| | ᠨᠠ᠊ · ᠰᠠᠶᠢᠨᠴᠣᠭᠳᠣ | | ᠠᠷᠣ ᠥᠪᠣᠷ ᠤᠨ ᠤᠯᠠᠨ ᠲᠥᠮᠡᠨ ᠳᠤ ᠠᠯᠳᠠᠷ ᠢᠶᠠᠨ ᠲᠠᠭᠤᠷᠢᠰᠬᠠᠭᠰᠠᠨ | ᠠᠯᠳᠠᠨ ᠲᠣᠣᠯᠠ ᠶᠢᠨ ᠲᠣᠩᠭᠠᠯᠠᠭ ᠤᠷᠣᠰᠬᠠᠯ ᠳᠤ ᠭᠡᠷᠡᠯ ᠢᠶᠠᠨ ᠲᠣᠨᠣᠷᠠᠭᠤᠯᠣᠭᠠᠳ | ᠠᠩᠬᠠ ᠡᠷᠳᠡ ᠠᠴᠠ ᠮᠣᠩᠭᠤᠯ ᠠᠷᠠᠳ ᠲᠤ ᠮᠠᠭᠳᠠᠭᠠᠯ ᠢᠶᠠᠨ ᠤᠯᠣᠭᠰᠠᠨ | ᠠᠯᠳᠠᠢ ᠬᠡᠨᠳᠡᠢ ᠶᠢᠨ ᠥᠵᠡᠮᠵᠢᠳᠣ ᠤᠷᠭᠢᠯ ᠲᠠᠢ ᠰᠥᠷ ᠢᠶᠠᠨ ᠪᠣᠯᠢᠶᠠᠯᠳᠣᠭᠰᠠᠨ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ᠂ ᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠲᠠᠰᠢᠶᠠ ᠪᠠᠨ ᠲᠣᠯᠣᠭᠰᠠᠨ ᠲᠥᠰᠢᠮᠡᠳ ᠤᠨ ᠠᠯᠪᠠᠳᠠᠯ ᠰᠥᠷᠳᠡᠯᠭᠡ ᠪᠠᠷ ᠪᠠᠷᠢᠭᠳᠠᠭᠠ ᠥᠭᠡᠢ | ᠲᠠᠰᠢᠭᠤᠷ ᠢᠶᠠᠨ ᠲᠠᠯᠠᠶᠢᠭᠰᠠᠨ ᠮᠠᠨᠠᠭᠠᠴᠢ ᠶᠢᠨ ᠵᠠᠨᠴᠢᠯᠭᠠ ᠵᠣᠳᠣᠯᠭᠠ ᠪᠠᠷ ᠪᠣᠰᠬᠠᠭᠳᠠᠭᠠ ᠥᠭᠡᠢ | ᠭᠢᠨᠵᠢ ᠬᠠᠩᠭᠢᠨᠠᠭᠤᠯᠣᠭᠰᠠᠨ ᠪᠣᠭᠤᠯ ᠤᠳ ᠲᠡᠭᠦᠨ ᠤ ᠲᠣᠶᠢᠹᠣᠤ ᠶᠢ ᠴᠣᠬᠢᠭᠠ ᠥᠭᠡᠢ | ᠭᠡᠳᠡᠰᠣ ᠥᠯᠣᠰᠭᠦᠯᠡᠩ ᠲᠠᠷᠬᠠᠴᠣᠳ ᠲᠡᠭᠦᠨ ᠢ ᠰᠢᠬᠠᠭᠳᠠᠵᠣ ᠪᠠᠷᠢᠭᠠ ᠥᠭᠡᠢ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ᠂ ᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠪᠠᠳᠮᠠᠷᠠᠭᠠ ᠤᠯᠠᠭᠠᠨ ᠲᠣᠶᠢᠹᠤᠣ ᠶᠢ ᠠᠨᠣ ᠴᠢᠯᠣᠭᠡᠳᠣ ᠠᠷᠠᠳ ᠴᠣᠬᠢᠭᠰᠠᠨ | ᠪᠠᠳᠣᠳᠠᠢ ᠭᠠᠨᠳᠢᠭ ᠰᠠᠭᠤᠷᠢ ᠶᠢ ᠠᠨᠣ ᠢᠯᠠᠭᠤᠭᠰᠠᠨ ᠪᠠᠭᠠᠳᠣᠷ ᠤᠳ ᠲᠠᠯᠪᠢᠭᠰᠠᠨ | ᠪᠠᠳᠮᠠᠯᠠᠭᠰᠠᠨ ᠴᠠᠭᠠᠨ ᠪᠠᠭᠠᠨᠠ ᠶᠢ ᠠᠨᠣ ᠰᠢᠨᠡ ᠠᠵᠢᠯᠴᠢᠨ ᠪᠣᠰᠬᠠᠭᠰᠠᠨ | ᠪᠠᠶᠠᠷᠯᠠᠯ ᠢᠶᠠᠨ ᠵᠣᠬᠢᠶᠠᠭᠴᠢ ᠠᠷᠠᠳ ᠤᠳ ᠥᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠪᠠᠷᠢᠭᠰᠠᠨ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ᠂ ᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠬᠡᠳᠣᠷᠬᠡᠢ ᠶᠠᠮᠪᠠᠳᠣ ᠨᠣᠶᠠᠳ ᠤᠨ ᠡᠷᠬᠡᠰᠢᠶᠡᠯ ᠤᠨ ᠤᠷᠳᠣᠨ ᠭᠡᠵᠣ ᠪᠠᠶᠢᠭᠠ ᠥᠭᠡᠢ | ᠬᠡᠪᠳᠡᠨ ᠵᠢᠷᠭᠠᠭᠴᠢ ᠪᠠᠶᠠᠴᠣᠳ ᠤᠨ ᠵᠣᠭᠠᠴᠠᠯ ᠤᠨ ᠬᠠᠷᠰᠢ ᠭᠡᠵᠣ ᠪᠣᠰᠬᠠᠭᠠ ᠥᠭᠡᠢ | ᠬᠡᠷᠴᠡᠭᠡᠢ ᠴᠡᠷᠢᠭ ᠤᠨ ᠡᠷᠬᠡᠳᠡᠨ ᠤ ᠰᠥᠷᠳᠡᠭᠦᠯᠣᠯ ᠤᠨ ᠪᠠᠶᠢᠷᠢ ᠪᠠᠷ ᠲᠥᠭᠦᠷᠣᠭᠡ ᠥᠭᠡᠢ | ᠬᠡᠮᠵᠢᠶᠠ ᠥᠭᠡᠢ ᠱᠤᠯᠣᠭᠴᠢ ᠫᠠᠨᠽᠠᠴᠢᠨ ᠤ ᠮᠥᠯᠵᠢᠯ ᠤᠨ ᠵᠡᠭᠡᠯᠢ ᠪᠠᠷ ᠪᠢᠯᠬᠠᠭᠠ ᠥᠭᠡᠢ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ᠂ ᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠥᠨᠳᠣᠷ ᠰᠥᠷᠯᠢᠭ ᠴᠠᠮᠠᠬᠠᠭ ᠲᠤᠨᠢ ᠠᠷᠠᠳ ᠤᠨ ᠡᠷᠬᠡ ᠰᠠᠴᠣᠷᠠᠭᠰᠠᠨ | ᠥᠩᠭᠡ ᠲᠣᠨᠣᠮᠠᠯ ᠲᠠᠩᠬᠢᠮ ᠳᠤᠨᠢ ᠠᠷᠠᠳ ᠤᠨ ᠰᠣᠶᠣᠯ ᠴᠡᠴᠡᠭᠯᠡᠭᠰᠡᠨ | ᠥᠶᠡᠯᠡᠨ ᠵᠢᠭᠳᠡᠷᠡᠭᠰᠡᠨ ᠪᠠᠶᠢᠰᠢᠩ ᠳᠤᠨᠢ ᠠᠷᠠᠳ ᠤᠨ ᠪᠠᠶᠠᠯᠢᠭ ᠪᠢᠯᠬᠠᠭᠰᠠᠨ | ᠥᠷᠭᠡᠨ ᠴᠡᠯᠡᠭᠡᠷ ᠲᠠᠯᠠᠪᠠᠢ ᠳᠤᠨᠢ ᠢᠷᠡᠭᠡᠳᠣᠢ ᠶᠢᠨ ᠴᠡᠴᠡᠭᠯᠡᠯ ᠠᠮᠢᠯᠠᠭᠳᠠᠭᠰᠠᠨ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ ᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠠᠷᠢᠭᠤᠨ ᠨᠠᠨᠳᠢᠨ ᠲᠠᠪᠴᠠᠩ ᠳᠤᠨᠢ ᠠᠷᠠᠳ ᠤᠨ ᠲᠠᠶᠢᠰᠣᠨ ᠨᠣᠶᠠᠷᠬᠠᠭᠠ ᠥᠭᠡᠢ | ᠠᠯᠳᠠᠨ ᠰᠠᠶᠢᠬᠠᠨ ᠲᠣᠭᠤᠷᠭᠠᠨ ᠳᠤᠨᠢ ᠮᠡᠬᠡᠯᠡᠯ ᠤᠨ ᠵᠠᠷᠯᠠᠯ ᠨᠠᠭᠠᠭᠳᠠᠭᠠ ᠥᠭᠡᠢ | ᠠᠪᠣᠷᠭᠤ ᠤᠯᠠᠭᠠᠨ ᠬᠠᠭᠠᠯᠭᠠᠨ ᠳᠤᠨᠢ ᠬᠠᠷᠭᠢᠰᠯᠠᠯ ᠢᠶᠠᠨ ᠵᠣᠷᠢᠭᠳᠠᠬᠤ ᠴᠠᠭᠳᠠᠭᠠ ᠥᠭᠡᠢ | ᠠᠰᠣᠷᠣ ᠥᠵᠡᠰᠭᠦᠯᠡᠩ ᠭᠤᠳᠣᠮᠵᠢᠨ ᠳᠤᠨᠢ ᠭᠠᠷ ᠢᠶᠠᠨ ᠰᠠᠷᠪᠠᠶᠢᠬᠤ ᠭᠤᠶᠢᠯᠢᠨᠴᠢᠨ ᠥᠭᠡᠢ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ ᠠᠯᠳᠡᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠡᠷᠡᠯᠬᠡᠭ ᠬᠥᠩᠭᠢᠨᠡᠬᠦ ᠤᠶᠢᠯᠡᠳᠪᠣᠷᠢ ᠳᠤᠨᠢ ᠵᠠᠯᠠᠭᠤ ᠠᠵᠢᠯᠴᠢᠨ ᠪᠠᠭᠠᠳᠣᠷᠯᠠᠨ | ᠡᠷᠳᠡᠮ ᠤᠨ ᠤᠨᠳᠣᠷᠣᠯᠳᠣ ᠲᠠᠩᠬᠢᠮ ᠳᠤᠨᠢ ᠠᠷᠠᠳ ᠤᠨ ᠬᠡᠤᠬᠡᠳ ᠰᠣᠷᠣᠯᠴᠠᠵᠣ | ᠡᠩ ᠰᠠᠷᠠᠭᠤᠯᠬᠠᠨ ᠴᠢᠯᠣᠭᠡᠨ ᠳᠤᠨᠢ ᠢᠳᠡᠷᠬᠡᠭ ᠪᠠᠭᠠᠳᠣᠷ ᠤᠳ ᠵᠢᠠᠠᠰᠠᠵᠠᠭᠠᠨ | ᠡᠭᠡᠰᠢᠭ ᠲᠠᠭᠤᠷᠢᠰᠬᠤ ᠶᠡᠨᠳᠡᠷ ᠠᠴᠠ ᠢᠨᠣ ᠪᠥᠳᠣᠭᠡᠯ ᠤᠨ ᠲᠠᠭᠤᠯᠠᠯ ᠴᠣᠣᠷᠢᠶᠠᠳᠣᠭᠰᠠᠨ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ᠂ ᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠰᠡᠷᠢᠭᠦᠨ ᠬᠠᠩᠭᠠᠢ ᠨᠣᠮᠢᠨ ᠭᠤᠪᠢ ᠳᠤ ᠤᠷᠣᠰᠬᠠᠯ ᠢᠶᠠᠨ ᠨᠡᠪᠳᠡᠷᠡᠭᠦᠯᠤᠭ᠍ᠰᠡᠨ | ᠰᠡᠳᠬᠢᠯ ᠪᠠᠶᠠᠰᠬᠤᠯᠠᠩ ᠭᠡᠭᠡᠨ ᠰᠣᠶᠣᠯ ᠤᠨ ᠤᠨᠳᠣᠷᠣᠯᠳᠣ ᠪᠣᠯᠠᠭ ᠢ | ᠰᠢᠨᠡ ᠮᠣᠩᠭᠤᠯ ᠤᠨ ᠮᠠᠯᠴᠢᠨ ᠲᠥᠮᠡᠨ ᠳᠤ ᠬᠠᠶᠢᠷᠠ ᠪᠠᠨ ᠡᠵᠡᠮᠰᠢᠭᠦᠯᠤᠭ᠍ᠰᠡᠨ | ᠰᠢᠵᠢᠷ ᠪᠥᠳᠣᠭᠡᠯ ᠮᠥᠩᠭᠦᠨ ᠨᠣᠣᠰᠣ ᠶᠢᠨ ᠴᠢᠳᠬᠤᠯᠠᠩᠳᠣ ᠲᠠᠯᠠᠢ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ ᠨᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠠᠷᠢᠭᠤᠨ ᠨᠠᠶᠢᠷᠠᠮᠳᠠᠯ ᠴᠢᠰᠣᠨ ᠪᠠᠷᠢᠯᠳᠣᠯᠭᠠᠳᠣ ᠮᠤᠩᠭᠤᠯ ᠰ᠊ ᠰ᠊ ᠰ᠊ ᠷ ᠤᠨ① | ᠠᠷᠠᠳ ᠲᠥᠮᠡᠨ ᠤ ᠬᠠᠯᠠᠭᠤᠨ ᠨᠥᠬᠦᠷᠯᠡᠯ ᠤᠨ ᠰᠣᠳᠠᠰᠣ ᠶᠢ ᠨᠡᠪᠳᠡᠷᠡᠭᠦᠯᠵᠣ | ᠠᠰᠢᠳᠠ ᠶᠢᠨ ᠬᠥᠭᠵᠢᠯ ᠮᠥᠩᠬᠡ ᠶᠢᠨ ᠵᠢᠷᠭᠠᠯ ᠤᠨ ᠭᠡᠭᠡᠨ ᠰᠠᠴᠣᠷᠠᠯ ᠢᠶᠠᠷ | ᠠᠯᠳᠠᠨ ᠲᠡᠯᠡᠬᠡᠢ ᠳᠤ ᠮᠣᠰᠺᠧᠨ ᠶᠢᠨ ᠬᠤᠶᠢᠨᠠ ᠠᠴᠠ ᠭᠡᠷᠡᠯᠳᠣᠨ ᠮᠠᠨᠳᠣᠭᠴᠢ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ᠂ ᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | ᠠᠪᠣᠷᠭᠤ ᠬᠤᠪᠢᠰᠬᠠᠯᠴᠢ ᠰᠥᠬᠡᠪᠠᠭᠠᠳᠣᠷ ᠤᠨ ᠬᠥᠰᠢᠶᠡ ᠶᠢ ᠡᠯᠢᠭᠡᠨ ᠳᠡᠭᠡᠨ ᠴᠢᠮᠡᠵᠣ | ᠠᠭᠤᠤ ᠤᠳᠣᠷᠢᠳᠣᠭᠴᠢ ᠴᠣᠶᠢᠪᠠᠯᠰᠠᠩ ᠤᠨ ᠭᠠᠷ ᠢᠶᠠᠷ ᠰᠠᠭᠤᠷᠢ ᠲᠠᠯᠪᠢᠭᠤᠯᠣᠭᠰᠠᠨ | ᠠᠽᠢᠶᠠ ᠶᠢᠨ ᠵᠢᠷᠣᠬᠡᠨ ᠳᠤ ᠯᠧᠨᠢᠨ ᠤ ᠲᠤᠭ ᠢ ᠥᠨᠳᠣᠷ ᠮᠠᠨᠳᠣᠭᠤᠯᠣᠭᠰᠠᠨ | ᠠᠷᠠᠳ ᠤᠨ ᠬᠠᠶᠢᠷᠠ ᠪᠠᠷ ᠦᠷᠭᠡᠵᠢᠨ ᠲᠡᠯᠭᠡᠷᠡᠭᠴᠢ ᠬᠤᠪᠢᠰᠬᠠᠯ ᠤᠨ ᠲᠥᠪ | ᠡᠨᠡ ᠪᠣᠯ ᠠᠷᠠᠳ ᠤᠨ ᠰᠢᠨᠡ ᠨᠠᠶᠢᠰᠯᠠᠯ᠂ ᠠᠯᠳᠠᠷᠳᠣ ᠤᠯᠠᠭᠠᠨᠪᠠᠭᠠᠳᠣᠷ | —————————— | ① ᠰ᠊ ᠰ᠊ ᠰ᠊ ᠷ᠄ ᠵᠥᠪᠯᠡᠯᠳᠣ ᠬᠤᠯᠪᠣᠭᠠᠳᠣ ᠤᠯᠣᠰ ᠤᠨ ᠣᠷᠣᠰ ᠨᠡᠷᠡ ᠶᠢᠨ ᠲᠤᠪᠴᠢᠯᠠᠯ | 1946.11.9 |