| ᠷ᠊᠂ ᠴᠣᠶᠢᠨᠣᠮ | | | ᠵᠢᠷᠭᠠᠯ | | ᠬᠦᠴᠦᠳᠦ ᠠᠮᠢᠳᠣᠷᠠᠯ ᠤᠨ ᠶᠡᠭᠡ ᠳᠡᠪᠵᠢᠶᠡᠨ ᠳᠤ | ᠬᠦᠴᠦᠨ ᠪᠠᠭᠤᠷᠠᠢ ᠡᠨᠡᠬᠡᠨ ᠨᠠᠰᠣᠨ ᠳᠤ | ᠬᠦᠰᠡᠯ ᠤᠨ ᠪᠣᠭᠤᠯ ᠪᠣᠯᠵᠦ ᠶᠠᠪᠣᠬᠤ ᠳᠤ | ᠬᠦᠮᠦᠨ ᠤ ᠵᠢᠷᠭᠠᠯ ᠮᠥᠨ ᠴᠦ ᠣᠯᠠᠨ ᠶᠠᠩᠵᠦ ᠡ︕ | ᠰᠠᠶᠢᠨ ᠮᠣᠷᠢ ᠶᠢ ᠣᠨᠣᠵᠦ | ᠰᠠᠯᠬᠢ ᠰᠢᠭ᠋ ᠶᠠᠪᠣᠬᠤ ᠨᠢᠭᠡᠨ ᠵᠢᠷᠭᠠᠯ ᠪᠠᠶᠢᠬᠤ ᠳᠤ | ᠰᠠᠶᠢᠬᠠᠨ ᠪᠦᠰᠡᠬᠦᠢ ᠶᠢᠨ ᠠᠭᠠᠯᠢᠨ ᠳᠤ | ᠰᠠᠷᠬᠤᠳ ᠰᠢᠭ᠋ ᠬᠦᠯᠴᠣᠵᠦ ᠰᠠᠭᠤᠬᠤ ᠪᠠᠰᠠ ᠨᠢᠭᠡᠨ ᠵᠢᠷᠭᠠᠯ ᠪᠣᠢ᠃ | ᠦᠴᠦᠬᠡᠨ ᠪᠠᠷᠠᠭᠠᠨ ᠠᠮᠠᠷᠠᠭ ᠢᠶᠠᠨ | ᠦᠨᠳᠣᠷ ᠴᠠᠭᠠᠨ ᠬᠡᠵᠦ ᠪᠣᠳᠣᠵᠦ ᠶᠠᠪᠣᠬᠤ ᠨᠢᠭᠡᠨ ᠵᠢᠷᠭᠠᠯ ᠪᠠᠶᠢᠬᠤ ᠳᠤ | ᠦᠴᠢᠨᠡᠨ ᠬᠡᠣᠬᠡᠳ ᠪᠣᠵᠢᠬᠢᠨᠠᠭᠤᠯᠣᠭᠠᠳ | ᠦᠪᠡᠷ ᠢᠶᠠᠨ ᠳᠣᠮᠳᠠ ᠨᠢ ᠳᠠᠷᠣᠭᠳᠠᠵᠦ ᠰᠠᠭᠤᠬᠤ ᠪᠠᠰᠠ ᠨᠢᠭᠡᠨ ᠵᠢᠷᠭᠠᠯ ᠪᠣᠢ᠃ | ᠬᠡᠳᠠᠯᠠ᠂ ᠮᠣᠷᠢ ᠴᠦ ᠦᠭᠡᠢ᠂ ᠨᠣᠬᠠᠢ ᠴᠦ ᠦᠭᠡᠢ | ᠬᠡᠷᠬᠡᠢ ᠴᠦ ᠦᠭᠡᠢ᠂ ᠬᠡᠣᠬᠡᠳ ᠴᠦ ᠦᠭᠡᠢ | ᠬᠡᠷ ᠣᠷᠣᠨ ᠴᠦ ᠦᠭᠡᠢ᠂ ᠵᠠᠰᠠᠭ ᠴᠦ ᠦᠭᠡᠢ | ᠴᠠᠭᠠᠨ ᠵᠡᠭᠡᠷᠡ ᠰᠢᠭ᠋ ᠶᠠᠪᠣᠬᠤ ᠨᠢᠭᠡᠨ ᠵᠢᠷᠭᠠᠯ ᠪᠠᠶᠢᠳᠠᠭ᠃ | ᠦᠭᠡᠢ ᠪᠣᠯ᠂ ᠬᠡᠨ ᠴᠦ ᠬᠠᠮᠢᠶᠠ ᠦᠭᠡᠢ ᠨᠢᠭᠡᠨ ᠲᠠᠢ | ᠦᠨᠦᠰᠦᠯᠳᠣᠵᠦ᠂ ᠮᠣᠣᠷ ᠤᠨ ᠵᠣᠯᠵᠠᠭᠠ ᠰᠢᠭ᠋ ᠡᠷᠬᠡᠯᠡᠵᠦ | ᠦᠬᠦᠯᠡ ᠬᠠᠳᠠᠯᠠ ᠬᠡᠵᠦ ᠳᠣᠨᠢᠷᠬᠠᠵᠦ | ᠦᠰᠦ ᠪᠡ ᠴᠠᠶᠢᠳᠠᠯᠠ᠂ ᠪᠠᠯᠴᠢᠷ ᠮᠡᠳᠦ ᠶᠠᠪᠣᠬᠤ ᠪᠠᠰᠠ ᠨᠢᠭᠡᠨ ᠵᠢᠷᠭᠠᠯ ᠪᠣᠢ᠃ | ᠠᠷᠠᠢ ᠬᠡᠵᠦ ᠣᠯᠳᠠᠭᠰᠠᠨ ᠢᠶᠠᠨ ᠬᠦᠮᠦᠨ ᠳᠤ ᠳᠠᠷᠬᠠᠭᠠᠵᠦ | ᠠᠷᠢᠬᠢ ᠳᠠᠷᠠᠰᠦ ᠪᠠᠷ ᠪᠣᠰᠣᠳ ᠢ ᠳᠠᠶᠢᠯᠠᠵᠦ | ᠠᠮᠢᠳᠠᠨ ᠢ ᠭᠠᠭᠴᠠ ᠣᠳᠠᠭᠠ ᠴᠦ ᠪᠣᠯ ᠪᠠᠶᠠᠷᠯᠠᠭᠤᠯᠬᠤ ᠶᠢᠨ ᠳᠣᠯᠠᠳᠠ | ᠠᠯᠳᠠᠨ ᠪᠡᠶᠡ ᠪᠠᠨ ᠴᠦᠯᠮᠣᠵᠦ ᠶᠠᠪᠣᠬᠤ ᠨᠢᠭᠡᠨ ᠵᠢᠷᠭᠠᠯ ᠪᠠᠶᠢᠨᠠᠮ᠂᠂᠂᠂ | ᠬᠠᠶᠢᠷᠠᠳᠠᠢ ᠬᠡᠰᠡᠨ ᠠᠴᠠ ᠦᠪᠡᠷ ᠢᠶᠠᠨ ᠳᠣᠳᠠᠭᠠᠵᠦ | ᠬᠠᠷᠢ ᠬᠤᠯᠠ ᠶᠢᠨ ᠬᠦᠮᠦᠨ ᠳᠤ ᠰᠡᠳᠬᠢᠯ ᠠᠯᠳᠠᠵᠦ | ᠬᠠᠮᠢᠭᠠ᠂ ᠬᠡᠵᠢᠶᠡ ᠴᠦ ᠪᠦᠳᠦᠬᠦ ᠦᠭᠡᠢ ᠶᠠᠭᠤᠮᠠᠨ ᠤ ᠳᠦᠯᠦᠭᠡ | ᠬᠠᠳᠠᠵᠦ ᠰᠠᠨᠠᠭᠠᠰᠢᠷᠠᠵᠦ ᠶᠠᠪᠣᠬᠤ ᠪᠠᠰᠠ ᠨᠢᠭᠡᠨ ᠵᠢᠷᠭᠠᠯ ᠪᠠᠶᠢᠨᠠ᠃ | ᠡᠳᠦᠷ ᠰᠦᠨᠢ ᠦᠭᠡᠢ ᠣᠨᠳᠠᠳᠠᠭ ᠵᠢᠷᠭᠠᠯ | ᠦᠷᠯᠦᠭᠡ ᠦᠳᠡᠰᠢ ᠦᠭᠡᠢ ᠰᠣᠭᠳᠣᠳᠠᠭ ᠵᠢᠷᠭᠠᠯ | ᠦᠪᠡᠷ ᠢ ᠪᠠᠨ ᠬᠠᠭᠤᠷᠳᠠᠭ ᠵᠢᠷᠭᠠᠯ᠂ ᠦᠷᠦᠬᠡᠯ ᠢ ᠱᠣᠯᠣᠳᠠᠭ ᠵᠢᠷᠭᠠᠯ | ᠦᠴᠢᠨᠡᠨ ᠳᠦᠴᠢᠨᠡᠨ ᠵᠢᠷᠭᠠᠯ᠂᠂᠂᠂ | ᠬᠦᠢᠳᠡᠨ ᠵᠢᠷᠭᠠᠯ᠂ ᠬᠠᠯᠠᠭᠤᠨ ᠵᠢᠷᠭᠠᠯ | ᠬᠦᠰᠡᠮᠡᠷ ᠵᠢᠷᠭᠠᠯ᠂ ᠬᠦᠰᠡᠮᠡᠷ ᠦᠭᠡᠢ ᠵᠢᠷᠭᠠᠯ | ᠬᠦᠮᠦᠨ ᠪᠠᠶᠢᠳᠠᠯᠠ ᠪᠠᠨ ᠮᠠᠯ ᠰᠢᠭ᠋ ᠶᠠᠪᠣᠬᠤ ᠵᠢᠷᠭᠠᠯ | ᠠᠶᠠ᠂ ᠵᠢᠷᠭᠠᠯ ᠶᠠᠭᠤᠳᠠᠢ ᠣᠯᠠᠨ ᠪᠣᠢ︖ | ᠡᠨᠡ ᠣᠯᠠᠨ ᠵᠢᠷᠭᠠᠯ ᠢ | ᠡᠳ᠋ᠯᠡᠬᠦ ᠬᠡᠵᠦ ᠬᠦᠰᠡᠵᠦ ᠶᠠᠪᠣᠭᠠ ᠬᠦᠮᠦᠨ ᠴᠦᠮ ᠵᠢᠷᠭᠠᠯᠳᠠᠢ᠃ | ᠡᠳ᠋ᠯᠡᠭᠡᠳ ᠬᠠᠨᠣᠭᠰᠠᠨ ᠬᠦᠮᠦᠨ ᠪᠦᠬᠦᠨ ᠵᠣᠪᠠᠯᠠᠩᠳᠠᠢ | ᠡᠴᠣᠰ ᠲᠡᠭᠡᠨ ᠵᠣᠪᠠᠯᠠᠩ ᠦᠭᠡᠢ ᠵᠢᠷᠭᠠᠯ ᠬᠤᠷᠸᠠ ᠳᠤ ᠪᠠᠶᠢᠭᠰᠠᠨ ᠦᠭᠡᠢ᠃ | 1977.10.5 |