| | | | | | ᠨᠠᠯᠠᠭᠠᠷ ᠨᠠᠮᠤᠷ ᠤᠨ ᠨᠠᠪᠴᠢᠰ ᠪᠦᠵᠢᠭᠯᠡᠭᠰᠡᠨ | ᠨᠠᠰᠤᠨ ᠤ ᠨᠠᠮᠤᠷ ᠤᠨ ᠤᠳᠤᠳ ᠮᠦᠰᠢᠶᠡᠯᠵᠡᠭᠰᠡᠨ | ᠨᠤᠳᠤᠭ ᠤᠨ ᠨᠠᠮᠤᠷ ᠤᠨ ᠬᠤᠷᠢᠶᠠᠯᠳᠠ ᠬᠠᠩᠬᠢᠨᠠᠬᠰᠠᠨ | ᠨᠠᠶᠢᠷᠠᠭ ᠤᠨ ᠨᠠᠮᠤᠷ ᠤᠨ ᠰᠢᠯᠦᠭ ᠰᠤᠪᠤᠷᠠᠬᠰᠠᠨ | | | ᠲᠠᠷᠬᠠᠨ ᠨᠤᠳᠤᠭ ᠤᠨ ᠬᠤᠯᠠ ᠶᠢᠨ ᠲᠡᠷᠭᠡᠯ ᠬᠦᠳᠡᠭᠡ ᠪᠠᠷ ᠬᠤᠨᠤᠭ ᠠᠪᠴᠤ ᠭᠡᠳᠦᠨ ᠡᠳᠦᠷ | ᠵᠢᠭᠤᠯᠴᠢᠯᠠᠬᠤ ᠳᠠᠭᠠᠨ ᠬᠤᠷᠴᠢᠨ ᠲᠦᠮᠡᠨ ᠤ ᠪᠠᠨ ᠭᠡᠶᠢᠮᠦᠷᠢ ᠶᠢ ᠬᠤᠷᠦ᠋ᠢᠯᠠᠵᠤ᠂ ᠬᠤᠪᠳᠤᠭ ᠨᠤᠶᠠᠳ ᠤᠨ | ᠰᠦᠨᠡᠰᠤ ᠶᠢ ᠰᠠᠷᠨᠢᠭᠤᠯᠵᠤ᠂ ᠬᠤᠰᠢᠭᠤ ᠨᠤᠳᠤᠭ ᠤᠨ ᠭᠠᠵᠠᠷ ᠰᠢᠷᠤᠢ ᠶᠢ ᠬᠠᠮᠠᠭᠠᠯᠠᠵᠤ᠂ ᠬᠦᠮᠦᠨ ᠠᠷᠠᠳ ᠢᠶᠠᠨ | ᠬᠦᠷᠦᠩᠭᠡ ᠲᠠᠢ ᠤᠨᠳᠤᠷᠤᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠠᠳᠠᠭᠠᠳᠠᠨ ᠲᠠᠶᠢᠰᠤᠨ ᠲᠠᠢ ᠠᠪᠤᠨ ᠲᠡᠮᠡᠴᠡᠵᠤ ᠠᠯᠳᠠᠨ ᠠᠮᠢ ᠪᠠᠨ | ᠦᠷᠡᠭᠳᠡᠬᠦᠯᠦᠭᠰᠡᠨ ᠦᠨᠳᠤᠰᠤᠳᠠᠨ ᠤ ᠪᠠᠭᠠᠳᠤᠷ ᠭᠠᠳᠠ ᠮᠡᠶᠢᠷᠡᠨ ᠤ ᠲᠤᠬᠠᠢ ᠨᠤᠳᠤᠭ ᠤᠨ ᠬᠦᠮᠦᠰ ᠠᠴᠠ | ᠰᠤᠷᠪᠤᠯᠵᠢᠯᠠᠵᠤ ᠶᠠᠪᠤᠬᠰᠠᠨ᠃ | | | ᠤᠷᠢᠳᠤ ᠵᠦᠭ ᠠᠴᠠ ᠨᠢᠰᠤᠭᠡᠳ ᠢᠷᠡᠬᠦ | ᠤᠯᠠᠭᠠᠨ ᠭᠠᠯᠠᠭᠤᠨ ᠤ ᠵᠤᠯᠵᠠᠭᠠ ᠡ ᠬᠦᠢ | ᠤᠷᠳᠤ ᠶᠡᠭᠡ ᠰᠢᠷᠠᠮᠦ᠋ᠷᠡᠨ ᠳᠡᠭᠡᠨ | ᠰᠠᠭᠤᠬᠤ ᠦᠭᠡᠢ ᠪᠠᠷ ᠨᠢᠰᠦᠨᠡ ᠳ᠋ᠠ ᠬᠦᠢ | ᠤᠷᠪᠠᠭᠠᠳ ᠭᠠᠷᠤᠬᠰᠠᠨ ᠭᠠᠳᠠ ᠮᠡᠶᠢᠷᠡᠨ ᠤ | ᠤᠴᠢᠷ ᠶᠠᠪᠤᠳᠠᠯ ᠢ ᠨᠢ ᠭᠡᠯᠡᠪᠡᠯ ᠡ ᠬᠦᠢ | ᠦᠷᠭᠡᠨ ᠤᠯᠠᠨ ᠮᠤᠩᠭᠤᠯᠴᠤᠳ ᠤᠨ | | | ᠭᠠᠵᠠᠷ ᠰᠢᠷᠤᠢ ᠶᠢᠨ ᠲᠦᠯᠦᠭᠡ ᠶᠤᠮ ᠡ ᠬᠦᠢ ᠭᠡᠵᠤ ᠲᠠᠷᠬᠠᠨ ᠨᠤᠳᠤᠭ ᠠᠴᠠ ᠪᠦᠬᠦ ᠦᠪᠦᠷ ᠮᠤᠩᠭᠤᠯ᠂ | ᠦᠪᠦᠷ ᠮᠤᠩᠭᠤᠯ ᠠᠴᠠ ᠲᠤᠮᠳᠠᠳᠤ ᠶᠢᠨ ᠪᠦᠬᠦ ᠨᠤᠳᠤᠭ ᠲᠡᠪᠢᠰᠭᠡᠷ ᠲᠤ ᠴᠤᠤᠷᠢᠶᠠᠳᠤᠬᠰᠠᠭᠠᠷ ᠢᠷᠡᠭᠰᠡᠨ ᠡᠨᠡ | ᠲᠠᠭᠤᠤ ᠶᠢ 1932 ᠤᠨ ᠳᠤ ᠮᠦᠳᠠᠨ ᠦᠪᠡᠷ ᠤᠨ ᠡᠷᠡ ᠨᠦᠬᠦᠷ ᠭᠠᠳᠠ ᠮᠡᠶᠢᠷᠡᠨ ᠢᠶᠠᠨ ᠦᠨᠢ ᠮᠦᠩᠭᠡ | ᠲᠤᠷᠠᠰᠴᠤ ᠶᠠᠪᠤᠬᠤ ᠶᠢᠨ ᠲᠦᠯᠦᠭᠡ ᠱᠧᠪᠡᠷᠳᠤ ᠶᠢᠨ ᠰᠠᠩᠵᠠᠢ ᠬᠤᠭᠤᠷᠴᠢ ᠳᠤ ᠪᠠᠷᠢᠴᠠ ᠡᠷᠬᠦᠵᠤ ᠵᠤᠬᠢᠶᠠᠯᠭᠠᠬᠰᠠᠨ | ᠭᠡᠳᠡᠭ᠃ ᠬᠤᠵᠢᠮ ᠨᠢ ᠰᠠᠩᠵᠠᠢ ᠶᠢᠨ ᠱᠠᠪᠢ ᠬᠦᠨᠢᠶᠠᠩ ᠵᠠᠰᠠᠪᠤᠷᠢ ᠤᠷᠤᠭᠤᠯᠤᠬᠰᠠᠨ᠂ ᠲᠠᠬᠢᠨ ᠮᠤᠳᠤᠨ ᠠᠶᠢᠯ ᠤᠨ | ᠲᠢᠶᠧ ᠵᠤ᠋ ᠬᠤᠭᠤᠷᠴᠢ᠂ ᠱᠧᠪᠡᠷᠳᠤ ᠶᠢᠨ ᠵᠤᠤ ᠵᠢᠶᠠ ᠶᠤᠤ ᠠᠶᠢᠯ ᠤᠨ ᠪᠤᠶᠠᠨ ᠡᠷᠳᠡᠨᠢ ᠬᠤᠭᠤᠷᠴᠢ ᠠᠴᠠ ᠵᠠᠰᠠᠪᠤᠷᠢ | ᠤᠷᠤᠭᠤᠯᠤᠬᠰᠠᠨ ᠭᠡᠨᠡ᠃ ᠡᠮᠡᠭᠳᠠᠢ ᠠᠶᠠᠯᠭᠤ ᠵᠤᠬᠢᠶᠠᠬᠴᠢ ᠰᠢᠨ ᠬᠤ᠋ ᠭᠤᠸᠠᠩ ᠠᠶᠠ ᠲᠠᠭᠠᠷᠠᠭᠤᠯᠤᠬᠰᠠᠨ ᠪᠠᠶᠢᠨᠠ | ᠃ | ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠬᠤᠸᠠᠬᠤᠰᠢᠭᠤ ᠰᠤᠮᠤ ᠶᠢᠨ ᠲᠠᠪᠤᠨ ᠭᠡᠷ ᠠᠶᠢᠯ ᠤᠨ ᠡᠪᠦᠭᠡᠳ ᠨᠠᠰᠤᠳᠠᠶᠢᠴᠤᠳ ᠤᠨ | ᠭᠡᠯᠡᠬᠦ ᠪᠠᠷ ᠭᠠᠳᠠ ᠮᠡᠶᠢᠷᠡᠨ ᠪᠤᠯ ᠬᠠᠷᠠᠪᠠᠷᠰ ᠠᠭᠤᠯᠠ ᠶᠢᠨ ᠬᠤᠷᠮᠤᠢ ᠳᠠᠬᠢ ᠴᠠᠶᠢᠬᠠ ᠶᠢᠨ ᠲᠠᠯᠠ ᠶᠢᠨ ᠵᠠᠮ ᠤᠨ | ᠲᠤᠬᠤᠢ ᠠᠶᠢᠯ ᠤᠳᠤ ᠶᠢᠨ ᠬᠢᠷᠢᠨ ᠮᠤᠵᠢ ᠶᠢᠨ ᠱᠤᠸᠠᠩ ᠯᠢᠶᠤᠤ ᠬᠤᠳᠠ ᠶᠢᠨ ᠮᠤᠤ ᠯᠢᠨ ᠪᠠᠯᠭᠠᠰᠤᠨ ᠤ ᠳ᠋ᠦᠩ | ᠰᠢᠨ ᠳ᠋ᠢᠶᠠᠨ ᠤ ᠴᠢᠨᠡᠭᠡᠯᠢᠭ ᠲᠠᠷᠢᠶᠠᠴᠢᠨ ᠢᠳᠡᠷ ᠠᠷᠰᠯᠠᠨ ᠪᠤᠯᠤᠨ ᠶᠢᠨ ᠮᠸᠢ ᠶᠢᠨ ᠤᠳᠬᠤᠨ ᠬᠦᠪᠡᠬᠦᠨ ᠨᠢ ᠪᠤᠯᠵᠤ | 1893 ᠤᠨ ᠳᠤ ᠵᠠᠶᠠᠭᠠᠵᠠᠢ᠃ | ᠭᠠᠳᠠ ᠮᠡᠶᠢᠷᠡᠨ ᠮᠦᠯᠳᠡᠳᠤ ᠤᠪᠤᠬᠳᠠᠢ᠃ ᠬᠢᠳᠠᠳ ᠢᠶᠠᠷ ᠮᠧᠩ ᠭᠡᠳᠡᠭ᠃ ᠡᠪᠦᠭᠡ ᠲᠡᠭᠡᠳᠤᠰ ᠤᠨ ᠬᠢᠨᠢ | ᠦᠶᠡ ᠳᠤ ᠴᠢᠨᠡᠭᠡᠯᠢᠭ ᠪᠠᠶᠠᠨ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠡᠴᠢᠭᠡ ᠢᠳᠡᠷ ᠠᠷᠰᠯᠠᠨ ᠪᠤᠯᠤᠨ ᠠᠪᠠᠭᠠ ᠰᠠᠶᠢᠨᠪᠦᠶᠠᠨ ᠤ | ᠦᠶᠡ ᠳᠤ ᠬᠦᠷᠴᠤ ᠢᠷᠡᠭᠡᠳ ᠬᠠᠷᠠ ᠲᠠᠮᠠᠬᠢ ᠲᠠᠳᠠᠬᠰᠠᠨ ᠠᠴᠠ ᠠᠮᠢᠳᠤᠷᠠᠯ ᠨᠢ ᠲᠤᠷᠦ᠋ᠢᠳᠠᠵᠠᠢ᠃ ᠢᠳᠡᠷ ᠠᠷᠰᠯᠠᠨ | ᠲᠦᠷᠪᠡᠨ ᠬᠦᠤ ᠲᠠᠢ᠃ ᠶᠡᠭᠡ ᠬᠦᠤ ᠨᠢ ᠲᠠᠷᠵᠢ ᠭᠡᠵᠤ ᠭᠡᠦᠭᠡᠳ ᠦᠭᠡᠢ᠂ ᠬᠤᠶᠠᠳᠤᠭᠠᠷ ᠬᠦᠤ ᠵᠤᠷᠤᠯᠠᠮᠠ ᠨᠢ | ᠬᠤᠶᠠᠷ ᠡᠭᠡᠨᠡᠷ ᠠᠪᠴᠠᠢ᠃ ᠮᠤᠩᠭᠤᠯ ᠡᠭᠡᠨᠡᠷ ᠠᠴᠠ ᠨᠢ ᠪᠠᠭᠠ ᠲᠡᠬᠦᠤ᠂ ᠪᠠᠶᠠᠰᠬᠤᠯᠠᠩ᠂ ᠠᠮᠤᠷᠯᠢᠩᠭᠤᠢ ᠭᠡᠬᠦ | ᠭᠤᠷᠪᠠᠨ ᠬᠦᠤ ᠲᠠᠢ᠂ ᠬᠢᠳᠠᠳ ᠡᠭᠡᠨᠡᠷ ᠠᠴᠠ ᠨᠢ ᠮᠧᠩ ᠪᠤᠤ ᠡᠧ᠂ ᠮᠧᠩ ᠪᠤᠤ ᠵᠢᠢ ᠭᠡᠬᠦ ᠬᠤᠶᠠᠷ ᠦᠭᠢᠨ ᠪᠠ | ᠮᠧᠩ ᠪᠤᠤ ᠰᠢᠶᠠᠩ ᠭᠡᠬᠦ ᠨᠢᠭᠡ ᠬᠦᠤ ᠲᠠᠢ᠂ ᠭᠤᠷᠪᠠᠳᠤᠭᠠᠷ ᠬᠦᠤ ᠠᠯᠮᠠᠰ ᠠᠴᠠ ᠭᠤᠷᠪᠠᠨ ᠦᠬᠢᠨ ᠲᠠᠢ᠂ | ᠲᠦᠷᠪᠡᠳᠦᠭᠡᠷ ᠬᠦᠤ ᠨᠠᠳᠮᠢᠳ ᠲᠠᠷᠤᠢ ᠭᠠᠳᠠ ᠮᠡᠶᠢᠷᠡᠨ᠂ ᠬᠢᠳᠠᠳ ᠨᠡᠷᠡ ᠨᠢ ᠮᠧᠩ ᠶᠧᠰᠢ᠂ ᠮᠧᠩ ᠴᠢᠩ ᠱᠠᠨ | ᠭᠡᠵᠤ ᠬᠤᠶᠠᠷ ᠡᠭᠡᠨᠡᠷ ᠠᠪᠴᠠᠢ᠃ 1916 ᠤᠨ ᠳᠤ ᠪᠠᠷᠠᠭᠤᠨ ᠶᠢᠰᠦᠨ ᠭᠡᠷ ᠤᠨ ᠲᠠᠶᠢᠵᠢ ᠶᠢᠨ ᠦᠬᠢᠨ ᠦᠷ ᠤᠨ | ᠵᠤᠯᠠ ᠲᠠᠢ ᠬᠤᠷᠢᠮᠯᠠᠵᠤ᠂ 1922 ᠤᠨ ᠳᠤ ᠦᠷ ᠤᠨ ᠵᠤᠯᠠ ᠪᠡᠷᠭᠡ ᠬᠦᠩᠭᠡᠵᠢᠯᠳᠠ ᠠᠴᠠ ᠪᠤᠯᠵᠤ ᠨᠠᠰᠤ ᠪᠠᠷᠠᠪᠠ᠃ | 1924 ᠤᠨ ᠳᠤ ᠵᠡᠬᠦᠨ ᠬᠤᠳᠠᠨ ᠲᠠᠯᠠ ᠶᠢᠨ ᠲᠠᠶᠢᠵᠢ ᠷᠢᠨᠴᠢᠨ ᠳ᠋ᠠ ᠶᠢᠨ ᠦᠬᠢᠨ ᠮᠦᠳᠡᠨ ᠲᠠᠢ ᠬᠤᠷᠢᠮᠯᠠᠵᠤ᠂ | 1925 ᠤᠨ ᠳᠤ ᠨᠢᠭᠡᠨ ᠦᠬᠢᠨ ᠲᠠᠢ ᠪᠤᠯᠵᠤ᠂ ᠲᠢᠶᠠᠨ ᠵᠢᠢ ᠯᠢᠶᠠᠩ ᠭᠡᠵᠤ ᠨᠡᠷᠡᠯᠡᠨ᠂ 1929 ᠤᠨ ᠳᠤ | ᠡᠪᠡᠳᠴᠢᠨ ᠢᠶᠠᠷ ᠦᠬᠦᠪᠡ᠃ 1930 ᠤᠨ ᠳᠤ ᠨᠢᠭᠡ ᠬᠦᠤ ᠲᠠᠢ ᠪᠤᠯᠤᠭᠠᠳ ᠰᠠᠷᠠ ᠲᠦᠬᠦᠷᠦᠭᠰᠡᠨ ᠦᠭᠡᠢ ᠪᠠᠷ | ᠦᠬᠦᠪᠡ᠃ ᠮᠦᠳᠠᠨ ᠨᠢᠭᠡ ᠬᠦᠤ ᠠᠮᠤᠷᠯᠢᠩᠭᠤᠢ᠂ ᠨᠢᠭᠡ ᠦᠬᠢᠨ ᠶᠠᠲᠸᠤ ᠶᠢ ᠦᠷᠡᠴᠢᠯᠠᠵᠠᠢ᠃ | ᠲᠠᠷᠬᠠᠨ ᠬᠤᠰᠢᠭᠤ ᠲᠠᠶᠠᠭᠠᠷ ᠠᠳᠠᠷ ᠲᠠᠯᠪᠢᠬᠤ ᠦᠢᠮᠡᠭᠡᠨ ᠲᠡᠭᠳᠡᠵᠤ ᠬᠦᠮᠦᠨ ᠠᠷᠠᠳ ᠨᠢ ᠬᠦᠯ | ᠲᠤᠬᠳᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠬᠤ ᠳᠠᠭᠠᠨ ᠪᠠᠷᠠᠭᠤᠨᠰᠢ ᠨᠡᠬᠦᠳᠡᠯᠯᠡᠪᠡ᠃ ᠭᠠᠳᠠ ᠮᠡᠶᠢᠷᠡᠨ ᠤ ᠬᠢᠨ ᠴᠦ ᠮᠠᠨᠳᠠᠷᠬᠠ | ᠠᠶᠢᠯ᠂ ᠶᠢᠰᠦᠨ ᠭᠡᠷ᠂ ᠤᠷᠤᠢ ᠮᠤᠳᠤᠨ ᠠᠶᠢᠯ᠂ ᠲᠠᠮᠤ ᠵᠠᠯᠠᠨ ᠠᠶᠢᠯ ᠢᠶᠠᠷ ᠨᠤᠳᠤᠬᠯᠠᠵᠤ ᠦᠩᠭᠡᠷᠡᠪᠡ᠃ | ᠭᠠᠳᠠ ᠮᠡᠶᠢᠷᠡᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠬᠤᠷᠴᠠ ᠰᠡᠷᠬᠦᠯᠡᠩ᠂ ᠰᠦᠰᠦ ᠵᠤᠷᠢᠬᠳᠠᠢ᠂ ᠴᠢᠷᠮᠠᠶᠢᠯᠳᠠ | ᠰᠠᠶᠢᠳᠠᠢ ᠭᠡᠦᠭᠡᠳ ᠪᠤᠯᠬᠤ ᠶᠢ ᠬᠦᠷᠭᠡᠨ ᠠᠬᠠ ᠨᠢ ᠲᠠᠷᠢ ᠮᠡᠶᠢᠷᠡᠨ ᠦᠵᠡᠵᠤ ᠭᠠᠷᠤᠭᠠᠳ ᠬᠠᠪᠤᠩ ᠨᠤᠶᠠᠨ ᠳᠤ | ᠭᠤᠴᠤᠭ ᠱᠠᠪᠢ ᠪᠠᠷ ᠦᠭᠴᠤ ᠮᠤᠩᠭᠤᠯ ᠬᠢᠳᠠᠳ ᠪᠢᠴᠢᠭ ᠢ ᠨᠡᠪᠳᠡᠷᠭᠡᠢ ᠰᠠᠶᠢᠨ ᠡᠵᠡᠮᠰᠢᠬᠦᠯᠵᠠᠢ᠃ ᠬᠦᠷᠭᠡᠨ | ᠠᠬᠠ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ ᠪᠠᠷ ᠭᠠᠳᠠ ᠮᠡᠶᠢᠷᠡᠨ ᠬᠤᠰᠢᠭᠤᠨ ᠤ ᠠᠯᠳᠠᠷᠴᠤᠬᠳᠤ ᠮᠡᠶᠢᠷᠡᠨ ᠳᠤ ᠲᠤᠭᠤᠬᠳᠠᠵᠤ | ᠡᠷᠬᠦᠭᠳᠡᠨ ᠮᠡᠶᠢᠷᠡᠨ ᠵᠡᠷᠭᠡ ᠶᠢ ᠨᠢ ᠵᠠᠯᠭᠠᠮᠵᠢᠯᠠᠵᠠᠢ᠃ ᠲᠠᠮᠡᠢ ᠤᠳᠠᠬᠰᠠᠨ ᠦᠭᠡᠢ ᠶᠤᠯᠤᠮᠤᠳᠤ ᠶᠢᠨ ᠵᠡᠬᠦᠨᠳᠠᠢ ᠬᠠᠷᠠᠴᠤ | ᠠᠷᠠᠳ ᠲᠤᠷᠵᠢ ᠶᠢᠨ ᠬᠠᠳᠤᠯᠠᠩ ᠤᠨ ᠪᠡᠯᠴᠢᠭᠡᠷ ᠢ ᠸᠠᠩ ᠤᠨ ᠠᠪᠠᠭᠠ ᠰᠠᠶᠢᠰᠢᠩᠭᠠ ᠪᠤᠯᠢᠶᠠᠬᠰᠠᠨ ᠳᠤ ᠭᠠᠳᠠ | ᠮᠡᠶᠢᠷᠡᠨ ᠠᠭᠤᠷᠯᠠᠨ ᠫᠤᠤ ᠭᠠᠷᠭᠠᠵᠤ ᠫᠤᠤᠳᠠᠬᠰᠠᠨ᠂ ᠴᠠᠶᠢᠳᠤᠷ ᠬᠦᠩ ᠤᠨ ᠲᠡᠬᠦᠤ ᠨᠠᠮᠠᠬᠠᠢ ᠳ᠋ᠠ ᠯᠠᠮᠠ ᠬᠠᠷᠠᠴᠤ | ᠠᠷᠠᠳ ᠭᠧᠪᠡᠷᠠᠰᠢ ᠶᠢᠨ ᠬᠠᠳᠤᠬᠰᠠᠨ ᠡᠪᠡᠰᠤ ᠶᠢ ᠪᠤᠯᠢᠶᠠᠬᠰᠠᠨ ᠢ ᠰᠢᠳᠭᠡᠭᠰᠡᠨ᠂ ᠮᠤᠳᠤᠨ ᠲᠡᠭᠡᠷᠡ ᠲᠡᠬᠦᠵᠢᠯᠡᠵᠤ | ᠪᠤᠭᠤᠵᠤ ᠦᠬᠦᠬᠦ ᠭᠡᠵᠤ ᠪᠠᠶᠢᠬᠰᠠᠨ ᠺᠦᠩ ᠰᠢᠶᠠᠩ ᠢ ᠲᠤᠰᠠᠯᠠᠵᠤ ︽ᠬᠤᠶᠢᠱᠠ︾ ᠴᠡᠷᠢᠭ ᠢ ᠬᠦᠭᠡᠭᠡᠭᠰᠡᠨ᠂ ᠴᠡᠷᠢᠭ | ᠲᠡᠵᠢᠭᠡᠵᠤ ᠪᠠᠶᠢᠬᠰᠠᠨ ᠪᠠᠭᠠᠷᠢᠨ ᠲᠠᠷᠢᠶᠠᠨ ᠤ ᠠᠳᠠᠷ ᠤᠨ ᠵᠢᠷᠠᠨ ᠹᠠᠩ ᠤᠨ ᠭᠠᠵᠠᠷ ᠢ ᠹᠦᠵᠢᠨ ᠭᠤᠷᠢᠯᠠᠬᠰᠠᠨ ᠳᠤ | ᠰᠠᠨᠠᠭᠠ ᠶᠢ ᠨᠢ ᠲᠠᠰᠤᠯᠤᠬᠰᠠᠨ᠂ ᠲᠠᠷᠢᠶᠠᠴᠢᠨ ᠠᠷᠠᠳ ᠸᠠᠩ ᠴᠦᠨ ᠤ ᠪᠤᠷᠳᠤᠭᠠᠨ ᠭᠠᠭ᠋ᠠᠢ ᠶᠢ ︽ᠬᠤᠶᠢᠱᠠ︾ | ᠴᠡᠷᠢᠭ ᠫᠤᠤᠳᠠᠵᠤ ᠠᠯᠠᠭᠠᠳ ᠠᠪᠤᠭᠠᠳ ᠶᠠᠪᠤᠬᠰᠠᠨ᠂ ᠲᠠᠷᠬᠠᠨ ᠸᠠᠩ ᠤᠨ ᠡᠭᠡᠨᠡᠷ ᠨᠢ ᠦᠬᠦᠭᠰᠡᠨ ᠳᠤ ᠵᠠᠩ ᠽᠦᠸᠧ | ᠯᠢᠨ ᠵᠠᠪᠰᠢᠶᠠᠨ ᠢ ᠲᠠᠯᠢᠮᠳᠠᠭᠤᠯᠤᠨ ᠮᠠᠨᠵᠤ ᠦᠬᠢᠨ ᠵᠤ᠋ ᠪᠦᠸᠧ ᠷᠥ᠋ ᠶᠢ ᠬᠠᠳᠤᠨ ᠪᠤᠯᠭᠠᠨ ᠦᠭᠴᠤ ᠭᠤᠶᠤ ᠰᠠᠶᠢᠬᠠᠨ | ᠤᠷᠳᠤ ᠬᠠᠷᠰᠢ ᠪᠠᠶᠢᠭᠤᠯᠵᠤ ᠦᠭᠬᠦᠭᠡᠳ ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠭᠠᠵᠠᠷ ᠢ ᠠᠳᠠᠷ ᠲᠠᠯᠪᠢᠭᠤᠯᠤᠨ ᠲᠠᠷᠬᠠᠨ | ᠮᠤᠩᠭᠤᠯᠴᠤᠳ ᠢ ᠠᠮᠢᠳᠤᠷᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠮᠤᠬᠤᠷᠳᠠᠯ ᠤᠨ ᠵᠠᠮ ᠳᠤ ᠤᠷᠤᠭᠤᠯᠤᠬᠰᠠᠨ ᠲᠤᠯᠠ ᠭᠠᠳᠠ | ᠮᠡᠶᠢᠷᠡᠨ᠂ ᠬᠠᠨ ᠰᠡᠩᠭᠡᠭᠠᠷᠪᠤ᠂ ᠵᠤᠤ ᠰᠸᠧᠠᠩ᠂ ᠵᠠᠩ ᠰᠡᠷᠡᠩᠨᠢᠮᠠ ᠨᠠᠷ ᠲᠠᠢ ︽ᠵᠢᠷᠠᠨ ᠡᠪᠦᠭᠡᠨ︾ ᠤ ᠪᠦᠯᠬᠦᠮ ᠢ | ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ ︽ᠲᠦᠮᠡᠨ ᠬᠦᠮᠦᠨ ᠤ ᠨᠡᠷᠡ ᠲᠠᠢ ᠲᠦᠬᠦᠷᠢᠭ ᠪᠢᠴᠢᠭ︾ ᠢ ᠲᠡᠪᠡᠷᠢᠨ ᠮᠦᠭᠳᠡᠨ ᠳᠤ | ᠵᠠᠭᠠᠯᠳᠤᠬᠰᠠᠨ ᠳᠤ ᠬᠠᠷᠠ ᠴᠠᠭᠠᠨ ᠢ ᠢᠯᠭᠠᠬᠤ ᠦᠭᠡᠢ ᠵᠦᠪ ᠪᠤᠷᠤᠭᠤ ᠶᠢ ᠴᠠᠭᠠᠳᠬᠠᠬᠤ ᠦᠭᠡᠢ ᠬᠠᠷᠢᠨ ᠵᠠᠭᠠᠯᠳᠤᠷᠠ | ᠢᠷᠡᠭᠰᠡᠳ ᠢ ᠬᠢᠨᠳᠠᠨ ᠳᠤ ᠬᠤᠷᠢᠪᠠ᠃ | ᠮᠦᠭᠳᠡᠨ ᠠᠴᠠ ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠬᠢᠨᠳᠠᠨ ᠳᠤ ᠬᠦᠷᠭᠡᠵᠤ ᠢᠷᠡᠭᠡᠳ ᠠᠯᠠᠬᠤ ᠪᠠᠷ ᠲᠦᠯᠦᠪᠯᠡᠵᠤ | ᠪᠠᠶᠢᠬᠤ ᠶᠢ ᠭᠠᠳᠠ ᠮᠡᠶᠢᠷᠡᠨ ᠤ ᠬᠠᠳᠤᠨ ᠮᠦᠳᠠᠨ ᠮᠡᠳᠡᠮᠡᠭᠴᠡ 1929 ᠤᠨ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 11 | ᠰᠠᠷᠠ ᠶᠢᠨ 13 ᠤ ᠰᠦᠨᠢ ᠶᠢᠨ 2 ᠴᠠᠭ ᠤᠨ ᠦᠶᠡ ᠪᠠᠷ ᠠᠮᠤᠷᠯᠢᠩᠭᠤᠢ᠂ ᠲᠤᠩᠷᠤᠪ᠂ ᠨᠤᠷᠪᠤ᠂ ᠡᠩᠭᠡᠪᠡᠶᠠᠷ᠂ ᠵᠤᠤ | ᠷᠠᠰᠢ᠂ ᠭᠠᠶ᠋ᠨ᠂ ᠰᠡᠷᠡᠩᠭᠡ ᠨᠠᠷ ᠢ ᠲᠠᠭᠠᠭᠤᠯᠤᠨ ᠪᠢᠴᠢᠭ ᠤᠨ ᠭᠡᠷ ᠤᠨ ᠬᠢᠨᠳᠠᠨ ᠢ ᠡᠪᠳᠡᠵᠤ ᠭᠠᠳᠠ ᠮᠡᠶᠢᠷᠡᠨ ᠢ | ᠭᠠᠷᠭᠠᠨ ᠠᠪᠴᠤ ᠱᠧᠪᠡᠷᠳᠤ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠵᠦᠭ ᠪᠤᠷᠤᠭᠤᠯᠠᠨ ᠲᠤᠳᠠᠭᠠᠪᠠ᠃ ᠲᠡᠭᠡᠭᠡᠳ ᠲᠡᠳᠡ | ᠪᠤᠰᠤᠯᠭᠠ ᠭᠠᠷᠭᠠᠨ ᠦᠷᠭᠡᠨ ᠤᠯᠠᠨ ᠲᠠᠷᠤᠯᠠᠬᠳᠠᠬᠰᠠᠳ ᠤᠨ ᠦᠰᠢᠶᠡ ᠶᠢ ᠨᠢ ᠠᠪᠴᠤ ᠦᠨᠡᠨ ᠴᠠᠭᠠᠨ ᠢ ᠨᠢ ᠢᠯᠭᠠᠨ | ᠦᠭᠴᠤ ᠬᠠᠷᠬᠢᠰ ᠭᠡᠷᠴᠡᠭᠡᠢ ᠨᠤᠶᠠᠳ ᠲᠦᠰᠢᠮᠡᠳ ᠢ ᠰᠢᠳᠭᠡᠨ᠂ ᠶᠠᠳᠠᠭᠤᠴᠤᠳ ᠤᠨ ᠦᠬᠢᠳ ᠡᠮᠡᠰ ᠤᠳ ᠢ | ᠲᠠᠷᠤᠯᠠᠬᠰᠠᠳ ᠢ ᠫᠤᠤᠳᠠᠨ ᠠᠯᠠᠵᠤ᠂ ᠭᠠᠵᠠᠷ ᠲᠠᠷᠢᠶᠠ ᠶᠢ ᠲᠡᠭᠡᠰᠦᠯᠡᠬᠦ ᠪᠠᠷ ᠢᠷᠡᠭᠰᠡᠳ ᠢ ᠴᠢᠩᠭᠠ ᠰᠢᠳᠭᠡᠨ | ᠶᠠᠪᠤᠬᠰᠠᠨ ᠠᠴᠠ ᠤᠯᠠᠨ ᠲᠦᠮᠡᠨ ᠤ ᠢᠳᠡᠭᠡᠯ ᠬᠦᠨᠳᠤ ᠶᠢ ᠤᠯᠤᠬᠰᠠᠨ ᠪᠠᠶᠢᠨᠠ᠃ ᠪᠤᠰᠤᠯᠭᠠ ᠶᠢᠨ ᠡᠩᠨᠡᠭᠡ ᠨᠢ | ᠪᠤᠵᠠᠭᠠᠶᠢᠷᠠᠨ 1400 ᠭᠠᠷᠤᠢ ᠬᠦᠮᠦᠨ ᠲᠠᠢ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ ᠪᠤᠰᠤᠯᠭᠠ ᠶᠢᠨ ᠤᠳᠤᠷᠢᠳᠤᠬᠴᠢ ᠭᠠᠳᠠ | ᠮᠡᠶᠢᠷᠡᠨ᠂ ᠭᠤᠮᠪᠤ ᠳ᠋ᠠ᠂ ᠪᠠᠢ ᠯᠦᠩ᠂ ᠬᠤᠩ ᠱᠦᠨ ᠨᠠᠷ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠬᠰᠠᠨ ᠪᠤᠰᠤᠯᠭᠠ ᠶᠢᠨ ᠴᠡᠷᠢᠭ | ᠢᠷᠭᠡᠨ ᠤ ᠵᠠᠰᠠᠭ ᠤᠨ ᠴᠡᠷᠢᠭ ᠲᠠᠢ ᠱᠧᠪᠡᠷᠳᠤ ᠶᠢᠨ ᠲᠠᠶᠢᠨ ᠬᠤᠸᠠᠳᠤᠭᠤᠯ ᠤᠨ ᠲᠠᠶᠢᠨ᠂ ᠵᠠᠮᠳᠤ ᠶᠢᠨ ᠲᠠᠶᠢᠨ᠂ | ᠤᠯᠠᠭᠠᠨᠬᠤᠳᠠ ᠶᠢᠨ ᠲᠠᠶᠢᠨ ᠳᠤ ᠬᠠᠭᠤᠴᠢᠨ ᠸᠠᠩ ᠬᠦᠩ ᠤᠨ ᠰᠦᠰᠦ ᠶᠢ ᠨᠢ ᠭᠡᠮᠭᠡᠷᠡᠬᠦᠯᠵᠤ ᠶᠠᠪᠤᠬᠰᠠᠨ᠃ | ᠠᠷᠭᠠ ᠪᠠᠨ ᠪᠠᠷᠠᠬᠰᠠᠨ ᠤᠷᠤᠨ ᠨᠤᠳᠤᠭ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠵᠡᠬᠦᠨ ᠬᠤᠶᠢᠳᠤ ᠶᠢᠨ ᠴᠡᠷᠢᠭ ᠵᠠᠰᠠᠭ ᠤᠨ | ᠡᠷᠭᠡᠳᠡᠨ ᠵᠠᠩ ᠰᠢᠤᠸᠠᠢ ᠯᠢᠶᠠᠩ ᠠᠴᠠ ᠲᠤᠰᠠᠯᠠᠮᠵᠢ ᠭᠤᠶᠤᠬᠰᠠᠨ ᠳᠤ ᠵᠠᠩ ᠰᠢᠤᠸᠠᠢ ᠯᠢᠶᠠᠩ ᠺᠠᠶᠢᠯᠤ ᠳᠤ ᠰᠠᠭᠤᠭᠠ | ᠼᠦᠢ ᠰᠢᠩ ᠡᠤ ᠶᠢᠨ 17 ᠳ᠋ᠤᠭᠠᠷ ᠯᠢᠦᠢ ᠶᠢᠨ 34 ᠳ᠋ᠦ᠋ᠭᠡᠷ ᠬᠤᠷᠢᠶᠠ ᠶᠢᠨ ᠯᠢ ᠱᠸᠤ ᠰᠢᠨ ᠤ ᠬᠤᠷᠢᠶᠠ ᠳᠤ | ᠨᠠᠶᠢᠳᠠᠬᠰᠠᠨ ᠪᠠᠶᠢᠳᠠᠭ᠃ ᠯᠢ ᠱᠸᠤ ᠰᠢᠨ ᠤ ᠵᠢᠯᠤᠭᠤᠳᠤᠬᠰᠠᠨ ᠴᠡᠷᠢᠭ ᠨᠢ ᠬᠦᠮᠦᠨ ᠤᠯᠠᠨ ᠬᠦᠴᠤ ᠶᠡᠭᠡ | ᠮᠦᠷᠳᠡᠭᠡᠨ ᠲᠡᠭᠡᠷᠡ ᠪᠠᠨ ᠪᠠᠰᠠ ᠲᠤᠰᠠᠯᠠᠬᠤ ᠴᠡᠷᠢᠭ ᠲᠠᠢ ᠪᠠᠶᠢᠳᠠᠭ᠃ ᠭᠠᠳᠠ ᠮᠡᠶᠢᠷᠡᠨ ᠤ ᠴᠡᠷᠢᠭ ᠨᠢ ᠵᠦᠪᠭᠡᠨ | ᠦᠭᠡᠶᠢᠬᠦᠤ ᠶᠠᠳᠠᠭᠤ ᠠᠷᠠᠳ ᠲᠦᠮᠡᠨ ᠠᠴᠠ ᠯᠡ ᠲᠤᠰᠠᠯᠠᠮᠵᠢ ᠤᠯᠳᠠᠭ ᠤᠴᠢᠷ ᠦᠨᠳᠡᠭᠡ ᠪᠠᠷ ᠬᠠᠳᠠ ᠶᠢ | ᠴᠤᠬᠢᠬᠰᠠᠨ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠭ᠃ ᠭᠠᠳᠠ ᠮᠡᠶᠢᠷᠡᠨ ᠤ ᠪᠤᠰᠤᠯᠭᠠ ᠶᠢᠨ ᠴᠡᠷᠢᠭ ᠢ ᠲᠦᠰᠢᠶᠡᠳᠤ ᠬᠤᠰᠢᠭᠤᠨ ᠤ | ᠲᠦᠯᠢᠶᠡᠮᠤᠳᠤ ᠶᠢᠨ ᠬᠠᠪᠴᠢᠯ ᠳᠤ ᠪᠦᠭᠬᠦᠨ ᠴᠤᠬᠢᠵᠤ ᠶᠡᠭᠡ ᠭᠡᠮᠵᠢᠶᠡ ᠪᠠᠷ ᠠᠯᠠᠵᠤ ᠰᠢᠷᠬᠠᠳᠤᠭᠤᠯᠤᠬᠰᠠᠨ ᠠᠴᠠ | ᠭᠠᠳᠠ ᠮᠡᠶᠢᠷᠡᠨ ᠤ ᠴᠡᠷᠢᠭ ᠪᠠᠷᠠᠭᠤᠨᠰᠢ ᠪᠠᠨ ᠯᠢᠨᠳᠦ᠋ᠩ᠂ ᠦᠵᠦᠮᠦᠴᠢᠨ ᠬᠦᠷᠦᠭᠡᠳ ᠲᠠᠬᠢᠨ ᠲᠠᠷᠬᠠᠨ ᠬᠤᠰᠢᠭᠤᠨ ᠤ | ᠬᠢᠯᠢ ᠳᠡᠭᠡᠨ ᠤᠬᠤᠷᠢᠨ ᠤᠷᠤᠵᠤ ᠢᠷᠡᠭᠡᠳ ᠯᠢ ᠱᠸᠤ ᠰᠢᠨ ᠤ ᠲᠤᠰᠠᠭᠠᠷ ᠬᠤᠷᠢᠶᠠ ᠲᠠᠢ ᠠᠰ ᠲᠤᠯᠤᠨ ᠠᠪᠤᠨ | ᠬᠠᠷᠢᠭᠤᠴᠠᠬᠰᠠᠨ ᠪᠠᠶᠢᠨᠠ᠃ | ᠯᠢ ᠱᠸᠤ ᠰᠢᠨ ᠤ ᠲᠤᠰᠠᠭᠠᠷ ᠬᠤᠷᠢᠶᠠ ᠴᠡᠷᠢᠭ ᠭᠠᠳᠠ ᠮᠡᠶᠢᠷᠡᠨ ᠤ ᠪᠤᠰᠤᠯᠭᠠ ᠶᠢᠨ ᠴᠡᠷᠢᠭ ᠢ ᠠᠯᠠᠬᠰᠠᠭᠠᠷ | ᠭᠤᠴᠢ ᠭᠠᠷᠦ᠋ᠢᠬᠠᠨ ᠬᠦᠮᠦᠨ ᠦᠯᠡᠳᠡᠵᠤ ᠱᠧᠪᠡᠷᠳᠤ ᠶᠢᠨ ᠬᠤᠩᠭᠤᠷ ᠤᠨ ᠤᠪᠤᠭᠠ ᠤᠯᠤᠮ ᠳᠤ ᠪᠦᠰᠡᠯᠡᠨ | ᠴᠤᠬᠢᠬᠰᠠᠨ ᠳ᠋ᠠᠭ᠃ | ᠪᠤᠰᠤᠯᠭᠠ ᠶᠢᠨ ᠴᠡᠷᠢᠭ ᠤᠳ ᠢᠶᠠᠨ ᠭᠠᠳᠠ ᠮᠡᠶᠢᠷᠡᠨ ᠤᠷᠢᠳᠠᠪᠠᠷ ᠭᠠᠷᠭᠠᠵᠤ ᠬᠠᠮᠤᠭ ᠤᠨ ᠰᠡᠬᠦᠯ ᠳᠤᠨᠢ ᠮᠤᠷᠢ | ᠲᠤᠪᠳᠤᠯᠭᠠᠨ ᠭᠠᠷᠬᠤ ᠭᠡᠳᠡᠯᠡ ᠭᠡᠰᠡᠭᠳᠤ ᠮᠦᠰᠦ ᠨᠡᠬᠦᠨ ᠢᠷᠡᠵᠤ ᠵᠠᠮ ᠢ ᠬᠠᠰᠢᠬᠰᠠᠨ ᠲᠤᠯᠠ ᠮᠤᠷᠢᠨ ᠠᠴᠠ ᠪᠠᠨ | ᠮᠦᠰᠦᠨ ᠲᠡᠭᠡᠷᠡ ᠦᠰᠦᠷᠦᠨ ᠭᠠᠷᠴᠤ ᠴᠢᠨᠠᠳᠤ ᠡᠷᠬᠢ ᠳᠤ ᠭᠠᠷᠤᠶᠠ ᠭᠡᠳᠡᠯᠡ ᠵᠡᠬᠦᠨ ᠮᠦᠷᠦ ᠨᠢ ᠰᠤᠮᠤᠨ ᠳᠤ | ᠤᠨᠤᠬᠳᠠᠵᠤ ᠲᠡᠰᠴᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠰᠠᠪᠠᠨ ᠤᠨᠠᠵᠦ᠂ ᠦᠯᠵᠡᠶᠢᠮᠦ᠋ᠷᠡᠨ ᠤ ᠤᠰᠤ ᠶᠢ ᠭᠱᠠᠨ ᠵᠠᠭᠤᠷᠠ | ᠤᠯᠠᠶᠢᠯᠠᠭᠠᠯᠠ᠂ ᠭᠠᠳᠠ ᠮᠡᠶᠢᠷᠡᠨ ᠤ ᠪᠤᠰᠤᠯᠭᠠ ᠨᠢ ᠢᠯᠠᠬᠳᠠᠬᠰᠠᠨ ᠴᠦ ᠵᠤᠷᠢᠭ ᠰᠠᠨᠠᠭᠠ ᠨᠢ ᠢᠯᠠᠬᠳᠠᠬᠰᠠᠨ ᠦᠭᠡᠢ᠃ | ︵1931 ᠤᠨ ᠤ ᠠᠷᠭᠠ ᠶᠢᠨ ᠤᠯᠠᠷᠢᠯ ᠤᠨ 3 ᠰᠠᠷᠠ ᠶᠢᠨ 30 ᠤ ᠡᠳᠦᠷ᠂ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 2 | ᠰᠠᠷᠠ ᠶᠢᠨ 12 ᠤᠨ ᠡᠳᠦᠷ᠃︶ ᠰᠡᠶᠢᠮᠡᠭᠡᠢ ᠨᠢᠳᠤ ᠲᠠᠢ ᠰᠡᠷᠡᠩ ᠡᠪᠦᠭᠡᠨ᠄ ︽ᠴᠠᠭᠠᠨ ᠴᠢᠷᠠᠶᠢᠳᠤ ᠵᠠᠯᠠᠭᠤ᠂ | ᠲᠠᠨ ᠤ ᠲᠦᠰᠢᠶᠡᠳᠤ ᠳᠤ ᠲᠦᠮᠡᠨ ᠠᠷᠠᠳ ᠢᠶᠠᠨ ᠲᠠᠷᠤᠯᠠᠬᠴᠢ ᠲᠤᠬᠰᠢᠨ ᠳ᠋ᠠ ᠸᠠᠩ ᠭᠡᠵᠤ ᠪᠠᠶᠢᠬᠤ ᠠᠴᠠ ᠪᠢᠰᠢ᠂ | ᠦᠨᠳᠤᠰᠤᠳᠠᠨ ᠤ ᠪᠠᠭᠠᠳᠤᠷ ᠭᠡᠵᠤ ᠪᠠᠶᠢᠨᠠ ᠤᠤ︖︾ ᠭᠡᠵᠤ ᠶᠡᠭᠡᠯᠡ ᠰᠤᠷᠳᠤᠭᠤ ᠲᠠᠢ ᠦᠬᠦᠯᠡᠨᠡ᠃ | ᠪᠢ᠄ ︽ᠲᠠᠨ ᠤ ᠲᠠᠷᠬᠠᠨ ᠠᠴᠠ ᠡᠷᠳᠡᠮᠳᠡᠨ ᠴᠢᠳᠠᠪᠤᠷᠢᠳᠠᠨ ᠠᠷᠪᠢᠨ ᠭᠠᠷᠤᠬᠰᠠᠨ᠂ ᠦᠭᠡᠷᠡ ᠶᠢ ᠨᠢ ᠲᠠ | ᠮᠡᠳᠡᠨᠡ ᠤᠤ︖︾ ᠭᠡᠬᠦ ᠳᠤ ᠮᠡᠷᠭᠡᠯᠡᠭᠰᠡᠨ ᠡᠪᠦᠭᠡᠨ ᠮᠡᠯᠴᠡᠶᠢᠭᠡᠳ ᠴᠢᠮᠡᠭᠡ ᠦᠭᠡᠢ᠂ ᠪᠢ᠄ ︽ᠲᠠᠨ ᠤ ᠲᠠᠪᠤᠨ | ᠭᠡᠷ ᠠᠴᠠ ᠲᠡᠮᠡᠢ ᠬᠤᠯᠠ ᠦᠭᠡᠢ ᠤᠯᠪᠤᠭ ᠪᠠᠯᠭᠠᠰᠤ ᠶᠢᠨ ᠤᠯᠪᠤᠭ ᠠᠶᠢᠯ ᠠᠴᠠ ᠺᠦᠩ ᠹᠸᠢ ᠭᠡᠳᠡᠭ ᠬᠦᠮᠦᠨ | ᠭᠠᠷᠤᠬᠰᠠᠨ᠂ ᠲᠡᠷᠡ ᠬᠦᠮᠦᠨ ᠪᠤᠯ ᠤᠯᠠᠭᠠᠨᠬᠦᠤ ᠶᠢᠨ ᠲᠡᠬᠦᠤ ᠬᠦᠷᠭᠡᠨ ᠨᠢ ᠮᠦᠷᠳᠡᠭᠡᠨ ᠤᠯᠠᠭᠠᠨᠬᠦᠤ ᠶᠢᠨ ᠲᠠᠷᠠᠭᠠᠬᠢ | ᠦᠪᠦᠷ ᠮᠤᠩᠭᠤᠯ ᠤᠨ ᠲᠡᠷᠢᠬᠦᠯᠡᠭᠴᠢ ᠪᠤᠯᠤᠬᠰᠠᠨ ᠬᠦᠮᠦᠨ᠂ ᠬᠠᠹᠤᠩᠭᠠ ᠶᠢ ᠮᠡᠳᠡᠨᠡ ᠤᠤ︖ ᠲᠡᠷᠡ ᠬᠦᠮᠦᠨ ᠪᠤᠯ | ᠶᠤᠯᠤᠮᠤᠳᠤ ᠶᠢᠨ ᠬᠦᠮᠦᠨ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠲᠡᠳ᠋ ᠲᠡᠷᠢᠬᠦᠯᠡᠭᠴᠢ ᠪᠤᠯᠤᠬᠰᠠᠨ ᠬᠦᠮᠦᠨ᠂ ᠠᠰᠬᠠᠨ ᠭᠡᠳᠡᠭ | ᠵᠠᠩᠵᠤᠨ ᠢ ᠮᠡᠳᠡᠨᠡ ᠤᠤ︖ ᠲᠡᠷᠡ ᠪᠤᠯ ᠬᠠᠹᠤᠩᠭᠠ ᠲᠡᠷᠢᠬᠦᠯᠡᠭᠴᠢ ᠶᠢᠨ ᠲᠡᠬᠦᠤ ᠬᠦᠷᠭᠡᠨ ᠨᠢ ᠮᠥᠨ︾ ᠭᠡᠵᠤ | ᠮᠡᠷᠭᠡᠯᠡᠬᠦ ᠳᠤ ᠰᠠᠷᠡᠩ ᠡᠪᠦᠭᠡᠨ ᠰᠤᠨᠤᠰᠤᠭᠠᠳ᠄ ︽ᠶᠤᠰᠤᠳᠠᠢ ᠡᠷᠳᠡᠮᠳᠡᠳ ᠤᠨ ᠦᠯᠦᠭᠡᠢ︾ ᠭᠡᠯᠠ᠃ | ᠲᠠᠷᠬᠠᠨ ᠮᠤᠩᠭᠤᠯᠴᠤᠳ ᠠᠴᠠ ᠭᠠᠳᠠ ᠮᠡᠶᠢᠷᠡᠨ ᠢᠶᠠᠨ ᠲᠤᠷᠠᠰᠬᠠᠬᠤ ᠶᠢᠨ ᠲᠦᠯᠦᠭᠡ ᠬᠤᠩᠭᠤᠷ ᠤᠪᠤᠭᠠ ᠶᠢᠨ | ᠤᠶᠢᠷᠠ ︽ᠮᠡᠶᠢᠷᠡᠨ ᠰᠦᠮᠡ︾ ᠪᠠᠶᠢᠭᠤᠯᠵᠤ ᠭᠠᠳᠠ ᠮᠡᠶᠢᠷᠡᠨ ᠢᠶᠠᠨ ᠲᠠᠬᠢᠬᠰᠠᠨ ᠭᠡᠨᠡ᠃ 1990 ᠤᠨ ᠳᠤ | ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠬᠤᠸᠠᠬᠤᠰᠢᠭᠤ ᠰᠤᠮᠤ ᠶᠢᠨ ᠬᠤᠩᠭᠤᠷ ᠤᠪᠤᠭᠠ ᠭᠠᠴᠠᠭᠠ ᠳᠤ ᠭᠠᠳᠠ ᠮᠡᠶᠢᠷᠡᠨ ᠤ | ᠲᠤᠷᠠᠰᠬᠠᠯ ᠤᠨ ᠬᠦᠰᠢᠶᠡ ᠪᠤᠰᠬᠠᠵᠤ ᠦᠭᠬᠦᠭᠰᠡᠨ᠂ ᠲᠦᠩᠯᠢᠶᠤᠤ ᠬᠤᠳᠠ ᠶᠢᠨ ᠬᠤᠷᠴᠢᠨ ᠰᠤᠶᠤᠯ ᠤᠨ | ᠲᠤᠭᠤᠷᠢᠭ ᠲᠤ ᠭᠠᠳᠠ ᠮᠡᠶᠢᠷᠡᠨ ᠤ ᠬᠦᠷᠦᠭ ᠢ ᠱᠤᠭᠤᠵᠤ ᠭᠠᠪᠢᠶᠠ ᠵᠢᠳᠬᠦᠯ ᠢ ᠨᠢ ᠦᠨᠡᠯᠡᠵᠤ᠂ ᠲᠠᠷᠬᠠᠨ | ᠬᠤᠰᠢᠭᠤᠨ ᠤ ᠲᠦᠪ ᠪᠤᠤ ᠺᠠᠩ ᠪᠠᠯᠭᠠᠰᠤᠨ ᠳᠤ ᠭᠠᠳᠠ ᠮᠡᠶᠢᠷᠡᠨ ᠤ ᠲᠠᠯᠠᠪᠠᠢ ᠭᠡᠵᠤ ᠪᠠᠶᠢᠳᠠᠭ᠃ | ᠪᠢ ᠮᠤᠷᠢᠨ ᠲᠡᠭᠡᠷᠡ ᠠᠴᠠ ᠴᠡᠴᠡᠭ ᠰᠤᠨᠢᠷᠬᠠᠵᠤ ᠤᠷᠤᠢ ᠮᠤᠳᠤᠨ ᠠᠶᠢᠯ ᠤᠨ ᠮᠠᠩᠬᠠᠨ ᠠᠭᠤᠯᠠ ᠶᠢ | ᠰᠤᠨᠢᠷᠬᠠᠬᠰᠠᠨ᠃ ᠡᠨᠡ ᠨᠢ ᠭᠠᠳᠠ ᠮᠡᠶᠢᠷᠡᠨ ᠤ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠠᠮᠢᠳᠤᠷᠠᠬᠰᠠᠨ ᠭᠠᠵᠠᠷ᠃ | ᠬᠠᠹᠤᠩᠭᠠ ᠶᠢᠨ ᠨᠤᠳᠤᠭ ᠶᠤᠯᠤᠮᠤᠳᠤ᠂ ᠠᠰᠬᠠᠨ ᠵᠠᠩᠵᠤᠨ ᠤ ᠨᠤᠳᠤᠭ ᠭᠤᠮᠳᠤ ᠪᠠᠷ ᠵᠢᠭᠤᠯᠴᠢᠯᠠᠵᠤ ᠦᠩᠭᠡᠷᠡᠭᠰᠡᠨ᠃ | ᠬᠠᠷᠠᠮᠰᠠᠯᠳᠠᠢ ᠨᠢ ᠺᠦᠩ ᠹᠸᠢ ᠶᠢᠨ ᠨᠤᠳᠤᠭ ᠤᠯᠪᠤᠭ ᠪᠠᠯᠭᠠᠰᠤ ᠶᠢᠨ ᠤᠯᠪᠤᠭ ᠲᠤᠰᠬᠤᠨ ᠳᠤ ᠬᠦᠷᠦᠭᠡ ᠦᠭᠡᠢ᠃ | ᠮᠠᠨ ᠤ ᠦᠨᠳᠤᠰᠤᠳᠠᠨ ᠤ ᠮᠠᠩᠯᠠᠢ ᠪᠠᠭᠠᠳᠤᠷ ᠭᠠᠳᠠ ᠮᠡᠶᠢᠷᠡᠨ ᠤᠷᠢᠳᠠᠪᠡᠷ ᠮᠠᠨᠢ ᠮᠠᠯᠴᠢᠨ ᠤᠯᠠᠨ | ᠮᠤᠩᠭᠤᠯᠴᠤᠳ ᠤᠨ ᠢᠶᠠᠨ ᠲᠦᠯᠦᠭᠡ ᠠᠯᠳᠠᠨ ᠠᠮᠢ ᠬᠠᠯᠠᠭᠤᠨ ᠴᠢᠰᠤ ᠪᠠᠨ ᠤᠷᠤᠰᠬᠠᠬᠰᠠᠨ ᠵᠤᠷᠢᠭ ᠰᠠᠨᠠᠭᠠ ᠨᠢ | ᠲᠦᠭ ᠲᠦᠮᠡᠨ ᠮᠤᠩᠭᠤᠯᠴᠤᠳ ᠤᠨ ᠰᠡᠳᠬᠢᠯ ᠵᠢᠷᠦᠭᠡᠨ ᠳᠤ ᠮᠦᠩᠭᠡ ᠰᠡᠶᠢᠯᠦᠭᠳᠡᠵᠦ᠂ ᠲᠠᠭᠤᠤ ᠨᠢ | ᠴᠤᠤᠷᠢᠶᠠᠳᠤᠬᠰᠠᠭᠠᠷ᠂ ᠦᠯᠢᠭᠡᠷ ᠨᠢ ᠤᠯᠠᠮᠵᠢᠯᠠᠬᠳᠠᠬᠰᠠᠭᠠᠷ᠃ |