| ᠵᠣᠬᠢᠶᠠᠭᠴᠢ᠄ ᠳ᠋᠊᠂ ᠫᠦᠷᠪᠦᠳᠣᠷᠵᠢ | | | ᠳᠡᠮᠣᠵᠢᠨ — ᠨᠣᠮᠣ ᠶᠢᠨ ᠬᠦᠪᠴᠢ ᠠᠴᠠ ᠲᠦᠷᠦᠬᠡ ᠦᠭᠡᠢ ᠶᠤᠮ | ᠳᠡᠮᠣᠵᠢᠨ — ᠰᠣᠮᠣ ᠶᠢᠨ ᠵᠠᠪᠠ ᠠᠴᠠ ᠭᠠᠷᠤᠭᠠ ᠦᠭᠡᠢ ᠶᠤᠮ | ᠳᠡᠮᠣᠵᠢᠨ — ᠦᠬᠡᠯᠦᠨ ᠡᠬᠡ ᠠᠴᠠ ᠲᠦᠷᠦᠭᠰᠡᠨ ᠶᠤᠮ | ᠳᠡᠮᠣᠵᠢᠨ — ᠦᠷᠯᠦᠭ ᠳᠡᠣᠬᠡᠨ ᠠᠴᠠ ᠭᠠᠷᠣᠭᠰᠠᠨ ᠶᠤᠮ | ᠠᠮᠠᠷ ᠵᠠᠶᠠᠭᠠ ᠬᠤᠮᠰᠠ ᠳᠣᠭᠤᠯᠠᠩ ᠨᠢᠯᠪᠣᠰᠣᠳᠦ ᠬᠤᠷᠸᠠ ᠳᠤ | ᠠᠪᠣᠷᠠᠬᠤ ᠳᠠᠪᠢᠯᠠᠩ ᠮᠡᠬᠦᠰ ᠨᠠᠢᠮᠠᠨ ᠦᠶᠡ ᠶᠢᠨ ᠳᠡᠷᠳᠡᠭᠡ ᠳᠤ | ᠠᠳᠠᠭᠠ ᠬᠤᠷᠣᠰᠣᠯ ᠤᠨ ᠮᠠᠨᠴᠣᠢ ᠳᠤ ᠶᠢᠰᠦᠬᠡᠢ ᠶᠢᠨ ᠬᠦᠦ ᠦᠰᠴᠦ | ᠠᠶᠠᠨ ᠳᠠᠶᠢᠨ ᠤ ᠣᠩᠭᠤᠳ ᠢᠶᠠᠷ ᠶᠢᠰᠦᠨ ᠳᠤᠭ ᠢᠶᠠᠨ ᠳᠠᠬᠢᠭᠰᠠᠨ ᠶᠤᠮ | ᠣᠭᠤᠨᠣ ᠶᠢᠨ ᠬᠠᠯᠢᠭᠤᠨ ᠵᠣ ᠰᠢᠭ᠋ ᠬᠠᠯᠬᠠ ᠶᠢᠨ ᠰᠠᠷᠠᠭᠤᠯ ᠳᠠᠯᠠ ᠳᠤ | ᠣᠩᠬᠢᠨ ᠴᠠᠭᠠᠨ ᠳᠠᠮᠠᠭᠠ ᠰᠢᠭ᠋ ᠬᠡᠷ ᠢᠶᠠᠨ ᠲᠡᠷᠡ ᠪᠠᠷᠢᠭᠰᠠᠨ ᠶᠤᠮ | ᠣᠨᠣᠨ ᠮᠦᠷᠡᠨ ᠤ ᠰᠠᠪᠠ ᠳᠤ ᠬᠤᠷᠠ ᠰᠢᠭ᠋ ᠱᠠᠬᠢᠬᠤ ᠠᠳᠣᠭᠤᠨ ᠠᠴᠠ | ᠣᠩᠭᠤᠨ ᠬᠤᠶᠠᠷ ᠵᠠᠭᠠᠯ ᠢ ᠮᠦᠩᠬᠦᠨ ᠬᠢᠷᠠᠭᠤᠨ ᠳᠤ ᠰᠣᠶᠢᠭᠰᠠᠨ ᠶᠤᠮ | ᠡᠬᠡ ᠣᠷᠣᠨ ᠢᠶᠠᠨ ᠦᠮᠴᠢᠯᠡᠭᠰᠡᠨ ᠭᠤᠷᠪᠠᠨ ᠬᠠᠰᠠᠭ ᠤᠨ ᠬᠦᠷᠢᠶᠡᠯᠡᠩ ᠢ | ᠡᠯᠢᠬᠡᠨ ᠣᠷᠤᠭ ᠢᠶᠠᠨ ᠦᠮᠦᠬᠡᠷᠡᠭᠰᠡᠨ ᠲᠦᠷᠪᠡᠨ ᠳᠣᠳᠣᠭᠤ ᠪᠠᠷ ᠳᠦᠰᠢᠬᠦᠯᠵᠦ | ᠳᠣᠯᠭᠤᠷ ᠲᠦᠷᠦ ᠶᠢᠨ ᠪᠠᠭᠠᠨᠠ ᠶᠢ ᠬᠤᠷᠯᠦ ᠳᠣᠭᠤᠨᠣᠨ ᠳᠤ ᠡᠷᠬᠦᠨ | ᠳᠣᠭᠤᠷᠭᠠ ᠳᠣᠰᠭᠠᠷ ᠮᠣᠩᠭᠤᠯ ᠤᠨ ᠭᠤᠯᠣᠮᠳᠠ ᠶᠢ ᠲᠡᠷᠡ ᠳᠣᠯᠣᠭᠰᠠᠨ ᠶᠤᠮ | ᠬᠦᠬᠡ ᠮᠣᠩᠭᠤᠯ ᠤᠨ ᠳᠡᠪᠢᠬᠡᠨ ᠳᠠᠩᠬᠢᠰ ᠤᠨ ᠰᠢᠭᠤᠷᠭᠠ ᠶᠢ ᠢᠷᠡᠵᠦ | ᠬᠦᠮᠦᠬᠡᠢ ᠵᠠᠭᠤᠭᠰᠠᠨ ᠶᠢᠷᠳᠢᠨᠴᠦ ᠴᠢᠩᠬᠢᠰ ᠤᠨ ᠡᠮᠦᠨᠡ ᠰᠦᠬᠦᠷᠡᠭᠰᠡᠨ ᠶᠤᠮ | ᠬᠦᠯᠦᠭ ᠮᠣᠷᠢᠳ ᠤᠨ ᠳᠣᠭᠤᠷᠠᠢ ᠦᠷᠦᠨᠡ ᠳᠣᠷᠣᠨᠠ ᠶᠢ ᠴᠦᠮᠦᠯᠡᠵᠦ | ᠬᠦᠯ ᠨᠢᠴᠦᠬᠦᠨ ᠬᠤᠷᠸᠠ ᠬᠠᠯᠠᠭᠤᠨ ᠣᠷᠠᠮ ᠬᠢᠰᠬᠢᠭᠰᠡᠨ ᠶᠤᠮ | ᠳᠠᠶᠢᠮᠦ ᠡ︕ ᠳᠠᠶᠢᠨ ᠮᠦᠷ ᠢᠶᠠᠷ ᠴᠠᠭᠠᠨ ᠰᠦ ᠣᠷᠣᠰᠤᠭᠠ ᠦᠬᠡᠢ | ᠳᠠᠶᠢᠮᠦ ᠡ︕ ᠳᠠᠶᠢᠴᠢᠳ ᠤᠨ ᠰᠦᠷ ᠢ ᠴᠠᠭ ᠤᠨ ᠰᠠᠭᠠᠯᠳᠠ ᠮᠠᠷᠳᠠᠭᠠ ᠦᠭᠡᠢ | ᠳᠠᠶᠢᠮᠦ ᠡ︕ ᠴᠢᠩᠬᠢᠰ ᠦᠨᠳᠦᠷ ᠠᠯᠳᠠᠢ ᠶᠢᠨ ᠵᠠᠷ ᠲᠠᠢ ᠶᠤᠮ | ᠲᠠᠶᠢᠮᠦ ᠡ︕ ᠴᠢᠩᠬᠢᠰ ᠦᠨᠦᠳᠦᠷ ᠴᠦ ᠬᠡᠰᠡᠨ ᠨᠡᠷᠡ ᠲᠠᠢ ᠶᠤᠮ | ᠬᠤᠶᠢᠴᠢ ᠦᠶᠡ ᠳᠤ ᠪᠠᠨ ᠲᠡᠷᠡ ᠬᠠᠷᠠ ᠪᠣᠷᠣᠭᠤ ᠰᠠᠨᠠᠭᠠ ᠦᠭᠡᠢ | ᠬᠤᠷᠢᠨ ᠭᠠᠩ ᠤᠨ ᠭᠠᠴᠢᠶᠠᠯ ᠳᠤ ᠬᠠᠳᠣᠨ ᠣᠨᠣᠨ ᠰᠢᠷᠬᠢᠭᠡ ᠦᠭᠡᠢ | ᠴᠢᠩᠬᠢᠰ ᠤᠨ ᠶᠡᠭᠡ ᠮᠣᠩᠭᠤᠯ ᠶᠠᠳᠠᠷᠠᠭᠰᠠᠨ᠂ ᠭᠤᠳᠣᠷᠠᠭᠰᠠᠨ᠂ ᠵᠠᠳᠠᠷᠠᠭᠰᠠᠨ | ᠴᠢᠨᠦ ᠬᠦᠬᠡ ᠮᠣᠩᠭᠤᠯ ᠢᠯᠠᠭᠰᠠᠨ᠂ ᠬᠦᠭᠵᠢᠭᠰᠡᠨ᠂ ᠮᠠᠨᠳᠣᠭᠰᠠᠨ | ᠶᠠᠮᠠᠷ ᠴᠦ ᠪᠠᠶᠢᠭᠰᠠᠨ ᠴᠢᠩᠬᠢᠰ ᠬᠠᠨ ᠭᠠᠷᠣᠳᠢ ᠰᠢᠭ᠋ ᠬᠠᠯᠢᠵᠦ | ᠶᠠᠯᠠ ᠭᠠᠪᠢᠶᠠ ᠬᠤᠶᠠᠷ ᠢᠶᠠᠨ ᠬᠤᠶᠢᠴᠢ ᠦᠶᠡ ᠳᠤ ᠪᠠᠨ ᠳᠠᠭᠠᠳᠬᠠᠭᠰᠠᠨ ᠶᠤᠮ | ᠭᠠᠯ ᠣᠰᠣᠨ ᠳᠤ ᠡᠯᠡᠭᠳᠡᠭᠰᠡᠨ ᠪᠣᠭᠤᠷᠣᠯ ᠽᠠᠮᠪᠣᠲ᠋ᠢᠪ ᠤᠨ ᠮᠠᠩᠨᠠᠢ ᠳᠤ | ᠭᠠᠩ ᠰᠠᠯᠠᠮᠠ ᠶᠢᠨ ᠢᠶᠠᠨ ᠢᠷ ᠢᠶᠠᠷ ᠮᠣᠩᠭᠤᠯ ᠬᠡᠵᠦ ᠪᠢᠴᠢᠭᠰᠡᠨ ᠶᠤᠮ᠃ | | |