| | ᠮᠤᠩᠭᠤᠯᠴᠤᠳ ᠤᠨ ᠪᠦᠬᠡ ᠪᠠᠷᠢᠯᠳᠤᠬᠤ ᠨᠠᠭᠠᠳᠤᠮ ᠪᠠᠷᠤᠭ ᠤᠪᠤᠭ ᠲᠦᠷᠦᠯ ᠤᠨ ᠨᠡᠶᠢᠭᠡᠮ ᠤᠨ ᠦᠶᠡ ᠳᠤ | ᠡᠭᠦᠰᠴᠤ ᠬᠦᠭᠵᠢᠵᠠᠢ᠃ ᠤᠴᠢᠷ ᠨᠢ ᠳᠡᠷᠡ ᠦᠶᠡ ᠳᠤ ᠬᠦᠮᠦᠰ ᠭᠤᠤᠯᠳᠠᠭᠤ ᠠᠩᠨᠠᠬᠤ ᠠᠵᠤ ᠠᠬᠤᠢ ᠳᠤ | ᠲᠦᠰᠢᠭᠯᠡᠨ᠂ ᠠᠷᠢᠶᠠᠳᠠᠨ ᠬᠦᠷᠦᠭᠡᠰᠤ ᠯᠦᠭᠡ ᠲᠡᠮᠡᠴᠡᠵᠤ᠂ ᠠᠮᠢ ᠵᠢᠭᠤᠳᠠᠭ ᠪᠠᠶᠢᠵᠠᠢ᠃ ᠵᠠᠷᠢᠮ ᠳᠠᠭᠠᠨ ᠤᠷᠤᠰᠢᠵᠤ | ᠲᠤᠭᠲᠠᠨᠢᠬᠤ ᠶᠢᠨ ᠲᠥᠯᠥᠭᠡ ᠤᠶᠢᠷᠠ ᠬᠠᠪᠢ ᠶᠢᠨ ᠪᠤᠰᠤᠳ ᠤᠪᠤᠭ ᠨᠤᠳᠤᠭ ᠤᠨ ᠬᠢᠨ ᠲᠠᠢ ᠲᠡᠮᠡᠴᠡᠳᠡᠭ᠃ | ᠢᠩᠬᠢᠵᠤ ᠵᠢᠭᠤᠷᠤᠯᠳᠤᠨ ᠲᠡᠮᠡᠴᠡᠯᠳᠦᠬᠦ ᠳᠤ ᠡᠷᠡ ᠶᠢᠨ ᠴᠢᠳᠠᠯ ᠳᠡᠩᠬᠡᠬᠡ᠂ ᠠᠷᠭᠠ ᠮᠡᠭᠡ ᠲᠤᠩ ᠴᠢᠬᠤᠯᠠ ᠲᠠᠢ | ᠲᠤᠯᠠ ᠪᠡᠶᠡ ᠪᠠᠷ ᠶᠡᠭᠡ ᠬᠦᠴᠦ ᠲᠠᠮᠢᠷ ᠰᠠᠶᠢᠳᠠᠢ ᠡᠷᠡᠴᠤᠳ ᠢ ᠰᠢᠯᠢᠵᠤ ᠪᠤᠯᠪᠠᠰᠤᠷᠠᠭᠤᠯᠤᠨ ᠰᠤᠷᠢᠬᠤ ᠶᠠᠪᠤᠳᠠᠯ | ᠡᠭᠦᠰᠴᠠᠢ᠃ ᠬᠤᠵᠢᠮ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ ᠤ ᠬᠦᠭᠵᠢᠯᠳᠡ ᠠᠴᠠ ᠪᠤᠯᠵᠤ᠂ ᠠᠩᠨᠠᠬᠤ ᠠᠵᠤ ᠠᠬᠤᠢ ᠠᠴᠠ | ᠭᠠᠳᠠᠨᠠ ᠪᠠᠰᠠ ᠮᠠᠯ ᠠᠵᠤ ᠠᠬᠤᠢ ᠶᠢ ᠳᠠᠭᠠᠯᠳᠤᠭᠤᠯᠤᠨ ᠡᠵᠡᠩᠨᠡᠵᠤ ᠡᠬᠢᠯᠡᠭᠰᠡᠨ ᠠᠴᠠ ᠡᠮᠨᠢᠭ ᠦᠬᠡᠷ᠂ ᠮᠤᠷᠢ ᠶᠢ | ᠰᠤᠷᠭᠠᠨ ᠠᠷᠠᠴᠢᠯᠠᠬᠤ ᠳᠤ ᠡᠷᠡ ᠶᠢᠨ ᠬᠦᠴᠦ ᠲᠤᠷᠪᠢ ᠱᠠᠭᠠᠷᠳᠠᠭᠳᠠᠬᠤ ᠪᠤᠯᠪᠠ᠃ ᠡᠶᠢᠮᠤ ᠠᠴᠠ ᠨᠤᠴᠤᠯᠳᠤᠵᠤ | ᠪᠠᠷᠢᠯᠳᠤᠬᠤ ᠮᠡᠷᠭᠡᠵᠢᠯ ᠤᠪᠤᠭ ᠲᠦᠷᠦᠯ ᠤᠨ ᠦᠶᠡ ᠶᠢᠨ ᠡᠷᠡᠭᠳᠡᠢ ᠡᠮᠡᠭᠳᠡᠶᠢᠴᠤᠳ ᠤᠨ ᠵᠠᠪᠠᠯ ᠡᠵᠡᠮᠰᠢᠬᠦ ᠳᠠᠰᠬᠠᠯ | ᠪᠠᠶᠢᠭᠰᠡᠨ ᠪᠠ ᠠᠭᠠᠵᠢᠮ ᠢᠶᠠᠷ ᠪᠠᠰᠠ ᠤᠪᠤᠭ ᠲᠦᠷᠦᠯ ᠤᠨ ᠦᠶᠡ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠨᠢᠭᠡᠨ ᠴᠢᠬᠤᠯᠠ | ᠠᠭᠤᠯᠭᠠ ᠪᠤᠯᠪᠠ᠃ ᠰᠡᠭᠦᠯᠡᠷ ᠨᠡᠶᠢᠭᠡᠮ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ ᠨᠡᠩ ᠬᠦᠭᠵᠢᠵᠦ᠂ ᠠᠩᠬᠢ ᠪᠤᠢ | ᠪᠤᠯᠤᠭᠠᠳ᠂ ᠪᠠᠶᠠᠨ ᠶᠠᠳᠠᠭᠤ ᠤᠰᠤ ᠲᠤᠰᠤ ᠰᠢᠭ᠋ ᠢᠯᠭᠠᠷᠠᠭᠰᠡᠨ ᠪᠠ ᠤᠪᠤᠭ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠴᠤᠳ ᠨᠢ | ᠪᠤᠰᠤᠳ ᠤᠪᠤᠭ ᠠᠶᠢᠮᠠᠭ ᠤᠨ ᠠᠳᠤᠭᠤ ᠮᠠᠯ᠂ ᠨᠤᠳᠤᠭ ᠪᠡᠯᠴᠢᠭᠡᠷ᠂ ᠠᠩ ᠤᠨ ᠲᠠᠯᠠᠪᠠᠢ ᠶᠢ ᠨᠢ ᠪᠤᠯᠢᠶᠠᠨ | ᠳᠡᠭᠡᠷᠡᠮᠳᠡᠬᠦ ᠶᠢᠨ ᠲᠦᠯᠦᠭᠡ ᠳᠡᠶᠢᠨ ᠳᠡᠵᠢᠨ ᠡᠭᠦᠰᠭᠡᠵᠤ ᠡᠬᠢᠯᠡᠪᠡ᠃ ᠳᠡᠷᠡ ᠦᠶᠡᠰ ᠭᠤᠤᠯᠳᠠᠭᠤ ᠨᠤᠮᠤ ᠰᠤᠮᠤ᠂ | ᠪᠢᠯᠠᠭᠤ ᠰᠢᠳᠡᠮ᠂ ᠢᠯᠳᠤ ᠵᠢᠳᠡ ᠵᠡᠷᠭᠡ ᠪᠦᠳᠦᠭᠦᠯᠢᠭ ᠵᠠᠪᠰᠡᠭ ᠢ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠡᠨ ᠲᠤᠯᠠ ᠲᠠᠷᠢᠬᠢ ᠬᠤᠷᠴᠠ᠂ | ᠬᠦᠴᠦ ᠶᠡᠭᠡ᠂ ᠬᠦᠳᠡᠯᠭᠡᠭᠡᠨ ᠱᠠᠯᠠᠮᠠᠭᠠᠢ ᠪᠠᠶᠢᠬᠤ ᠬᠡᠷᠡᠭᠳᠠᠢ ᠪᠤᠯᠪᠠ᠃ ᠡᠶᠢᠮᠤ ᠠᠴᠠ ᠪᠦᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠨᠢ | ᠦᠢᠯᠡᠳᠪᠤᠷᠢᠯᠡᠯ ᠳᠤ ᠠᠰᠢᠭᠯᠠᠭᠳᠠᠵᠤ ᠪᠠᠶᠢᠭᠰᠡᠨ ᠠᠴᠠ ᠪᠠᠨ ᠴᠡᠷᠢᠭ ᠳᠠᠶᠢᠨ ᠳᠤ ᠦᠢᠯᠡᠴᠢᠯᠡᠬᠦ ᠠᠭᠤᠯᠭᠠ ᠲᠠᠢ | ᠪᠤᠯᠤᠨ ᠬᠦᠭᠵᠢᠵᠠᠢ᠃ ᠭᠡᠪᠡᠴᠤ ᠡᠷᠳᠡᠨ ᠤ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠡᠭᠦᠰᠦᠯᠳᠡ ᠨᠢ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠬᠦᠴᠦᠨ ᠤ ᠬᠦᠭᠵᠢᠯᠳᠡ ᠪᠠ ᠪᠤᠳᠠᠰ ᠤᠨ ᠠᠮᠢᠳᠤᠷᠠᠯ ᠤᠨ ᠪᠠᠶᠠᠯᠢᠭᠵᠢᠵᠤ ᠪᠠᠶᠢᠭᠠ ᠶᠢᠨ ᠰᠢᠨᠵᠢ ᠳᠡᠮᠳᠡᠭ ᠲᠤᠯᠠ | ᠡᠨᠡᠬᠦ ᠪᠤᠳᠠᠰ ᠤᠨ ᠠᠮᠢᠳᠤᠷᠠᠯ ᠤᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠪᠠᠶᠠᠯᠢᠭᠵᠢᠨ ᠬᠦᠭᠵᠢᠬᠦ᠋ᠢ ᠲᠠᠭᠠᠯᠳᠤᠨ ᠨᠠᠶᠢᠷ | ᠨᠠᠭᠠᠳᠤᠮ ᠢᠶᠠᠷ ᠭᠤᠤᠯᠯᠠᠭᠰᠡᠨ ᠰᠤᠶᠤᠯ ᠤᠨ ᠠᠮᠢᠳᠤᠷᠠᠯ ᠠᠭᠠᠵᠢᠮ ᠢᠶᠠᠷ ᠱᠠᠭᠠᠷᠳᠠᠭᠳᠠᠬᠤ ᠪᠤᠯᠤᠭᠰᠡᠨ ᠪᠢᠯᠡ᠃ | ᠡᠶᠢᠮᠦ ᠠᠴᠠ ᠬᠦᠮᠦᠰ ᠦᠢᠯᠡᠳᠪᠦᠷᠢᠯᠡᠯ᠂ ᠲᠡᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠵᠤᠷᠢᠭᠤᠯᠵᠤ ᠪᠠᠶᠢᠭᠰᠡᠨ ᠪᠦᠬᠡ ᠶᠢᠨ | ᠪᠠᠷᠢᠯᠳᠤᠭᠠᠨ ᠢᠶᠠᠨ ᠪᠠᠰᠠ ᠡᠩ ᠤᠨ ᠵᠤᠭᠠ ᠨᠠᠭᠠᠳᠤᠮ ᠳᠤ ᠤᠷᠤᠭᠤᠯᠤᠨ ᠠᠰᠢᠬᠯᠠᠬᠤ ᠪᠤᠯᠤᠭᠰᠡᠨ ᠪᠠᠶᠢᠨᠠ᠃ | |