ᠵᠣᠬᠢᠶᠠᠭᠴᠢ᠄ ᠰᠣᠨᠣᠷ | | | ᠡᠳᠦᠷ ᠰᠦᠨᠢ ᠶᠢᠨ ᠵᠠᠭᠠᠭ᠂ ᠭᠠᠵᠠᠷ ᠲᠡᠭᠷᠢ ᠶᠢᠨ ᠬᠢᠯᠢ ᠳᠡᠭᠡᠷᠡ | ᠨᠠᠷᠠᠨ ᠤ ᠰᠤᠷᠮᠤᠤᠰᠤᠨ ᠠᠴᠠ ᠰᠠᠷᠠᠨ ᠤ ᠪᠠᠳᠠᠭ ᠢᠶᠠᠷ ᠪᠠᠭᠤᠵᠤ | ᠪᠦᠳᠦᠨ ᠪᠦᠯᠢᠶᠡᠨ ᠪᠦᠮᠪᠦᠷᠴᠡᠭ ᠤᠨ ᠢᠶᠠᠨ | ᠲᠡᠩᠭᠡᠯᠢᠭ ᠤᠨ ᠱᠤᠩ ᠠᠴᠠ ᠬᠠᠯᠳᠤᠷᠢᠵᠤ ᠤᠨᠠᠭᠰᠠᠨ | ᠪᠢ ᠴᠢᠯᠠᠭᠤᠨ ᠤ ᠬᠡᠯᠲᠡᠷᠬᠡᠢ | | ᠠᠭᠤᠯᠠᠨ ᠭᠠᠯᠪᠠ ᠶᠢᠨ ᠠᠩ ᠠᠴᠠ | ᠲᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠪᠠᠷ ᠬᠠᠷᠠᠭᠠ ᠠᠪᠴᠤ | ᠬᠦᠬᠡ ᠳᠦᠯᠦ ᠶᠢᠨ ᠲᠠᠰᠤᠷᠬᠠᠢ ᠪᠠᠷ ᠲᠦᠷᠡᠯᠵᠡᠭᠰᠡᠨ | ᠪᠢ ᠲᠠᠮᠠᠭᠠᠨ ᠬᠢᠴᠡ ᠲᠠᠢ ᠴᠢᠯᠠᠭᠤᠨ ᠤ ᠬᠡᠯᠲᠡᠷᠬᠡᠢ | | ᠬᠡᠶᠢᠮᠤᠷᠢ ᠳᠡᠯ ᠬᠡᠶᠢᠰᠭᠡᠭᠰᠡᠨ ᠮᠠᠩᠯᠠᠢ ᠠᠭᠲᠠ ᠶᠢ | ᠮᠢᠯᠢᠶᠠᠭᠰᠠᠨ ᠬᠠᠳᠠᠭ ᠤᠨ ᠰᠡᠮᠡᠷᠬᠡᠢ ᠳᠤ ᠨᠠᠮᠠᠨᠴᠢᠯᠠᠭᠳᠠᠵᠤ | ᠵᠤᠳᠤᠭ ᠨᠦᠮᠦᠷᠢᠭᠰᠡᠨ ᠮᠤᠩᠭᠤᠯ ᠡᠷᠡ ᠶᠢ | ᠳᠡᠯᠡᠬᠡᠢ ᠶᠢᠨ ᠰᠢᠷᠤᠢ ᠠᠴᠠ ᠡᠪᠦᠳᠦᠭ ᠲᠦᠰᠢᠵᠦ ᠠᠪᠬᠤ | ᠴᠢᠩᠭᠢᠰ ᠤᠨ ᠵᠠᠷᠯᠢᠭ ᠲᠠᠢ ᠲᠡᠭᠷᠢ ᠠᠴᠠ ᠲᠠᠰᠤᠷᠠᠵᠤ ᠢᠷᠡᠭᠰᠡᠨ | ᠪᠢ ᠰᠤᠷ ᠤᠨ ᠤᠨᠤᠭᠠᠨ ᠳᠤ ᠬᠠᠷᠪᠤᠭᠳᠠᠭᠰᠠᠨ ᠴᠢᠯᠠᠭᠤᠨ ᠤ ᠬᠡᠯᠲᠡᠷᠬᠡᠢ | | ᠳᠦᠷᠦᠭᠡᠨ ᠤ ᠪᠦᠪᠡᠢ ᠳᠤ ᠠᠷᠪᠠᠨ ᠰᠠᠷᠠ ᠰᠦᠢᠭ᠌ᠳᠠᠵᠤ | ᠬᠠᠳᠠᠨ ᠡᠩᠭᠡᠷ ᠤᠨ ᠰᠠᠯᠬᠢᠨ ᠳᠤ ᠭᠤᠷᠪᠠᠨ ᠵᠠᠭᠤᠨ ᠬᠤᠨᠤᠭ ᠨᠡᠷᠡᠭᠳᠡᠵᠦ | ᠮᠠᠯᠴᠢᠨ ᠤ ᠤᠳᠤᠮ ᠳᠤ ᠦᠷᠡ ᠶᠢᠨ ᠵᠠᠶᠠᠭᠠ ᠴᠢᠷᠠᠯᠠᠬᠤ ᠪᠠᠷ | ᠬᠤᠷᠸᠠ ᠪᠠᠭᠲᠠᠨ ᠡᠰᠭᠡᠭᠳᠡᠭᠰᠡᠨ ᠠᠪᠤ ᠶᠢᠨ ᠢᠶᠠᠨ ᠲᠡᠷᠯᠢᠭ ᠲᠤ ᠮᠠᠨᠴᠦ᠋ᠢᠯᠠᠭᠤᠯᠵᠤ | ᠲᠠᠯᠠ ᠤᠶᠠᠰᠤᠨ ᠨᠢᠯᠬᠠᠷᠠᠭᠰᠠᠨ ᠡᠵᠢ ᠶᠢᠨ ᠢᠶᠠᠨ ᠡᠨᠡᠷᠢᠯ ᠳᠤ ᠦᠯᠦᠭᠡᠶᠢᠳᠡᠭᠦᠯᠵᠤ | ᠳᠡᠭᠡᠪᠦᠷᠢᠳᠦ ᠦᠷᠭᠦᠭᠡᠨ ᠳᠤ ᠡᠴᠢᠭᠡ ᠡᠬᠡ ᠶᠢᠨ ᠬᠠᠶᠢᠷᠠᠨ ᠳᠤ ᠤᠶᠠᠷᠠᠭᠰᠠᠨ | ᠪᠢ ᠬᠦᠮᠦᠨ ᠪᠤᠯᠵᠤ ᠬᠠᠶᠢᠯᠤᠭᠰᠠᠨ ᠴᠢᠯᠠᠭᠤᠨ ᠤ ᠬᠡᠯᠲᠡᠷᠬᠡᠢ | | ᠶᠢᠷᠲᠢᠨᠴᠦ ᠶᠢᠨ ᠦᠨᠡᠨ ᠱᠠᠰᠲᠢᠷ ᠢ ᠳᠤᠭᠤᠯᠬᠤ ᠭᠡᠵᠦ | ᠨᠠᠢᠮᠠᠨ ᠵᠠᠭᠤᠨ ᠵᠢᠯ ᠢᠶᠠᠷ ᠶᠠᠰᠤ ᠪᠠᠨ ᠴᠢᠯᠠᠭᠤᠵᠢᠭᠤᠯᠵᠤ ᠰᠤᠨᠤᠷᠲᠠᠭᠰᠠᠨ | ᠪᠢ ᠲᠤᠭᠤᠷᠠᠢ ᠶᠢᠨ ᠬᠡ ᠳᠤ ᠪᠦᠳᠦᠷᠢᠭᠰᠡᠨ ᠴᠢᠯᠠᠭᠤᠨ ᠤ ᠬᠡᠯᠲᠡᠷᠬᠡᠢ | ᠪᠢ ᠴᠢᠯᠠᠭᠤᠨ ᠤ ᠬᠡᠯᠲᠡᠷᠬᠡᠢ ᠁ | ᠠᠷᠠᠰᠤ᠂ ᠮᠢᠬᠠ᠂ ᠠᠮᠢᠰᠬᠤᠭᠠ᠂ ᠪᠦᠬᠦ ᠰᠡᠷᠡᠯ ᠢᠶᠠᠷ ᠢᠶᠠᠨ | ᠤᠷᠴᠢᠯᠠᠩ ᠢ ᠮᠡᠳᠡᠷᠡᠵᠤ᠂ ᠵᠠᠯᠪᠠᠷᠢᠵᠤ ᠢᠷᠡᠭᠰᠡᠨ | ᠪᠢ ᠪᠤᠷᠬᠠᠨ ᠤ ᠮᠤᠲᠤᠷ ᠠᠴᠠ ᠦᠰᠦᠷᠦᠭᠰᠡᠨ ᠴᠢᠯᠠᠭᠤᠨ ᠤ ᠬᠡᠯᠲᠡᠷᠬᠡᠢ᠃ | | | | |