠭᠡᠳᠡᠢ ᠪᠤᠯᠭᠠᠳᠠᠭ᠂ ᠬᠠᠪᠴᠢᠭᠳᠠᠮᠠᠯ ᠪᠢᠰᠢ ᠪᠤᠯᠭᠠᠳᠠᠭ᠂ ᠨᠠᠶᠢᠵᠠ ᠨᠦᠬᠦᠳ ᠲᠠᠢ | ᠪᠤᠯᠭᠠᠳᠠᠭ᠂ ᠰᠲᠷᠧᠰᠰ ᠲᠠᠷᠤᠮᠳᠠ ᠶᠢ ᠮᠡᠳᠡᠷᠡᠬᠦ ᠦᠭᠡᠢ ᠪᠤᠯᠭᠠᠳᠠᠭ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ᠃ | 2. ᠬᠡᠤᠬᠡᠳ ᠢ ᠲᠠᠪᠤᠨ ᠨᠠᠰᠤ ᠬᠦᠷᠲᠡᠯᠡ ᠨᠢ ᠠᠪᠤ ᠡᠵᠢ ᠶᠢᠨ ᠵᠦᠭ ᠠᠴᠠ ︽ᠬᠤᠷᠢᠭᠯᠠᠭᠰᠠᠨ᠂ | ᠡᠰᠡᠷᠬᠦᠴᠡᠭᠰᠡᠨ︾ ᠦᠢᠯᠡᠳᠦᠯ ᠬᠢᠬᠦ ᠦᠭᠡᠢ ᠪᠠᠶᠢᠬᠤ᠃ ᠡᠨᠡ ᠴᠠᠭ ᠬᠤᠭᠤᠴᠠᠭᠠᠨ ᠳᠤ ᠬᠦᠴᠦ ᠪᠠᠷ ᠬᠤᠷᠢᠭᠯᠠᠬᠤ᠂ | ᠬᠡᠤᠬᠡᠳ ᠤᠨ ᠬᠦᠰᠡᠯ ᠢ ᠪᠤᠭᠤᠬᠤ ᠵᠡᠷᠭᠡ ᠦᠢᠯᠡᠳᠦᠯ ᠬᠢᠪᠡᠯ ᠮᠠᠭᠠᠳ ᠦᠭᠡᠢ ᠨᠠᠰᠤᠨ ᠲᠤᠷᠰᠢᠳᠠ ᠨᠢ ᠮᠠᠭᠤ | ᠨᠦᠯᠦᠭᠡ ᠪᠤᠯᠵᠤ ᠦᠯᠡᠳᠡᠬᠦ ᠶᠢ ᠦᠭᠡᠶᠢᠰᠭᠡᠬᠦ ᠦᠭᠡᠢ᠃ ᠠᠪᠤ ᠡᠵᠢ ᠬᠡᠷᠪᠡ ᠠᠭᠤᠷ ᠪᠠᠴᠢᠮᠳᠠᠯ ᠢᠶᠠᠨ ᠪᠠᠷᠢᠵᠤ | ᠴᠢᠳᠠᠳᠠᠭ ᠦᠭᠡᠢ ᠪᠤᠯ ᠶᠠᠭᠠᠬᠢᠳᠠᠭ ᠴᠤ ᠪᠠᠶᠢᠭᠰᠠᠨ ᠡᠬᠦᠨ ᠢ ᠪᠠᠨ ᠳᠡᠪᠴᠢᠬᠦ ᠶᠤᠰᠤᠳᠠᠢ᠃ | 3. ᠠᠪᠤ ᠡᠵᠢ ᠦᠪᠡᠷ ᠲᠤ ᠪᠠᠨ ᠰᠠᠨᠠᠭᠠ ᠵᠤᠪᠠᠵᠤ᠂ ᠦᠪᠡᠷ ᠲᠤ ᠪᠠᠨ ᠱᠠᠭᠠᠷᠳᠠᠯᠭᠠ ᠲᠠᠯᠪᠢᠳᠠᠭ ᠪᠠᠶᠢᠬᠤ᠃ | ᠢᠩᠬᠢᠵᠦ ᠦᠪᠡᠷ ᠢ ᠪᠠᠨ ︽ᠦᠰᠭᠡᠵᠦ ᠦᠨᠳᠡᠶᠢᠯᠭᠡᠭᠰᠡᠨ︾ ᠤ ᠠᠴᠢ ᠪᠠᠷ ᠬᠦᠨᠳᠦᠷᠦᠯ ᠪᠡᠷᠭᠡᠰᠢᠶᠡᠯ ᠢ ᠳᠠᠪᠠᠨ | ᠲᠤᠭᠤᠯᠤᠨᠠ᠃ ᠠᠪᠤ ᠡᠵᠢ ᠶᠢᠨ ᠡᠨᠡ ᠪᠠᠶᠢᠳᠠᠯ ᠢ ᠬᠠᠷᠠᠵᠤ ᠪᠤᠢ ᠬᠡᠤᠬᠡᠳ ᠴᠤ ᠦᠪᠡᠷ ᠢ ᠪᠠᠨ ᠡᠶᠢᠮᠦ ᠬᠦᠮᠦᠨ | ᠪᠤᠯᠭᠠᠬᠤ ᠭᠡᠵᠦ ᠵᠢᠳᠬᠦᠵᠦ ᠡᠬᠢᠯᠡᠨᠡ᠃ ᠠᠪᠤ ᠡᠵᠢ ᠬᠦᠮᠦᠵᠢᠯ ᠤᠨ ᠵᠢᠱᠢᠶᠡ ᠪᠤᠯᠵᠤ ᠪᠠᠶᠢᠨᠠ ᠭᠡᠰᠡᠨ ᠦᠭᠡ᠃ | 4. ᠬᠡᠤᠬᠡᠳ ᠢ ᠴᠢᠯᠦᠭᠡᠲᠡᠢ ᠪᠠᠶᠢᠯᠭᠠᠨᠠ᠃ ᠬᠡᠤᠬᠡᠳ ᠢ ︽ᠡᠬᠦᠷ ᠢᠶᠠᠨ ᠡᠪᠳᠡᠨ︾ ᠭᠠᠷᠬᠤ ᠦᠶᠡ ᠳᠤ ᠨᠢ | ᠴᠢᠯᠦᠭᠡᠳᠡᠢ ᠶᠠᠪᠤᠭᠤᠯᠬᠤ ᠬᠡᠷᠡᠭᠲᠡᠢ᠃ ᠢᠩᠬᠢᠴᠢᠭᠡᠬᠦ ᠪᠤᠯᠪᠠᠤ᠂ ᠲᠡᠭᠡᠴᠢᠬᠡᠬᠦ ᠪᠤᠯᠪᠠᠤ ᠭᠡᠳ ᠯᠡ ᠰᠠᠨᠠᠭᠠ ᠵᠤᠪᠠᠭᠠᠳ | ᠪᠠᠶᠢᠳᠠᠭ ᠠᠪᠤ ᠡᠵᠢ ᠰᠢᠨᠡ ᠵᠤᠶᠢᠯ ᠢ ᠮᠡᠳᠡᠷᠡᠨ ᠤᠶᠢᠯᠠᠭᠠᠬᠤ ᠬᠡᠤᠬᠡᠳ ᠲᠤ ᠰᠠᠭᠠᠳ ᠪᠤᠯᠬᠤ ᠠᠴᠠ ᠪᠠᠨ ᠦᠭᠡᠷᠡ | ᠶᠠᠭᠤᠮᠠ ᠦᠭᠡᠢ᠃ ᠴᠠᠭ ᠨᠢ ᠢᠷᠡᠬᠦ ᠪᠠᠷ ︽ᠨᠢᠰᠦᠨ ᠤᠳᠬᠤ︾ ᠬᠡᠤᠬᠡᠳ ᠢᠶᠠᠨ ᠡᠬᠦᠨ ᠳᠤᠨᠢ ᠡᠷᠳᠡ ᠠᠴᠠ | ᠪᠡᠯᠡᠳᠭᠡ᠃ | 5. ᠠᠪᠤ ᠡᠵᠢ ᠬᠤᠶᠠᠷ ᠤᠨ ᠬᠢᠨᠢ ᠲᠤᠳᠤᠨᠤ ᠬᠠᠷᠢᠯᠴᠠᠭᠠ ᠠᠮᠢᠳᠤᠷᠠᠯ ᠤᠨ ᠪᠤᠳᠠᠳᠤ ᠲᠤᠯᠢ ᠯᠡ ᠭᠡᠰᠡᠨ ᠦᠭᠡ | ᠃ ᠠᠪᠤ ᠡᠵᠢ ᠤᠳ ︽ᠬᠡᠤᠬᠡᠳ ᠲᠠᠢ ᠪᠤᠯᠤᠯᠠ︾ ᠭᠡᠳ ᠯᠡ ᠦᠪᠡᠷᠰᠡᠳ ᠢ ᠪᠠᠨ ᠮᠠᠷᠳᠠᠵᠤ ᠪᠤᠯᠬᠤ ᠦᠭᠡᠢ᠃ ᠪᠠᠭᠠ | ᠨᠠᠰᠤᠨ ᠤ ᠬᠡᠤᠬᠡᠳ ᠲᠠᠢ ᠠᠪᠤ ᠡᠵᠢ ᠰᠠᠯᠵᠤ ᠰᠠᠷᠨᠢᠬᠤ ᠲᠤᠬᠠᠢ ᠪᠤᠳᠤᠵᠤ ᠪᠠᠶᠢᠬᠤ ᠶᠤᠮ ᠪᠤᠯ ᠬᠡᠤᠬᠡᠳ ᠨᠢ ᠨᠤᠶᠢᠷᠠ | ᠶᠢᠨ ᠲᠤᠳᠠᠭᠳᠠᠯ ᠲᠠᠢ ᠪᠤᠯᠳᠠᠭ ᠭᠡᠰᠡᠨ ᠡᠷᠳᠡᠮᠳᠡᠳ ᠤᠨ ᠰᠤᠳᠤᠯᠭᠠ ᠪᠤᠢ᠃ ᠠᠪᠤ ᠡᠵᠢ ᠨᠢ ᠠᠮᠠ ᠬᠡᠯᠡ ᠪᠠᠨ | ᠤᠯᠬᠤ ᠦᠭᠡᠢ᠂ ᠠᠮᠠ ᠨᠡᠭᠡᠭᠡᠪᠡᠯ ᠯᠡ ᠮᠠᠷᠭᠤᠯᠳᠠᠴᠢᠬᠠᠬᠤ ᠭᠡᠳ ᠪᠠᠶᠢᠪᠠᠯ ᠬᠡᠤᠬᠡᠳ ᠠᠮᠤᠷ ᠲᠠᠶᠢᠪᠤᠩ ᠪᠠᠶᠢᠵᠤ | ᠴᠢᠳᠠᠬᠤ ᠦᠭᠡᠢ᠃ ᠡᠶᠢᠮᠦ ᠶᠠᠭᠤᠮᠠ ᠶᠢ ᠦᠷᠡ ᠬᠡᠤᠬᠡᠳ ᠲᠡᠭᠡᠨ ᠪᠤᠤ ᠬᠠᠷᠠᠭᠤᠯ᠃ | 6. ᠰᠡᠳᠬᠢᠯ ᠰᠠᠨᠠᠭᠠ ᠪᠠᠷ ᠤᠨᠠᠨ᠂ ᠠᠭᠤᠷ ᠤᠴᠠᠭᠠᠷ ᠲᠤ ᠠᠪᠳᠠᠪᠠᠯ ᠠᠪᠤ ᠡᠵᠢ ᠤᠳ ᠦᠪᠡᠷ ᠢ ᠪᠠᠨ | ᠤᠳᠤᠷᠢᠳᠤᠨ᠂ ᠠᠭᠤᠷ ᠤᠨᠳᠤᠴᠠᠯ ᠢᠶᠠᠨ ᠲᠠᠷᠤᠨ᠂ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠠᠷᠢᠭᠤᠰᠬᠠᠵᠤ ᠪᠠᠢ᠃ ᠠᠭᠤᠷ | ᠤᠴᠠᠭᠠᠷ ᠲᠠᠢ ᠡᠵᠢ ᠶᠢᠨ ᠭᠠᠷ ᠢᠶᠠᠷ ᠦᠰᠦᠭᠰᠡᠨ ᠬᠡᠤᠬᠡᠳ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠬᠤ ᠳᠠᠭᠠᠨ ᠳᠠᠷᠤᠮᠳᠠ | ᠶᠠᠳᠠᠷᠠᠭᠠᠨ ᠳᠤ ᠤᠷᠤᠬᠤ ᠳᠠᠭᠠᠨ ᠠᠮᠠᠷᠬᠠᠨ ᠪᠤᠯᠳᠠᠭ᠃ | 7. ᠬᠡᠤᠬᠡᠳ ᠲᠠᠢ ᠪᠠᠨ ᠨᠠᠶᠢᠷᠰᠠᠭ ᠰᠠᠶᠢᠬᠠᠨ ᠬᠠᠷᠢᠴᠠᠳᠠᠭ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ︽ᠵᠦᠪᠬᠡᠨ ᠴᠢ ᠪᠢᠳᠡ | ᠬᠤᠶᠠᠷ ᠤᠨ ᠨᠢᠭᠤᠴᠠ︾ ᠭᠡᠳ ᠯᠡ᠂ ᠬᠡᠤᠬᠡᠳ ᠲᠠᠢ ᠪᠠᠨ ᠬᠠᠮᠤᠭ ᠪᠠᠶᠢᠳᠠᠭ ᠢᠶᠠᠨ ᠠᠮᠢᠨᠴᠢᠯᠠᠨ ᠶᠠᠷᠢᠳᠠᠭ ᠪᠤᠯ | ᠡᠬᠦᠨ ᠰᠢᠭ ᠴᠢᠬᠤᠯᠠ ᠶᠠᠭᠤᠮᠠ ᠦᠭᠡᠢ᠃ ᠰᠢᠯᠵᠢᠯᠳᠡ ᠶᠢᠨ ᠨᠠᠰᠤ ᠬᠦᠷᠲᠡᠯᠡ ᠨᠢ ᠬᠡᠤᠬᠡᠳ ᠲᠠᠢ ᠪᠠᠨ ᠵᠢᠩᠬᠢᠨᠢ | ᠲᠤᠳᠤᠨᠤ ᠬᠠᠷᠢᠴᠠᠭᠠ ᠲᠠᠢ ᠪᠠᠶᠢᠵᠤ ᠴᠢᠳᠠᠬᠤ ᠶᠤᠮ ᠪᠤᠯ ︽ᠠᠪᠤ ᠡᠵᠢ ᠬᠡᠤᠬᠡᠳ ᠤᠨ ᠬᠠᠶᠢᠷᠠ︾ ᠨᠠᠰᠤᠨ | ᠲᠤᠷᠰᠢᠳᠠ ᠦᠷᠬᠦᠯᠵᠢᠯᠡᠨᠡ ᠭᠡᠰᠡᠨ ᠦᠭᠡ᠃ | 8. ᠬᠡᠤᠬᠡᠳ ᠠᠷᠪᠠᠨ ᠨᠠᠰᠤᠨ ᠳᠤ ᠬᠦᠷᠦᠭᠡᠳ ᠢᠷᠡᠬᠦ ᠪᠠᠷ ᠯᠡ ᠠᠪᠤ ᠡᠵᠢ ᠶᠢᠨ ᠦᠭᠡᠳᠡ ᠠᠴᠠ ︽ | ᠲᠠᠶᠢᠯᠪᠤᠷᠢ ᠲᠠᠯᠪᠢᠭᠠᠳ︾ ᠡᠬᠢᠯᠡᠳᠡᠭ᠃ ᠬᠡᠤᠬᠡᠳ ᠬᠦᠮᠦᠰ ᠲᠠᠢ ᠦᠪᠡᠷ ᠤᠨ ᠪᠤᠳᠤᠯ ᠢᠶᠠᠷ ᠬᠠᠷᠢᠴᠠᠵᠤ ᠡᠬᠢᠯᠡᠵᠦ | ᠪᠠᠶᠢᠭᠠ ᠨᠢ ᠡᠨᠡ᠃ ᠨᠠᠶᠢᠵᠠ ᠨᠦᠬᠦᠳ ᠲᠠᠢ ᠪᠠᠨ ᠴᠤ ᠢᠩᠬᠢᠵᠦ ᠬᠠᠷᠢᠴᠠᠵᠤ ᠡᠬᠢᠯᠡᠨᠡ᠃ ᠡᠬᠦᠨ ᠢ ᠤᠭᠳᠤ | ᠠᠩᠬᠠᠷᠠᠬᠤ ᠦᠭᠡᠢ ᠶᠤᠮ ᠰᠢᠭ ᠯᠡ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠶᠤᠮ ᠰᠢᠦ᠃ | 9. ᠦ ᠰᠡᠪ ᠦᠭᠡᠢ ᠲᠡᠭᠦᠰ ᠬᠦᠮᠦᠨ ᠭᠡᠵᠦ ᠬᠠᠮᠢᠭᠠ ᠴᠤ ᠪᠠᠶᠢᠳᠠᠭ ᠦᠭᠡᠢ᠃ ᠲᠡᠶᠢᠮᠦ ᠤᠴᠢᠷ ᠠᠴᠠ | ᠬᠡᠤᠬᠡᠳ ᠢᠶᠠᠨ ᠭᠠᠶᠢᠬᠠᠮᠰᠢᠭ ᠲᠠᠢ ᠪᠤᠯᠭᠠᠬᠤ ᠭᠡᠳ ᠯᠡ ᠦᠪᠡᠷ ᠢ ᠪᠠᠨ ᠵᠤᠪᠠᠭᠠᠭᠠᠳ ᠬᠡᠷᠡᠭ ᠦᠭᠡᠢ᠃ ᠬᠡᠤᠬᠡᠳ | ᠪᠦᠷᠢ ᠳᠤ ᠦᠪᠡᠷ ᠦᠪᠡᠷ ᠤᠨ ᠰᠠᠶᠢᠨ ᠲᠠᠯᠠ᠂ ᠰᠤᠯᠠ ᠲᠠᠯᠠ ᠪᠤᠢ᠃ ᠬᠡᠤᠬᠡᠳ ᠮᠠᠨᠢ ᠰᠠᠶᠢᠨ ᠬᠦᠮᠦᠨ ᠪᠠᠶᠢᠬᠤ | ᠶᠤᠰᠤᠳᠠᠢ ᠭᠡᠵᠦ ᠪᠤᠳᠤᠭᠠᠳ ᠯᠡ᠂ ᠵᠢᠳᠬᠦᠭᠡᠳ ᠪᠠᠶᠢᠭᠠ ᠵᠠᠯᠠᠭᠤ ᠠᠪᠤ ᠡᠵᠢ ᠦᠪᠡᠷᠰᠡᠳ ᠢᠶᠠᠨ ᠶᠠᠳᠠᠷᠨᠴᠤ᠂ ᠡᠴᠦᠰ | ᠲᠤ ᠦᠪᠡᠷ ᠲᠡᠭᠡᠨ ᠢᠳᠡᠭᠡᠯ ᠦᠭᠡᠢ ᠪᠤᠯᠤᠨᠠ᠃ ᠬᠠᠷᠢᠨ ᠢᠩᠬᠢᠵᠦ ︽ᠵᠤᠪᠠᠯ ᠦᠭᠡᠢ︾᠂ ᠬᠡᠤᠬᠡᠳ ᠢᠶᠠᠨ ᠦᠪᠡᠷ | ᠤᠨ ᠬᠢ ᠪᠠᠷ ᠢᠶᠠᠨ ᠯᠡ ᠦᠰᠭᠡᠬᠦ ᠬᠡᠷᠡᠭᠲᠡᠢ᠃ | 10. ᠬᠡᠤᠬᠡᠳ ᠢᠶᠠᠨ ᠵᠦᠪ ᠬᠦᠮᠦᠨ ᠪᠤᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠬᠡᠤᠬᠡᠳ ᠢᠶᠠᠨ ᠰᠠᠶᠢᠨ ︽ᠮᠡᠳᠡᠵᠦ ᠲᠠᠨᠢᠬᠤ︾ | ᠬᠡᠷᠡᠭᠲᠡᠢ᠃ ᠠᠪᠤ ᠡᠵᠢ ᠤᠳ ᠬᠡᠤᠬᠡᠳ ᠢᠶᠠᠨ ᠶᠠᠭᠠᠬᠢᠵᠤ ᠬᠦᠮᠦᠵᠢᠬᠦᠯᠬᠦ ᠪᠠᠨ ᠦᠪᠡᠷᠰᠡᠳ ᠢᠶᠠᠨ ᠮᠡᠳᠡᠭᠡᠳ ᠪᠠᠶᠢᠭᠠ | ᠶᠤᠮ ᠰᠢᠭ ᠯᠡ ᠰᠠᠨᠠᠳᠠᠭ᠃ ᠬᠠᠷᠢᠨ ᠡᠨᠡ ᠠᠵᠢᠯ ᠰᠠᠨᠠᠭᠰᠠᠨ ᠤ ᠵᠤᠷᠢᠭ ᠢᠶᠠᠷ ᠪᠤᠯᠬᠤ ᠦᠭᠡᠢ᠃ ᠠᠪᠤ ᠡᠵᠢ ᠬᠡᠤᠭᠡᠳ | ᠢᠶᠠᠨ ᠵᠦᠪ ︽ᠲᠠᠨᠢᠭᠰᠠᠨ︾ ᠤ ᠠᠴᠢ ᠪᠠᠷ ᠦᠪᠡᠷ ᠤᠨ ᠢᠶᠠᠨ ᠬᠡᠤᠬᠡᠳ ᠲᠤ ᠲᠤᠬᠢᠷᠠᠬᠤ ᠬᠦᠮᠦᠵᠢᠬᠦᠯᠦᠨ | ᠲᠦᠯᠦᠪᠰᠢᠷᠡᠬᠦᠯᠬᠦ ᠠᠷᠭᠠ ᠶᠢ ᠤᠯᠤᠨᠠ᠃ ᠬᠠᠳᠠᠭᠤ ᠴᠢᠩᠭᠠ ᠠᠪᠤ ᠡᠵᠢ ᠲᠠᠢ ᠬᠡᠤᠬᠡᠳ ᠤᠳ ᠤᠨ ᠲᠠᠯᠠ ᠤᠷᠴᠢᠮ | ᠨᠢ ᠠᠶᠤᠮᠠᠬᠠᠢ᠂ ᠰᠡᠳᠬᠢᠯ ᠢᠶᠠᠷ ᠤᠨᠠᠮᠠᠳᠠᠭᠠᠢ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ ᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ᠃ | |