| ᠵᠣᠬᠢᠶᠠᠭᠴᠢ᠄ ᠡᠷᠳᠡᠨᠢᠳᠣᠩᠭᠠᠯᠠᠭ | | | ᠤᠳᠤᠬᠠᠨ ᠤ ᠬᠡᠥᠬᠡᠳ ᠤᠨ ᠬᠥᠮᠥᠵᠢᠯ ᠳᠤ ᠤᠯᠠᠨ ᠲᠠᠯᠠ ᠶᠢᠨ ᠠᠰᠠᠭᠤᠳᠠᠯ ᠤᠷᠤᠰᠢᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠡᠨᠡ ᠨᠢ ᠬᠡᠥᠬᠡᠳ ᠤᠨ ᠲᠤᠰ ᠪᠡᠶᠡ ᠠᠴᠠ ᠤᠯᠠᠨ ᠵᠦᠢᠯ ᠰᠢᠯᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠠ ᠪᠤᠯᠪᠠᠴᠤ ᠪᠠᠭᠰᠢ ᠨᠠᠷ ᠤᠨ | ᠰᠤᠷᠭᠠᠨ ᠬᠥᠮᠥᠵᠢᠯ ᠤᠨ ᠥᠵᠡᠯᠳᠡ ᠲᠠᠨᠢᠯᠳᠠ ᠴᠦ ᠬᠡᠪᠰᠢᠮᠡᠯ ᠪᠠᠶᠢᠬᠤ ᠲᠠᠢ ᠬᠤᠯᠪᠤᠭᠠ ᠲᠠᠢ ᠶᠤᠮ᠃ | ᠬᠡᠥᠬᠡᠳ ᠤᠨ ᠬᠥᠮᠥᠵᠢᠯ ᠢ ᠰᠤᠳᠤᠯᠬᠤ ᠳᠤ ᠬᠥᠮᠥᠨ ᠢᠷᠭᠡᠨᠰᠢᠯ ᠤᠨ ᠬᠥᠮᠥᠵᠢᠯ ᠤᠨ ᠲᠠᠯᠠ ᠠᠴᠠ ᠰᠡᠳᠬᠢᠨ | ᠪᠤᠳᠤᠯᠬᠢᠯᠠᠬᠤ ᠴᠢᠬᠤᠯᠠ ᠲᠠᠢ᠃ ᠠᠳᠡ ᠪᠢ ᠬᠡᠳᠥᠨ ᠲᠠᠯᠠ ᠠᠴᠠ ᠴᠤᠬᠤᠰ ᠲᠤᠷᠠᠳᠤᠶᠠ᠃ | ᠨᠢᠭᠡ᠂ ᠬᠡᠥᠬᠡᠳ ᠲᠤ ᠬᠥᠳᠡᠯᠮᠤᠷᠢ ᠶᠢ ᠬᠥᠨᠳᠥᠳᠬᠡᠬᠦ᠂ ᠬᠥᠳᠡᠯᠮᠤᠷᠢ ᠶᠢᠨ ᠠᠷᠢᠭᠤᠨ ᠴᠠᠭᠠᠨ ᠢ ᠤᠶᠢᠯᠠᠭᠠᠬᠤ | ᠬᠥᠮᠥᠵᠢᠯ ᠢ ᠤᠯᠭᠤᠬᠤ ᠲᠠᠯᠠ ᠪᠠᠷ ᠬᠥᠷᠥᠯᠴᠡᠬᠦ ᠥᠭᠡᠢ ᠪᠠᠶᠢᠨᠠ᠃ ᠬᠥᠳᠡᠯᠮᠤᠷᠢ ᠶᠢᠨ ᠬᠥᠮᠥᠵᠢᠯ ᠪᠤᠯ ᠬᠥᠮᠥᠨ | ᠪᠤᠯᠬᠤ ᠶᠢᠨ ᠥᠨᠳᠥᠰᠥ ᠮᠥᠨ᠃ ᠬᠥᠳᠡᠯᠮᠤᠷᠢ ᠬᠢᠬᠦ ᠶᠠᠪᠤᠴᠠ ᠳᠤ ᠬᠥᠮᠥᠨ ᠮᠠᠰᠢ ᠤᠯᠠᠨ ᠶᠤᠰᠤ ᠤᠴᠢᠷ ᠢ ᠤᠬᠠᠵᠦ | ᠂ ᠬᠥᠳᠡᠯᠮᠤᠷᠢ ᠬᠢᠬᠦ ᠶᠠᠪᠤᠴᠠ ᠳᠤ ᠬᠥᠮᠥᠨ ᠤ ᠪᠡᠶᠡ ᠮᠠᠬᠠᠪᠤᠳ ᠴᠦ ᠵᠥᠪ ᠥᠰᠥᠯᠳᠡ ᠪᠠᠨ ᠤᠯᠵᠤ ᠴᠢᠳᠠᠳᠠᠭ᠃ | ᠭᠡᠳᠡᠯᠡ ᠤᠳᠤᠬᠠᠨ ᠳᠤ ᠬᠡᠥᠬᠡᠳ ᠲᠤ ︽ᠬᠥᠳᠡᠯᠮᠤᠷᠢ︾ ᠮᠠᠰᠢ ᠲᠤᠳᠠᠭᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ | ᠭᠤᠣᠯᠳᠠᠭᠤ ᠬᠡᠷ ᠤᠨ ᠠᠬᠠᠮᠠᠳ ᠬᠡᠥᠬᠡᠳ ᠢ ᠬᠡᠳᠥᠷᠬᠡᠢ ᠪᠥᠪᠠᠶᠢᠯᠡᠬᠦ ᠠᠴᠠ ᠪᠤᠯᠵᠤ᠂ ᠲᠡᠳᠡᠨᠠᠷ ᠢ ᠬᠥᠳᠡᠯᠮᠤᠷᠢ ᠳᠤ | ᠪᠡᠶᠡᠳᠡᠨ ᠤᠷᠤᠯᠴᠠᠭᠤᠯᠬᠤ ᠥᠭᠡᠢ ᠪᠤᠯᠤᠭᠰᠠᠨ ᠪᠤᠶᠤ ᠵᠤᠷᠢᠯᠭᠠ ᠲᠠᠢ ᠵᠤᠷᠢᠯᠭᠠ ᠥᠭᠡᠢ ᠪᠠᠷ ᠬᠡᠥᠬᠡᠳ ᠤᠨ | ᠬᠥᠳᠡᠯᠮᠤᠷᠢ ᠶᠢᠨ ᠡᠷᠬᠡ ᠶᠢ ᠪᠤᠯᠢᠶᠠᠵᠤ ᠪᠠᠶᠢᠬᠤ ᠲᠠᠢ ᠬᠤᠯᠪᠤᠭᠳᠠᠯ ᠲᠠᠢ᠃ ᠠᠳᠠᠭ ᠨᠠᠭᠠᠳᠤ ᠵᠠᠬᠠ ᠳᠠᠭᠠᠨ ᠬᠡᠥᠬᠡᠳ ᠢ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠥᠪᠡᠷ ᠢᠶᠠᠨ ᠡᠮᠬᠢᠯᠡᠬᠦ᠂ ᠠᠶᠠᠭᠠ ᠰᠠᠪᠠ ᠪᠠᠨ ᠤᠭᠢᠶᠠᠬᠤ ᠠᠴᠠ | ᠡᠬᠢᠯᠡᠭᠡᠳ ᠮᠠᠰᠢ ᠤᠯᠠᠨ ᠥᠪᠡᠷ ᠢᠶᠠᠨ ᠬᠢᠪᠡᠰᠤ ᠵᠤᠬᠢᠬᠤ ᠠᠵᠢᠯ ᠤᠳ ᠢ ᠨᠢ ᠴᠥᠮ ᠭᠡᠷ ᠤᠨ ᠠᠬᠠᠮᠠᠳ ᠨᠢ ᠤᠷᠤᠯᠠᠨ | ᠬᠢᠵᠤ᠂ ᠲᠡᠳᠡᠨᠡᠷ ᠲᠤ ᠬᠥᠳᠡᠯᠮᠤᠷᠢ ᠶᠢᠨ ᠡᠷᠬᠡ ᠴᠢᠯᠥᠭᠡ ᠶᠢ ᠨᠢ ᠤᠯᠭᠤᠬᠤ ᠪᠠᠨ ᠪᠤᠯᠢᠭᠰᠠᠨ ᠪᠠᠶᠢᠨᠠ᠃ ᠲᠡᠳᠡ | ᠬᠡᠥᠬᠡᠳ ᠤᠨ ᠰᠤᠷᠬᠤ ᠶᠢ ᠯᠠ ᠴᠢᠬᠤᠯᠠᠴᠢᠯᠠᠵᠤ᠂ ︽ᠬᠥᠳᠡᠯᠮᠤᠷᠢ ᠶᠢᠨ ᠲᠤᠮᠳᠠ ᠰᠤᠷᠬᠤ︾ ᠮᠠᠰᠢ ᠶᠡᠭᠡ ᠴᠢᠬᠤᠯᠠ | ᠲᠠᠯᠠ ᠶᠢ ᠤᠮᠳᠤᠭᠠᠶᠢᠯᠠᠪᠠ᠃ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠱᠠᠭᠠᠷᠳᠠᠯᠭᠠ ᠠᠴᠠ ᠨᠥᠯᠥᠭᠡᠯᠡᠭᠳᠡᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ | ᠰᠤᠷᠭᠠᠨ ᠬᠥᠮᠥᠵᠢᠯ ᠴᠦ ᠥᠷᠥᠭᠡᠰᠥᠬᠡᠯ ᠢᠶᠠᠷ ᠲᠦᠢᠯᠰᠢᠷᠠᠵᠤ᠂ ᠰᠤᠷᠤᠭᠴᠢ ᠶᠢ ︽ᠪᠢᠴᠢᠭ ᠰᠤᠷᠬᠤ︾ ᠳᠤ | ᠭᠤᠣᠯᠳᠠᠯᠭᠠ ᠲᠠᠢ ᠬᠥᠮᠥᠵᠢᠭᠦᠯᠵᠤ᠂ ᠲᠡᠳᠡᠨ ᠳᠤ ᠬᠥᠳᠡᠯᠮᠤᠷᠢ ᠶᠢᠨ ᠬᠥᠮᠥᠵᠢᠯ ᠬᠢᠬᠦ ᠶᠢ ᠲᠤᠩ ᠤᠮᠳᠤᠭᠠᠶᠢᠢᠯᠠᠵᠦ | ᠪᠤᠢ᠃ ᠨᠡᠩ ᠴᠢᠨᠠᠭᠰᠢᠯᠠᠪᠠᠯ ᠰᠤᠷᠤᠭᠴᠢ ᠠᠮᠢᠳᠤᠷᠠᠯ ᠤᠨ ᠤᠷᠴᠢᠨ ᠳᠠᠭᠠᠨ ᠬᠥᠳᠡᠯᠮᠤᠷᠢ ᠬᠢᠬᠦ ᠵᠢᠭᠠᠬᠠᠨ ᠨᠥᠬᠦᠴᠡᠯ | ᠪᠤᠯᠤᠮᠵᠢ ᠶᠢ ᠴᠦ ᠪᠠᠭᠰᠢ ᠨᠠᠷ ᠤᠶᠤᠨᠯᠢᠭ ᠠᠰᠢᠭᠯᠠᠬᠤ ᠶᠢ ᠪᠤᠳᠤᠯᠬᠢᠯᠠᠬᠤ ᠥᠭᠡᠢ ᠪᠠᠶᠢᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ | ᠬᠥᠷᠢᠶᠡᠨ ᠤ ᠡᠯᠡ ᠲᠠᠯᠠ ᠶᠢᠨ ᠴᠡᠪᠡᠷᠯᠡᠭᠡ ᠶᠢᠨ ᠠᠵᠢᠯ ᠳᠤ ᠰᠤᠷᠤᠭᠴᠢ ᠪᠠᠨ ᠲᠠᠭᠠᠭᠤᠯᠵᠦ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠬᠤ | ᠤᠬᠠᠮᠰᠠᠷ ᠲᠤᠷᠤᠢ ᠪᠠᠶᠢᠵᠤ᠂ ᠡᠳᠡᠭᠡᠷ ᠬᠥᠳᠡᠯᠮᠤᠷᠢ ᠶᠢ ︽ᠰᠤᠷᠤᠯᠭᠠ ᠶᠢᠨ ᠰᠠᠭᠠᠳ︾ ᠢᠶᠠᠷ ᠥᠵᠡᠵᠤ᠂ ᠤᠯᠠᠩᠬᠢ | ᠠᠩᠬᠢ ᠶᠢᠨ ᠪᠠᠭᠰᠢ ᠨᠠᠷ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠯᠠ ᠶᠢᠨ ᠵᠢᠯᠤᠭᠤᠳᠤᠯᠭᠠ ᠱᠠᠭᠠᠷᠳᠠᠯᠭᠠ ᠯᠤᠭᠠ ︽ᠠᠵᠢᠯ ᠪᠠᠭᠠ ᠬᠢᠬᠦ | ︾ ᠬᠥᠰᠡᠯ ᠡᠪᠥᠷᠯᠡᠵᠤ ᠵᠥᠷᠢᠴᠡᠯ ᠡᠭᠦᠰᠬᠡᠵᠤ᠂ ᠡᠭᠦᠨ ᠢᠶᠠᠨ ︽ᠰᠤᠷᠤᠭᠴᠢ ᠶᠢᠨ ᠲᠥᠯᠥᠭᠡ︾ ᠭᠡᠵᠤ ᠲᠠᠨᠢᠵᠤ | ᠪᠠᠶᠢᠳᠠᠭ᠃ ᠡᠨᠡ ᠪᠤᠯ ᠪᠠᠭᠰᠢ ᠨᠠᠷ ᠬᠥᠳᠡᠯᠮᠤᠷᠢ ᠶᠢᠨ ᠬᠥᠮᠥᠵᠢᠯ ᠤᠨ ᠠᠴᠢ ᠬᠤᠯᠪᠤᠭᠳᠠᠯ ᠢ ᠭᠥᠢᠴᠡᠳ ᠲᠠᠨᠢᠭᠰᠠᠨ | ᠥᠭᠡᠢ ᠶᠢᠨ ᠢᠯᠡᠷᠡᠯ ᠶᠤᠮ᠃ | ᠬᠤᠶᠠᠷ᠂ ᠬᠡᠥᠬᠡᠳ ᠤᠨ ᠬᠥᠰᠡᠯᠡᠩ ᠤᠨ ᠬᠥᠮᠥᠵᠢᠯ ᠨᠢ ᠪᠤᠳᠠᠳᠤ ᠠᠬᠤᠢ ᠯᠤᠭᠠ ᠵᠥᠷᠢᠴᠡᠯᠳᠤᠵᠤ᠂ | ᠬᠡᠥᠬᠡᠳ ᠤᠨ ᠤᠶᠤᠨ ᠰᠡᠳᠬᠢᠴᠡ ᠳᠤ ᠠᠷᠬᠠᠭ ᠥᠯᠡᠳᠡᠭᠡᠵᠤ ᠪᠤᠢ᠃ ᠤᠳᠤᠬᠠᠨ ᠳᠤ ᠤᠯᠠᠩᠬᠢ ᠬᠡᠥᠬᠡᠳ ᠢᠶᠠᠨ ︽ | ᠲᠠᠷᠤᠭᠠ︾᠂ ︽ᠤᠯᠤᠰ ᠤᠨ ᠠᠯᠪᠠᠳᠠᠨ︾ ᠪᠤᠯᠬᠤ ᠶᠢ ᠯᠠ ᠬᠥᠰᠡᠬᠦ ᠨᠢ ᠲᠡᠶᠢᠯᠦᠩᠬᠡᠢ ᠪᠠᠶᠢᠵᠤ᠂ ᠡᠨᠡᠬᠦ ᠬᠥᠰᠡᠯ ᠤᠨ | ᠬᠠᠷᠢᠭᠤ ᠳᠤ ᠮᠠᠰᠢ ᠤᠯᠠᠨ ᠬᠡᠥᠬᠡᠳ᠂ ᠬᠤᠵᠢᠮ ᠤᠨ ᠠᠵᠢᠯ ᠤᠨ ᠪᠠᠶᠢᠷᠢ ᠶᠢᠨ ᠰᠤᠩᠭᠤᠯᠳᠠ ᠳᠠᠭᠠᠨ ᠬᠠᠷᠠᠯᠳᠠ | ᠮᠤᠬᠤᠷᠳᠠᠵᠤ ᠪᠠᠶᠢᠭᠠ ᠶᠢ ᠰᠡᠷᠡᠵᠤ ᠮᠡᠳᠡᠭᠰᠡᠨ ᠴᠦ ᠵᠥᠪᠰᠢᠶᠡᠷᠡᠬᠦ ᠲᠤᠷᠠ ᠥᠭᠡᠢ ᠪᠠᠶᠢᠵᠤ᠂ ᠮᠠᠰᠢ ᠴᠥᠬᠡᠨ ᠤᠷᠤᠨ | ᠲᠤᠭᠠᠨ ᠤ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ ᠥᠪᠡᠷ ᠤᠨ ᠬᠡᠥᠬᠡᠳ ᠨᠢ ᠪᠠᠭᠳᠠᠬᠤ ᠶᠢ ᠭᠤᠷᠢᠯᠠᠵᠤ ᠪᠠᠶᠢᠳᠠᠭ᠃ ᠡᠨᠡ ᠪᠤᠯ ᠮᠠᠰᠢ | ᠢᠪᠴᠤᠣ ᠬᠠᠷᠠᠯᠳᠠ ᠪᠠᠶᠢᠭᠠ ᠶᠤᠮ᠃ ᠬᠡᠥᠬᠡᠳ ᠢ ᠲᠤᠮᠤ ᠪᠤᠯᠬᠤ ᠲᠤᠳᠤᠮ ᠨᠢ ᠮᠠᠰᠢ ᠢᠪᠴᠤᠣ ᠵᠠᠮ ᠤᠷᠤᠭᠤ | ᠲᠥᠯᠬᠢᠬᠦ ᠨᠢ ᠪᠤᠷᠤᠭᠤ ᠶᠤᠮ᠃ ᠪᠢᠳᠡ ᠬᠠᠷᠢᠨ ᠬᠡᠥᠬᠡᠳ ᠢ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ︽ᠬᠥᠮᠥᠨ ᠪᠤᠯᠬᠤ︾ ᠶᠢᠨ | ᠰᠠᠭᠤᠷᠢ ᠶᠢ ᠲᠠᠯᠪᠢᠵᠤ᠂ ᠰᠠᠶᠢᠨ ᠬᠥᠮᠥᠨ ᠪᠤᠯᠬᠤ ᠪᠠᠷ ᠤᠷᠢᠳᠠᠯ ᠪᠤᠯᠭᠠᠵᠤ᠂ ︽ᠠᠮᠢᠳᠤᠷᠠᠵᠤ ᠰᠤᠷᠬᠤ︾ ᠪᠠᠷ | ᠰᠠᠭᠤᠷᠢ ᠪᠤᠯᠭᠠᠵᠤ᠂ ︽ᠲᠡᠰᠪᠤᠷᠢ ᠬᠠᠳᠠᠭᠤᠵᠢᠯ︾ ᠢᠶᠠᠷ ᠴᠢᠮᠥᠭᠡ ᠪᠤᠯᠭᠠᠵᠤ᠂ ︽ᠴᠢᠷᠮᠠᠶᠢᠯᠳᠠ︾ ᠪᠠᠷ ᠤᠶᠤᠨ | ᠰᠠᠨᠠᠭᠠᠨ ᠤ ᠰᠥᠭ ᠰᠥᠨᠡᠰᠤ ᠪᠤᠯᠭᠠᠵᠤ ᠬᠥᠮᠥᠵᠢᠭᠦᠯᠬᠦ ᠬᠡᠷᠡᠭᠳᠡᠢ᠃ ᠡᠳᠡᠭᠡᠷ ᠬᠡᠪ ᠴᠢᠨᠠᠷ ᠢ ᠪᠥᠷᠢᠯᠲᠤᠬᠦᠯᠵᠦ | ᠬᠥᠮᠥᠵᠢᠭᠰᠡᠨ ᠬᠡᠥᠬᠡᠳ ᠤᠨ ᠬᠤᠵᠢᠮ ᠤᠨ ᠲᠥᠯᠥᠭᠡ ᠲᠤᠮᠤᠴᠤᠣᠯ ᠰᠠᠨᠠᠭᠠᠰᠢᠷᠠᠬᠤ ᠴᠢᠬᠤᠯᠠ ᠥᠭᠡᠢ ᠪᠠᠶᠢᠳᠠᠭ᠃ | ᠭᠤᠷᠪᠠ᠂ ᠬᠡᠥᠬᠡᠳ ᠲᠤ ᠬᠠᠶᠢᠷᠠ ᠶᠢᠨ ᠬᠥᠮᠥᠵᠢᠯ ᠲᠤᠩ ᠱᠠᠭᠠᠷᠳᠠᠭᠳᠠᠵᠤ ᠪᠤᠢ᠃ ᠤᠳᠤᠬᠠᠨ ᠳᠤ ᠮᠠᠰᠢ | ᠤᠯᠠᠨ ᠭᠡᠷ ᠤᠨ ᠠᠬᠠᠮᠠᠳ ᠬᠡᠥᠬᠡᠳ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠴᠢᠳᠠᠬᠤ ᠪᠠᠨ ᠪᠤᠯᠢᠭᠰᠠᠨ ᠶᠤᠮ᠃ ᠲᠡᠳᠡ ᠬᠡᠥᠬᠡᠳ ᠢ ᠡᠳ᠋ | ᠪᠤᠳᠠᠰ ᠢᠶᠠᠷ ᠬᠡᠳᠥ ᠬᠠᠷᠠᠭᠠᠯᠵᠠᠬᠤ ᠪᠤᠯᠵᠤ᠂ ᠬᠡᠥᠬᠡᠳ ᠤᠨ ᠪᠤᠳᠠᠰ ᠤᠨ ᠠᠮᠢᠳᠤᠷᠠᠯ ᠤᠨ ᠨᠥᠬᠦᠴᠡᠯ ᠬᠡᠳᠥᠢ | ᠥᠷᠭᠡᠵᠢᠬᠦ ᠲᠤᠳᠤᠮ ᠤᠶᠤᠨ ᠤ ᠠᠮᠢᠳᠤᠷᠠᠯ ᠲᠡᠳᠥᠢ ᠬᠤᠭᠤᠰᠤᠷᠠᠵᠤ ᠪᠠᠶᠢᠭᠠ ᠶᠢ ᠰᠡᠷᠡᠵᠤ ᠮᠡᠳᠡᠬᠦ ᠥᠭᠡᠢ ᠪᠠᠶᠢᠨᠠ᠃ | ᠢᠯᠠᠩᠭᠤᠶᠠ ᠤᠳᠤᠬᠠᠨ ᠤ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠠᠶᠢᠵᠡᠮ ᠬᠤᠷᠳᠤᠰᠬᠤ ᠶᠢ ᠲᠠᠭᠠᠯᠳᠤᠨ᠂ ᠬᠡᠥᠬᠡᠳ ᠤᠨ ᠥᠰᠥᠨ | ᠪᠤᠶᠢᠵᠢᠯᠳᠠ ᠶᠢᠨ ᠤᠷᠴᠢᠨ ᠤᠯᠠᠮ ᠢᠪᠴᠤᠷᠡᠵᠦ᠂ ᠬᠡᠥᠬᠡᠳ ᠤᠨ ᠰᠡᠳᠬᠢᠴᠡ ᠶᠢ ᠲᠤᠩ ᠨᠥᠯᠥᠭᠡᠯᠡᠵᠤ ᠪᠤᠢ᠃ | ᠬᠡᠥᠬᠡᠳ ᠲᠥᠷᠥᠭᠰᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠪᠠᠷᠤᠭ ᠠᠪᠤ ᠡᠵᠢ ᠲᠠᠢ ᠪᠠᠨ ᠡᠨᠡᠭᠰᠢᠭᠦ ᠴᠠᠭ ᠬᠤᠭᠤᠴᠠᠭᠠ ᠶᠠᠪᠤᠬᠤ | ᠲᠤᠳᠤᠮ ᠪᠠᠭᠠᠰᠴᠤ᠂ ᠬᠡᠥᠬᠡᠳ ᠤᠶᠤᠨ ᠰᠠᠨᠠᠭᠠᠨ ᠤ ᠬᠤᠭᠤᠰᠤᠷᠠᠯ ᠳᠤ ᠤᠴᠠᠷᠠᠵᠤ᠂ ᠬᠠᠶᠢᠷᠠ ᠶᠢᠨ ᠤᠷᠴᠢᠨ ᠨᠢ | ᠬᠤᠭᠤᠰᠤᠷᠠᠵᠤ ᠪᠤᠢ᠃ ᠲᠠᠷᠤᠢ᠂ ᠬᠡᠥᠬᠡᠳ ︽ᠬᠠᠶᠢᠷᠠ ᠰᠡᠳᠬᠢᠯᠭᠡ ᠥᠭᠡᠢ ᠮᠠᠰᠢᠨ ᠲᠠᠢ ᠬᠠᠮᠳᠤ ᠪᠠᠶᠢᠬᠤ︾ ᠴᠠᠭ | ᠶᠠᠪᠤᠬᠤ ᠲᠤᠳᠤᠮ ᠠᠷᠪᠢᠳᠴᠤ᠂ ᠡᠨᠡ ᠨᠢ ᠤᠳᠤᠬᠠᠨ ᠤ ᠬᠡᠥᠬᠡᠳ ᠤᠨ ᠤᠶᠤᠨ ᠰᠡᠳᠬᠢᠴᠡ ᠶᠢ ᠮᠢᠨᠴᠥᠭᠦᠷᠡᠮᠡᠯ | ᠪᠤᠯᠭᠠᠵᠤ᠂ ᠬᠡᠥᠬᠡᠳ ᠢ ᠬᠥᠢᠳᠡᠮᠰᠥᠭ᠂ ᠴᠤᠪᠤᠭᠤᠯᠢᠭ ᠥᠭᠡᠢ ᠪᠤᠯᠭᠠᠵᠤ ᠪᠤᠢ᠃ ᠡᠶᠢᠮᠥᠷᠬᠡᠦ ᠪᠠᠶᠢᠳᠠᠯ ᠳᠤ ᠪᠠᠭᠰᠢ | ᠨᠠᠷ ᠬᠡᠥᠬᠡᠳ ᠲᠤ ︽ᠬᠠᠯᠠᠮᠵᠢ︾ ᠢᠯᠡᠭᠦᠤ ᠥᠭᠬᠦ ᠠᠴᠠ ᠪᠢᠰᠢ᠂ ︽ᠵᠠᠷᠯᠢᠭ ᠵᠢᠭᠠᠪᠤᠷᠢ︾ ᠪᠠ ︽ᠵᠢᠮᠡᠯᠡᠯ︾ | ᠲᠤᠳᠠᠭᠤ ᠥᠭᠴᠤ᠂ ᠬᠠᠶᠢᠷᠠ ︽ᠨᠥᠬᠦᠬᠦ︾ ᠬᠡᠷᠡᠭᠳᠡᠢ ᠪᠤᠯᠵᠤ ᠪᠤᠢ᠃ | ᠬᠡᠥᠬᠡᠳ ᠤᠨ ᠬᠥᠮᠥᠵᠢᠯ ᠳᠤ ᠮᠠᠰᠢ ᠤᠯᠠᠨ ᠲᠠᠯᠠ ᠶᠢᠨ ᠱᠠᠭᠠᠷᠳᠠᠯᠭᠠ ᠪᠠᠶᠢᠳᠠᠭ ᠪᠥᠭᠡᠳ ᠬᠠᠮᠤᠭ ᠥᠨᠳᠥᠰᠥᠨ | ᠵᠦᠢᠯ ᠠᠴᠠ ᠲᠤᠪᠴᠢᠯᠠᠵᠤ ᠬᠤᠷᠢᠶᠠᠩᠭᠤᠶᠢᠯᠠᠪᠠᠯ ᠬᠥᠳᠡᠯᠮᠤᠷᠢ᠂ ᠬᠥᠰᠡᠯᠡᠩ᠂ ᠬᠠᠶᠢᠷᠠ ᠭᠤᠷᠪᠠ ᠨᠢ ᠲᠤᠯᠭᠠᠮᠠ | ᠱᠠᠭᠠᠷᠳᠠᠭᠳᠠᠬᠤ ᠭᠤᠷᠪᠠᠨ ᠵᠦᠢᠯ ᠪᠤᠯᠤᠨᠠ᠃ ᠬᠥᠳᠡᠯᠮᠤᠷᠢ ᠶᠢᠨ ᠬᠥᠮᠥᠵᠢᠯ ᠨᠢ ᠲᠡᠳᠡᠨ ᠳᠤ ᠬᠥᠳᠡᠯᠮᠤᠷᠢ ᠶᠢ | ᠬᠠᠶᠢᠷᠠᠯᠠᠬᠤ᠂ ᠪᠠᠭ᠋ᠠᠷᠬᠠᠬᠤ ᠪᠤᠯᠭᠠᠵᠤ᠂ ᠬᠥᠳᠡᠯᠮᠤᠷᠢ ᠶᠢᠨ ᠲᠤᠮᠳᠠ ᠥᠰᠥᠨ ᠪᠤᠶᠢᠵᠢᠬᠤ ᠶᠢᠨ ᠪᠠᠶᠠᠷ ᠪᠠᠭ᠋ᠠᠳᠤᠯ ᠢ | ᠤᠯᠵᠤ᠂ ᠪᠤᠰᠤᠳ ᠤᠨ ᠬᠥᠳᠡᠯᠮᠤᠷᠢ ᠶᠢ ᠬᠥᠨᠳᠥᠳᠬᠡᠬᠦ᠂ ᠬᠥᠳᠡᠯᠮᠤᠷᠢᠴᠢᠨ ᠠᠷᠠᠳ ᠢ ᠬᠥᠨᠳᠥᠤᠡᠬᠡᠬᠦ ᠮᠠᠰᠢ ᠠᠷᠢᠭᠤᠨ | ᠴᠠᠶᠢᠯᠭᠠᠨ ᠰᠠᠨᠠᠭᠠ ᠶᠢ ᠪᠥᠷᠢᠯᠳᠥᠭᠦᠯᠵᠤ᠂ ᠡᠭᠦᠨ ᠠᠴᠠ ᠠᠪᠤ ᠡᠵᠢ᠂ ᠠᠬᠠᠰ ᠵᠠᠬᠠᠰ ᠢᠶᠠᠨ ᠤᠶᠢᠯᠠᠭᠠᠨ | ᠬᠥᠨᠳᠥᠯᠡᠬᠦᠵᠢ ᠮᠡᠳᠡᠷᠡᠵᠤ᠂ ︽ᠡᠷᠬᠢᠮ ᠲᠡᠭᠡᠳᠤ᠂ ᠡᠭᠡᠯ ᠲᠤᠣᠷᠠᠳᠤ︾ ᠶᠢᠨ ᠢᠯᠭᠠᠭᠠ ᠶᠢ ᠵᠥᠪ ᠲᠠᠨᠢᠬᠤ ᠪᠤᠯᠤᠨᠠ᠃ | ᠵᠥᠪ ᠬᠥᠰᠡᠯᠡᠩ ᠤᠨ ᠬᠥᠮᠥᠵᠢᠯ ᠨᠢ ᠲᠡᠳᠡᠨ ᠳᠤ ᠲᠠᠷᠤᠯᠳᠠ ᠥᠭᠡᠢ ᠰᠤᠷᠤᠯᠴᠠᠬᠤ ᠤᠷᠮᠠ ᠪᠠᠬᠠ ᠶᠢ ᠪᠤᠢ ᠪᠤᠯᠭᠠᠵᠤ | ᠂ ᠢᠷᠡᠭᠡᠳᠥᠢ ᠳᠡᠭᠡᠨ ᠵᠥᠪ ᠬᠠᠷᠠᠯᠳᠠ ᠲᠠᠢ ᠴᠢᠷᠮᠠᠶᠢᠬᠤ ᠪᠤᠯᠭᠠᠨᠠ᠃ ᠵᠥᠪ ᠤᠨᠤᠪᠴᠢᠳᠠᠢ ᠬᠠᠶᠢᠷᠠ ᠶᠢᠨ | ᠬᠥᠮᠥᠵᠢᠯ ᠨᠢ ᠲᠡᠳᠡᠨ ᠤ ᠤᠶᠤᠨ ᠰᠡᠳᠬᠢᠴᠡ ᠳᠤ ᠵᠥᠪ ᠵᠢᠯᠤᠭᠤᠳᠤᠯᠭᠠ ᠪᠤᠯᠵᠤ᠂ ᠰᠡᠳᠬᠢᠴᠡ ᠶᠢᠨ ᠭᠠᠵᠢᠭ | ᠡᠭᠦᠰᠬᠦ ᠠᠴᠠ ᠰᠡᠷᠭᠡᠶᠢᠯᠡᠵᠤ᠂ ᠥᠰᠪᠤᠷᠢ ᠶᠢᠨ ᠨᠠᠰᠤᠨ ᠤ ᠪᠠᠶᠠᠷ ᠪᠠᠭ᠋ᠠᠳᠤᠯ ᠢ ᠨᠢ ᠤᠯᠭᠤᠬᠤ ᠪᠤᠯᠤᠨᠠ᠃ | ᠡᠶᠢᠮᠤ ᠠᠴᠠ ᠬᠡᠥᠬᠡᠳ ᠤᠨ ᠬᠥᠮᠥᠵᠢᠯ ᠤᠨ ᠲᠤᠬᠠᠢ ᠪᠠᠭᠰᠢ ᠨᠠᠷ ᠥᠪᠡᠷᠰᠡᠳ ᠢᠶᠠᠨ ᠶᠡᠬᠡᠬᠡᠨ ᠤᠶᠤᠨᠯᠢᠭ | ᠲᠠᠨᠢᠯᠳᠠ ᠲᠠᠢ ᠪᠠᠶᠢᠪᠠᠯ ᠵᠤᠬᠢᠨᠠ᠃ | |