ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠭᠡᠷᠡᠯᠲᠤᠠᠣᠳᠣ ᠰᠣᠮᠣ
ᠦᠢᠯᠡᠴᠢᠯᠡᠭᠡ
ᠳᠡᠭᠡᠪᠦᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ ᠳᠡᠯᠡᠭᠡᠢ ᠶᠢᠨ ᠢᠷᠡᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠤᠮ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/3/7
 
      ᠳᠡᠭᠡᠪᠦᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ                     ᠳᠡᠯᠡᠭᠡᠢ ᠶᠢᠨ ᠢᠷᠡᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠤᠮ                                    —  ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠡᠳᠣᠷ ᠲᠤ ᠡᠷᠭᠦᠪᠠ                                                    ᠳᠠᠷᠴᠢᠳ   ᠡᠯᠬᠡᠩᠭᠡ             ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ         ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠲᠡᠨᠵᠢ ᠶᠢᠨ ᠠᠯᠠᠭ ᠴᠡᠴᠡᠭ ᠤᠳ         ᠲᠡᠭᠦᠨ ᠢ ᠤᠩᠰᠢᠵᠣ ᠲᠡᠯᠭᠡᠷᠡᠭᠰᠡᠨ ᠶᠣᠮ         ᠪᠥᠮᠪᠣᠷᠴᠡᠭ ᠢᠶᠠᠨ ᠪᠥᠪᠡᠶᠢᠯᠡᠵᠣ ᠪᠥᠳᠣᠭᠡᠭᠰᠡᠨ         ᠲᠡᠭᠡᠳᠣᠰ ᠤᠨ ᠮᠢᠨᠢ ᠪᠣᠷᠬᠠᠨ ᠤᠬᠠᠭᠠᠨ         ᠪᠥᠯᠬᠦᠮᠳᠡ ᠭᠡᠰᠡᠨ ᠪᠣᠭᠳᠠ ᠶᠢᠨ ᠪᠢᠯᠢᠭ ᠪᠠᠶᠢᠨᠠᠮ         ᠲᠡᠭᠵᠢᠷᠡ ᠭᠡᠰᠡᠨ ᠪᠣᠷᠣᠴᠣᠤᠯ ᠤᠨ ᠰᠢᠯᠣᠭ᠌ ᠪᠠᠶᠢᠨᠠᠮ                ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ                ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠴᠢᠩᠭᠢᠰ ᠤᠨ ᠮᠡᠨᠳᠣᠯᠡᠭᠰᠡᠨ ᠥᠷᠭᠦᠭᠡ ᠮᠢᠨᠢ         ᠴᠠᠭ ᠢ ᠡᠵᠡᠩᠨᠡᠭᠰᠡᠨ ᠲᠥᠷᠣ ᠮᠢᠨᠢ ᠪᠠᠶᠢᠨᠠᠮ         ᠶᠡᠭᠡ ᠬᠤᠷᠠᠯᠳᠠᠢ  ᠲᠡᠭᠷᠢᠯᠡᠵᠣ ᠬᠤᠷᠠᠯᠳᠣᠭᠰᠠᠨ         ᠶᠢᠷᠳᠢᠨᠴᠣ ᠡᠷᠭᠢᠯᠳᠣᠭ᠍ᠰᠡᠨ ᠥᠷᠣ ᠮᠢᠨᠢ ᠪᠠᠶᠢᠨᠠᠮ                ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ                ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠲᠣᠭᠤᠨᠣ ᠪᠠᠷ ᠲᠣᠶᠠᠭᠠᠷᠠᠭᠰᠠᠨ ᠨᠠᠷᠠ ᠮᠢᠨᠢ         ᠲᠣᠭᠤᠷᠭᠠᠳᠣ ᠥᠷᠭᠦᠭᠡᠨ ᠤ ᠮᠢᠨᠢ ᠵᠥᠩ ᠪᠠᠶᠢᠨᠠᠮ         ᠡᠭᠦᠳᠡᠨ ᠠᠴᠠ ᠥᠷᠭᠦᠯᠵᠢᠯᠡᠭᠰᠡᠨ ᠲᠡᠯᠡᠬᠡᠢ ᠮᠢᠨᠢ         ᠵᠡᠭᠦᠳᠣᠨ ᠳᠤ ᠥᠨᠳᠡᠯᠵᠡᠭᠰᠡᠨ ᠥᠯᠣᠭᠡᠢ ᠮᠢᠨᠢ  ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠨᠠᠷᠠᠨ ᠰᠠᠷᠠᠨ ᠤ ᠲᠡᠷᠭᠡᠯ ᠢ ᠪᠢ         ᠲᠣᠭᠤᠨᠣ ᠠᠴᠠ ᠪᠠᠨ ᠲᠡᠭᠡᠳᠣᠯᠡᠵᠣ ᠬᠠᠷᠠᠭᠰᠠᠨ ᠶᠣᠮ         ᠨᠠᠢᠮᠠᠨ ᠵᠣᠪᠬᠢᠰ ᠲᠤ ᠨᠠᠷᠠᠯᠠᠬᠤ ᠶᠢ ᠪᠢ         ᠲᠣᠳᠣᠭᠤ ᠠᠴᠠ ᠪᠠᠨ ᠲᠡᠭᠡᠵᠢᠯᠡᠵᠣ ᠰᠣᠷᠣᠭᠰᠠᠨ ᠶᠣᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠲᠣᠭᠤᠨᠣ ᠪᠠᠨ ᠡᠷᠭᠦᠵᠣ ᠲᠡᠷᠭᠡᠯᠰᠢᠭᠦᠯᠣᠭ᠍ᠰᠡᠨ         ᠲᠡᠭᠡᠪᠣᠷ ᠢᠶᠠᠨ  ᠲᠡᠭᠦᠷᠴᠣ ᠲᠡᠨᠢᠢᠯᠭᠡᠭᠰᠡᠨ         ᠭᠡᠳᠡᠭᠡᠷ ᠴᠥᠭᠦᠰᠣᠨ ᠤᠨᠢ ᠮᠢᠨᠢ         ᠭᠡᠳᠡᠶᠢᠵᠣ ᠪᠠᠢ ᠭᠡᠰᠡᠨ ᠭᠡᠷ ᠤᠨ ᠰᠣᠷᠭᠠᠯ ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠠᠳᠠᠷ ᠢᠶᠠᠨ  ᠲᠡᠪᠡᠷᠢᠭᠰᠡᠨ ᠬᠠᠨ᠎ᠠ ᠮᠢᠨᠢ         ᠠᠭᠤᠳᠠᠮᠴᠢ ᠮᠣᠩᠭᠤᠯ ᠴᠡᠭᠡᠵᠢ ᠪᠠᠶᠢᠨᠠᠮ         ᠲᠠᠯᠠᠪᠴᠢᠨ ᠬᠤᠶᠠᠷ ᠬᠠᠭᠠᠯᠭ᠎ᠠ ᠮᠢᠨᠢ         ᠲᠠᠶᠠᠩ ᠢ ᠤᠭᠳᠣᠭᠰᠠᠨ ᠠᠯᠠᠭ᠎ᠠ ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠬᠠᠯᠠ ᠶᠢ ᠲᠣᠯᠵᠣ ᠬᠠᠨᠠᠭᠠᠷᠠᠳᠠᠭ         ᠬᠤᠯᠠ ᠶᠢ ᠲᠣᠭᠤᠯᠵᠣ ᠤᠬᠠᠭᠠᠷᠠᠳᠠᠭ         ᠬᠠᠶᠢᠯᠠᠰᠣᠨ ᠽᠠᠨᠳᠠᠨ ᠬᠠᠳᠠᠪᠴᠢ ᠮᠢᠨᠢ         ᠬᠠᠶᠢᠷ᠎ᠠ ᠵᠡᠷᠭᠡᠯᠭᠡᠨᠳᠣᠭ᠍ᠰᠡᠨ ᠲᠠᠪᠠᠭ᠎ᠠ ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠬᠤᠷᠸ᠎ᠠ ᠶᠢᠨ ᠡᠯᠢᠭᠡᠨ ᠠᠴᠠ ᠬᠤᠷᠣᠶᠢᠯᠠᠭᠰᠠᠨ         ᠬᠤᠷᠯᠣ ᠲᠣᠭᠤᠨᠣ ᠶᠢᠨ ᠴᠢᠭᠳᠠᠭᠠᠨ ᠮᠢᠨᠢ         ᠲᠥᠷᠪᠡᠨ ᠬᠥᠴᠣᠳᠡᠨ ᠢ ᠲᠣᠭᠯᠠᠭᠤᠯᠣᠭᠰᠠᠨ         ᠲᠥᠪᠰᠢᠨ ᠠᠮᠣᠭᠤᠯᠠᠩᠳᠣ ᠲᠣᠯᠭᠠᠭᠤᠷᠢ ᠮᠢᠨᠢ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠨᠠᠷᠠ ᠤᠷᠢᠭᠰᠠᠨ ᠡᠷᠣᠬᠡ ᠮᠢᠨᠢ         ᠨᠠᠢᠮᠠᠨ ᠬᠠᠨᠠᠳᠣ ᠶᠢᠨ ᠮᠢᠨᠢ ᠵᠣᠯᠠᠢ ᠪᠠᠶᠢᠨᠠᠮ         ᠨᠠᠷᠠᠯᠠᠭ ᠰᠠᠨᠰᠠᠷ ᠲᠠᠭᠠᠨ ᠡᠷᠭᠦᠭᠰᠡᠨ         ᠨᠠᠯᠠᠭᠠᠷ ᠮᠣᠩᠭᠤᠯ ᠬᠠᠳᠠᠭ  ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠡᠬᠡ ᠶᠢᠨ ᠰᠥ ᠲᠠᠢ ᠲᠡᠭᠡᠪᠣᠷ ᠮᠢᠨᠢ         ᠡᠩᠬᠡ ᠮᠡᠨᠳᠣ ᠶᠢᠨ ᠰᠥᠯᠳᠡ  ᠪᠠᠶᠢᠨᠠᠮ         ᠲᠡᠭᠷᠢ ᠭᠠᠵᠠᠷ ᠤᠨ ᠲᠣᠮᠳᠠ         ᠲᠡᠪᠡᠷᠢᠵᠣ ᠥᠰᠭᠡᠭᠰᠡᠨ ᠮᠠᠨᠴᠣᠢ ᠮᠢᠨᠢ  ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠰᠥᠨ ᠴᠠᠭᠠᠨ ᠲᠣᠭᠤᠷᠭ᠎ᠠ ᠮᠢᠨᠢ         ᠭᠥᠨ ᠰᠢᠳᠣᠭᠡᠨ ᠤ ᠬᠡᠢ ᠮᠣᠷᠢ ᠪᠠᠶᠢᠨᠠᠮ         ᠬᠥᠮᠣᠨ ᠠᠮᠢᠳᠠᠨ ᠵᠢᠷᠭᠤᠭᠠᠨ ᠵᠥᠢᠯ ᠤᠨ         ᠬᠥᠰᠡᠯ ᠰᠠᠬᠢᠯ ᠤᠨ ᠲᠠᠭᠠᠳᠬᠠᠯ ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠲᠡᠪᠢᠰᠭᠡᠷ᠂ ᠲᠣᠭᠤᠷᠢᠭᠤᠯᠭ᠎ᠠ᠂ ᠰᠢᠷᠳᠡᠭ ᠮᠢᠨᠢ         ᠲᠡᠷᠪᠡᠵᠣ ᠮᠥᠯᠬᠦᠭᠰᠡᠨ ᠥᠯᠢᠭᠡᠷ ᠪᠠᠶᠢᠨᠠᠮ         ᠬᠥᠯ ᠳᠤ ᠤᠷᠣᠭᠰᠠᠨ ᠲᠠᠯ᠎ᠠ ᠮᠢᠨᠢ ᠪᠠᠶᠢᠨᠠᠮ         ᠬᠥᠷᠣᠪᠡᠵᠢᠭᠦᠯᠵᠣ ᠡᠷᠬᠡᠯᠡᠭᠦᠯᠣᠭ᠍ᠰᠡᠨ ᠡᠯᠢᠭᠡ ᠮᠢᠨᠢ ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ               ᠤᠭᠤᠰᠣᠷ᠂ ᠤᠯᠣᠩ᠂ ᠪᠥᠰᠡᠯᠡᠭᠦᠷ ᠮᠢᠨᠢ         ᠤᠷᠴᠢᠯᠠᠩ ᠤᠨ ᠤᠩᠭᠤᠴᠠᠨ ᠤ ᠱᠣᠭᠤᠮ ᠪᠠᠶᠢᠨᠠᠮ         ᠥᠯᠵᠡᠢ ᠬᠤᠳᠣᠭᠳᠣ ᠬᠥᠯᠳᠣᠷᠭᠡ ᠮᠢᠨᠢ         ᠥᠷᠣᠨ᠎ᠡ ᠲᠣᠷᠣᠨ᠎ᠠ ᠶᠢᠨ ᠵᠠᠩᠭᠢᠶ᠎ᠠ  ᠪᠠᠶᠢᠨᠠᠮ               ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ               ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠭᠠᠶᠢᠬᠠᠮᠰᠢᠭᠳᠣ ᠲᠡᠤᠬᠡ ᠶᠢ ᠮᠢᠨᠢ  ᠲᠥᠷᠡᠯᠵᠡᠭᠦᠯᠣᠭ᠍ᠰᠡᠨ         ᠭᠠᠩ ᠲᠡᠮᠣᠷ ᠲᠣᠯᠭ᠎ᠠ ᠮᠢᠨᠢ         ᠭᠠᠯᠪᠠ ᠶᠢᠷᠳᠢᠨᠴᠣ ᠳᠤ ᠭᠤᠯᠣᠮᠳᠠᠯᠠᠭᠰᠠᠨ         ᠭᠠᠯ ᠠᠶᠠᠨ ᠤ ᠮᠢᠨᠢ ᠲᠤᠭ ᠪᠠᠶᠢᠨᠠᠮ                ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ                ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠬᠠᠶᠠᠭᠠᠪᠴᠢ ᠲᠣᠳᠣᠭᠤᠪᠴᠢ ᠵᠠᠶᠢᠴᠢ ᠱᠤᠩ         ᠬᠢᠯᠭᠠᠰᠣ ᠤᠩᠭᠠᠰᠣ ᠰᠤᠷ ᠰᠢᠷᠢ         ᠬᠥᠰᠢᠭᠡ ᠯᠠᠪᠷᠢ ᠵᠠᠪᠠᠭ ᠴᠠᠷᠪᠠᠭ         ᠬᠠᠭᠠᠨ ᠥᠷᠭᠦᠭᠡᠨ ᠤ ᠮᠢᠨᠢ ᠬᠠᠯᠠᠭᠤᠨ ᠪᠥᠯᠢ ᠪᠠᠶᠢᠨᠠᠮ                ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ                ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ         ᠠᠭᠠᠷᠣ ᠲᠣᠭᠤᠨᠣ ᠠᠴᠠ ᠮᠢᠨᠢ ᠲᠡᠭᠡᠭᠰᠢᠯᠡᠭᠰᠡᠨ         ᠠᠷᠭᠠᠯ ᠤᠨ ᠮᠢᠨᠢ ᠠᠩᠭᠢᠷ ᠤᠳᠤᠭ᠎ᠠ         ᠠᠮᠢᠳᠠᠨ ᠪᠠᠶᠢᠭᠠᠯᠢ ᠪᠠᠨ ᠠᠷᠢᠭᠤᠯᠠᠭᠰᠠᠨ         ᠠᠷᠣᠣᠬᠠᠨ ᠲᠡᠭᠷᠢᠯᠢᠭ ᠤᠳᠣᠯᠭ᠎ᠠ  ᠪᠠᠶᠢᠨᠠᠮ                ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ                ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠤᠮ         ᠲᠠᠶᠢᠪᠣᠩ ᠬᠡᠭᠡᠨᠴᠢᠷ ᠥᠷᠭᠦᠭᠡ ᠮᠢᠨᠢ         ᠲᠠᠪᠣᠨ ᠬᠤᠰᠢᠭᠤᠳᠣ ᠶᠢᠨ ᠮᠢᠨᠢ ᠭᠡᠷᠡᠯ ᠪᠠᠶᠢᠨᠠᠮ         ᠲᠠᠭᠰᠢᠨ ᠲᠠᠩᠰᠤᠭ ᠠᠮᠢᠳᠣᠷᠠᠯ ᠤᠨ ᠮᠢᠨᠢ         ᠲᠠᠷᠬᠠᠨ ᠲᠡᠮᠡᠣᠯᠡᠯ ᠤᠨ ᠡᠷᠢᠯ ᠪᠠᠶᠢᠨᠠᠮ              ᠲᠡᠭᠡᠪᠣᠷ ᠴᠠᠭᠠᠨ ᠥᠷᠭᠦᠭᠡ ᠭᠡᠷ ᠮᠢᠨᠢ              ᠲᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠭᠰᠠᠨ ᠶᠣᠮ                            2017  ᠤᠨ ᠤ 12 ᠰᠠᠷ᠎ᠠ ᠶᠢᠨ 26  ‍ᠨ᠎ᠠ                                                     ᠪᠣᠣᠷ᠎ᠠ ᠬᠡᠭᠡᠷ᠎ᠡ ᠳᠤ※ ᠲᠣᠰ ᠰᠢᠯᠣᠭ᠌ ︽ᠥᠨᠢᠷ ᠴᠡᠴᠡᠭ︾ ᠰᠡᠳᠭᠦᠯ ᠤᠨ 2018  ᠤᠨ ᠤ 3 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨ ᠳᠤ ᠨᠡᠶᠢᠳᠡᠯᠡᠭᠳᠡᠪᠡ       ᠲᠣᠪᠴᠢ ᠨᠠᠮᠳᠠᠷ                         ᠤᠯᠣᠰ ᠤᠨ ᠨᠢᠭᠡᠳᠣᠭᠡᠷ ᠲᠡᠰ ᠤᠨ ᠵᠣᠬᠢᠶᠠᠯᠴᠢ᠂ ᠰᠣᠷᠪᠣᠯᠵᠢᠯᠠᠭᠴᠢ᠂ ᠰᠡᠳᠭᠦᠯᠴᠢ ᠲᠠᠷᠴᠢᠳ ᠣᠪᠣᠭ  ᠤᠨ ᠲᠠᠴᠢᠩᠭ᠎ᠠ ᠶᠢᠨ ᠡᠯᠬᠡᠩᠭᠡ 1950 ᠤᠨ ᠤ ᠨᠠᠮᠣᠷ ᠴᠠᠬᠠᠷ ᠲᠤ ︵ᠥᠨᠣ ᠶᠢᠨ ᠰᠢᠯᠣᠭᠤᠨ ᠬᠥᠪᠡᠭᠡᠳᠣ ᠴᠠᠭᠠᠨ ᠬᠤᠰᠢᠭᠤ︶ ᠲᠥᠷᠣᠪᠡ᠃ ᠪᠠᠭ᠎ᠠ ᠠᠴᠠ ᠰᠣᠶᠣᠯ ᠰᠣᠷᠭᠠᠭᠤᠯᠢ ᠮᠥᠷᠳᠡᠵᠣ᠂ ᠲᠠᠯ᠎ᠠ ᠶᠢᠨ ᠬᠤᠳᠳᠤᠭ ᠠᠶᠢᠯ ᠤᠨ ᠰᠣᠷᠭᠠᠭᠤᠯᠢ᠂ ᠴᠠᠭᠠᠨᠨᠠᠭᠤᠷ ᠪᠥᠷᠢᠨ ᠪᠠᠭ᠎ᠠ ᠰᠣᠷᠭᠠᠭᠤᠯᠢ᠂ ᠪᠠᠶᠠᠨᠪᠣᠯᠠᠭ ᠪᠥᠷᠢᠨ ᠪᠠᠭ᠎ᠠ ᠰᠣᠷᠭᠠᠭᠤᠯᠢ᠂ ᠴᠠᠭᠠᠨᠨᠠᠭᠤᠷ ᠲᠣᠮᠳᠠᠳᠣ ᠰᠣᠷᠭᠠᠭᠤᠯᠢ ᠲᠡᠭᠦᠰᠴᠣ ᠬᠥᠳᠡᠭᠡ ᠰᠡᠬᠡᠭᠡᠳᠡᠨ ᠢᠶᠠᠷ ᠪᠠᠭᠤᠪᠠ᠃ ᠰᠡᠭᠦᠯᠡᠷ ᠨᠢ ᠥᠪᠣᠷ ᠮᠤᠩᠭᠤᠯ ᠤᠨ ᠮᠣᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ ᠲᠣᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠰᠣᠷᠭᠠᠭᠤᠯᠢ ᠶᠢᠨ ᠤᠷᠴᠢᠭᠤᠯᠤᠭ᠎ᠠ ᠨᠠᠶᠢᠷᠠᠭᠤᠯᠤᠭ᠎ᠠ ᠶᠢᠨ ᠠᠩᠭᠢ᠂ ᠥᠪᠣᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠤᠳᠬ᠎ᠠ  ᠵᠣᠬᠢᠶᠠᠯ ᠵᠣᠬᠢᠶᠠᠨ ᠪᠦᠳᠣᠭᠡᠬᠦ ᠰᠣᠳᠣᠯᠬᠤ ᠠᠩᠭᠢ ᠠᠴᠠ ᠤᠷᠢᠳ ᠬᠤᠵᠢᠳ ᠲᠡᠭᠦᠰᠪᠡ᠃ ︽ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠡᠳᠣᠷ ᠤᠨ ᠰᠣᠨᠢᠨ︾ ᠳᠤ ᠨᠠᠶᠢᠷᠠᠭᠤᠯᠣᠭᠴᠢ᠂ ᠰᠣᠷᠪᠣᠯᠵᠢᠯᠠᠭᠴᠢ᠂ ︽ᠰᠢᠯᠢ ᠶᠢᠨ ᠭᠤᠣᠯ︾ ᠰᠡᠳᠭᠦᠯ ᠳᠤ ᠨᠠᠶᠢᠷᠠᠭᠤᠯᠣᠭᠴᠢ᠂ ᠲᠡᠳ᠋ ᠶᠡᠷᠣᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ᠂ ᠶᠡᠷᠣᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ᠂ ᠨᠡᠷ᠎ᠡ ᠬᠥᠨᠳᠣᠳᠣ ᠶᠡᠷᠣᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ᠂ ᠰᠢᠯᠢ  ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠤᠳᠬ᠎ᠠ ᠤᠷᠠᠯᠢᠭ ᠤᠨ ᠬᠤᠯᠪᠣᠭᠠᠨ ᠤ ᠲᠡᠳ᠋ ᠲᠡᠷᠢᠭᠦᠯᠡᠭᠴᠢ᠂ ᠨᠠᠮ ᠤᠨ ᠤᠳᠣᠷᠢᠳᠬᠤ ᠲᠣᠭᠤᠶᠢᠯᠠᠩ ᠤᠨ ᠪᠥᠷᠢᠯᠳᠣᠭᠦᠨ᠂ ᠪᠠᠶᠢᠴᠠᠭᠠᠨ ᠰᠣᠳᠣᠯᠣᠭᠴᠢ ︵ᠵᠢᠩᠬᠢᠨᠢ ᠭᠠᠵᠠᠷ ᠤᠨ ᠲᠡᠰ︶ ︽ᠲᠣᠮᠳᠠᠳᠣ ᠤᠯᠣᠰ ᠤᠨ ᠮᠣᠩᠭᠤᠯ ᠰᠡᠳᠬᠦᠯ ᠰᠣᠳᠣᠯᠬᠤ ᠬᠤᠷᠠᠯ︾ ᠤᠨ ᠲᠡᠳ᠋ ᠲᠠᠷᠤᠭ᠎ᠠ ᠪᠠᠶᠢᠪᠠ᠃ ᠲᠡᠷᠡ ᠪᠣᠯ ᠪᠥᠬᠦ ᠤᠯᠣᠰ  ᠤᠨ ᠮᠣᠩᠭᠤᠯ ᠰᠡᠳᠭᠦᠯ ᠤᠨ ︽ᠭᠠᠪᠢᠶᠠᠳᠣ ᠨᠠᠶᠢᠷᠠᠭᠤᠯᠣᠭᠴᠢ︾᠂ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠰᠢᠯᠣᠭ᠌ ᠰᠣᠳᠣᠯᠬᠤ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠳ᠋ ᠲᠠᠷᠤᠭ᠎ᠠ᠂ ᠥᠪᠣᠷ ᠮᠣᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ᠂ ᠪᠥᠬᠦ ᠤᠯᠣᠰ ᠤᠨ ᠴᠥᠭᠡᠨ ᠲᠣᠭᠠᠳᠣ ᠥᠨᠳᠣᠰᠣᠳᠡᠨ ᠤ ᠵᠤᠬᠢᠶᠠᠯᠴᠢᠳ ᠤᠨ ᠰᠣᠳᠣᠯᠬᠤ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ᠂ ᠲᠣᠮᠳᠠᠳᠣ ᠤᠯᠣᠰ ᠤᠨ ᠵᠤᠬᠢᠶᠠᠯᠴᠢᠳ   ᠤᠨ ᠬᠤᠷᠢᠶᠠᠨ ᠤ  ᠭᠡᠰᠢᠭᠦᠨ  ᠃ ᠲᠥᠷᠣᠭᠦᠤ ᠵᠠᠭᠤᠨ ᠤ ᠲᠠᠯᠠᠭᠠᠳ ᠤᠨ  ᠤ ᠡᠬᠢᠨ ᠠᠴᠠ ᠵᠣᠬᠢᠶᠠᠯ ᠪᠥᠳᠣᠭᠡᠯ ᠢᠶᠠᠨ ᠨᠡᠶᠢᠲᠡᠯᠡᠭᠦᠯᠵᠣ᠂ ᠬᠠᠭᠠᠰ ᠵᠠᠭᠤᠨ ᠤ ᠲᠣᠷᠰᠢ ᠪᠠᠷᠤᠭ ᠲᠥᠷᠪᠡᠨ ᠵᠠᠭᠤ ᠭᠠᠷᠣᠢ ᠲᠥᠮᠡᠨ ᠥᠰᠣᠭ᠌ ᠤᠨ ᠵᠤᠬᠢᠶᠠᠯ ᠪᠥᠳᠣᠭᠡᠯ ᠨᠡᠶᠢᠳᠡᠯᠡᠪᠡ᠃ ︽ᠰᠢᠯᠣᠭ᠌ ᠤᠨ ᠡᠷᠡᠮᠡᠯᠵᠡᠯ︾ ︵ᠬᠠᠮᠳᠣᠷᠠᠭᠰᠠᠨ ︶᠂ ︽ᠨᠣᠳᠤᠭ ᠤᠰᠣᠨ ᠤ ᠤᠷᠢ︾᠂ ︽ᠲᠠᠭᠤᠤ ᠲᠠᠢ ᠨᠣᠳᠤᠭ ᠭᠤᠨᠳᠠᠬᠤ ᠥᠭᠡᠢ︾᠂ ︽ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠣᠨ ᠤ ᠴᠢᠭᠤᠯᠭᠠᠨ︾᠂ ︽ᠲ᠊ · ᠡᠯᠬᠡᠩᠭᠡ ᠶᠢᠨ ᠨᠠᠶᠢᠷᠠᠭᠤᠯᠣᠯ ᠤᠨ ᠰᠢᠯᠢᠮᠡᠯ︾᠂ ︽ᠲ᠊ · ᠡᠯᠬᠡᠩᠭᠡ ᠶᠢᠨ ᠪᠠᠷᠢᠮᠳᠠᠳᠣ ᠨᠠᠶᠢᠷᠠᠭᠤᠯᠣᠯ ᠤᠳ︾  ︽ᠲ᠊ · ᠡᠯᠬᠡᠩᠭᠡ ᠶᠢᠨ ᠥᠭᠦᠯᠯᠡᠭᠡ᠂ ᠨᠠᠶᠢᠷᠠᠭᠤᠯᠣᠯ ᠤᠳ︾᠂ ︽ᠬᠠᠯᠢᠭᠤᠳᠠᠢ︾ ᠵᠡᠷᠭᠡ ᠨᠣᠮ ᠤᠳ ᠬᠡᠪᠯᠡᠭᠦᠯᠵᠣ᠂ ︽ᠪᠡᠭᠡᠵᠢᠩ ᠠᠶᠠᠨ ᠤ ᠰᠢᠪᠠᠭᠤ︾᠂ ︽ᠴᠠᠭᠠᠨ ᠪᠣᠭᠳᠠ ᠶᠢᠨ ᠴᠡᠷᠢᠭ︾ ︵ᠲᠡᠭᠡᠳᠣ᠂ ᠲᠣᠣᠷᠡᠳᠣ︶᠂ ︽ᠬᠥᠬᠡ ᠲᠣᠭᠤᠷᠣᠤ︾ ︵ᠵᠢᠷᠣᠭᠳᠣ ᠲᠡᠪᠳᠡᠷ᠂ ᠲᠡᠭᠡᠳᠣ᠂ ᠲᠣᠣᠷᠡᠳᠣ︶᠂ ︽ ᠴᠢᠨ᠋ᠸ᠎ᠠ ᠪᠠᠷᠢᠭᠰᠠᠨ ᠨᠢ︾ ᠵᠡᠷᠭᠡ ᠨᠣᠮ ᠤᠳ ᠤᠷᠴᠢᠭᠤᠯᠣᠨ ᠬᠡᠪᠯᠡᠭᠦᠯᠪᠡ᠃ ︽ᠴᠠᠬᠠᠷ ᠬᠠᠨ ᠤ ᠵᠠᠬᠢᠶ᠎ᠠ︾  ᠪᠠᠨ ᠬᠡᠪᠯᠡᠯ ᠳᠤ ᠤᠷᠣᠭᠤᠯᠣᠭᠠᠳ ᠪᠣᠢ᠃ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠣᠨ ᠤ ᠤᠳᠬ᠎ᠠ ᠵᠤᠬᠢᠶᠠᠯ ᠤᠨ ︽ᠰᠣᠯᠣᠩᠭ᠎ᠠ︾ ᠱᠠᠩᠨᠠᠯ ᠬᠤᠶᠠᠷ ᠤᠳᠠᠭ᠎ᠠ᠂ ᠮᠡᠳᠡᠭᠡᠯᠡᠯ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠱᠠᠩᠨᠠᠯ ᠨᠢᠭᠡ ᠤᠳᠠᠭ᠎ᠠ᠂ ︽ᠥᠨᠢᠷ ᠴᠡᠴᠡᠭ︾ ᠵᠡᠷᠭᠡ ᠶᠢᠨ ᠤᠷᠣᠨ ᠤ ᠰᠡᠳᠭᠦᠯ᠂ ᠷᠠᠳᠢᠤ᠋ ᠲᠧᠯᠸᠢᠰ᠂ ᠠᠶᠢᠮᠠᠭ ᠱᠠᠳᠣᠨ   ᠤ ᠱᠠᠩᠨᠠᠯ ᠢ ᠬᠤᠷᠢ ᠭᠠᠷᠣᠢ ᠤᠳᠠᠭ᠎ᠠ ᠲᠣᠰᠪᠠ᠃ ᠥᠨᠣ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠠᠮᠢ ᠠᠬᠤᠢ ᠰᠣᠳᠣᠯᠬᠤ ᠨᠡᠶᠢᠭᠡᠮᠯᠢᠭ ᠤᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ︽ᠰᠢᠯᠢ ᠶᠢᠨ ᠭᠤᠣᠯ ᠤᠨ  ᠠᠮᠢ ᠠᠬᠤᠢ ᠶᠢᠨ ᠰᠣᠳᠣᠯᠣᠯ︾ ᠤᠨ ᠬᠠᠷᠢᠭᠤᠴᠠᠭᠰᠠᠨ ᠨᠠᠶᠢᠷᠠᠭᠤᠯᠣᠭᠴᠢ ᠶᠢ ᠭᠥᠢᠴᠡᠳᠭᠡᠵᠣ ᠪᠣᠢ᠃        ᠮᠢᠨᠣ ᠬᠢᠴᠢᠶᠡᠰᠣ᠄ ᠬᠠᠨᠣᠮᠰᠢᠯ ᠪᠣᠯ ᠨᠠᠮᠠᠢᠢ ᠪᠣᠯᠠᠰᠢᠯᠠᠬᠤ ᠠᠪᠰᠠ᠂ ᠬᠠᠷᠠᠮᠰᠠᠯ ᠪᠣᠯ ᠨᠠᠮᠠᠢᠢ ᠪᠣᠰᠬᠠᠬᠤ ᠬᠥᠷᠣᠰᠣ᠃ ᠠᠳᠣᠭᠤᠴᠢᠨ᠂ ᠠᠷᠠᠳ ᠤᠨ ᠪᠠᠭᠰᠢ᠂ ᠰᠣᠷᠪᠣᠯᠵᠢᠯᠠᠭᠴᠢ ᠪᠣᠯ ᠵᠠᠯᠠᠭᠤ ᠨᠠᠰᠣᠨ ᠤ ᠮᠢᠨᠢ ᠲᠠᠭᠤᠯᠠᠯ᠂ ᠰᠡᠳᠭᠦᠯᠴᠢ᠂ ᠵᠤᠬᠢᠶᠠᠯᠴᠢ ᠪᠣᠯ ᠢᠳᠡᠷ ᠨᠠᠰᠣᠨ ᠤ ᠮᠢᠨᠢ ᠡᠷᠢᠯᠬᠢᠯᠡᠯ᠃ ᠡᠳᠡᠭᠡᠷ ᠢᠶᠠᠨ ᠡᠷᠭᠢᠨ ᠰᠠᠨᠠᠵᠣ ᠡᠷᠢᠶᠡᠴᠢᠨ ᠰᠠᠭᠤᠬᠤ ᠪᠣᠯ ᠡᠨᠡ ᠨᠠᠰᠣᠨ ᠤ ᠮᠢᠨᠢ ᠡᠷᠬᠡ ᠵᠢᠷᠭᠠᠯ︕
  
ᠢᠷᠡᠯᠲᠡ᠄ ᠡᠷᠢᠶᠡᠨ ᠬᠤᠲᠠ ᠶᠢᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠣᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
  
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号