| ᠮᠠᠨᠳᠤᠬᠠᠢ ᠲᠦᠮᠡᠳ ᠠᠶᠢᠮᠠᠭ ᠤᠨ ᠡᠩᠭᠦᠳ ᠤᠪᠤᠭᠳᠠᠨ᠃1448 ᠣᠨ ᠳᠤ ᠲᠦᠷᠦᠪᠡ᠃ ᠲᠡᠬᠦᠨ ᠤ | ᠡᠴᠢᠬᠡ ᠨᠢ ᠴᠤᠷᠤᠰᠪᠠᠢ ᠲᠡᠮᠤᠷ ᠴᠢᠩᠰᠠᠩ ᠬᠡᠳᠡᠭ ᠶᠤᠮ᠃ | ᠮᠠᠨᠳᠤᠬᠠᠢ ᠲᠦᠷᠦᠯᠬᠢ ᠰᠡᠴᠡᠨ ᠰᠡᠷᠬᠦᠯᠡᠩ ᠪᠦᠬᠡᠳ ᠵᠠᠯᠠᠭᠤ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠮᠠᠨᠳᠤᠭᠤᠯᠢ ᠬᠠᠭᠠᠨ | ᠲᠠᠢ ᠤᠷᠤᠭᠯᠠᠵᠤ ᠡᠰᠢ ᠬᠠᠳᠤᠨ ᠨᠢ ᠪᠤᠯᠤᠭᠰᠠᠨ ᠲᠤᠯᠠ ᠬᠦᠮᠦᠰ ᠲᠡᠬᠦᠨ ᠢ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠬᠡᠵᠤ | ᠬᠦᠨᠳᠦᠳᠬᠡᠨ ᠲᠠᠭᠤᠳᠠᠳᠠᠭ ᠪᠠᠶᠢᠵᠠᠢ᠃ ᠮᠠᠨᠳᠤᠭᠤᠯᠢ ᠬᠠᠭᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠳᠤ᠂ ᠮᠠᠨᠳᠣᠬᠠᠢ ᠰᠡᠴᠡᠨ ᠬᠠᠳᠤᠨ | ᠠᠴᠠ ᠬᠦᠪᠡᠬᠦᠨ ᠦᠭᠡᠢ ᠲᠤᠯᠠ ᠬᠠᠭᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠬᠤ ᠶᠠᠪᠤᠳᠠᠯ ᠲᠡᠬᠡᠷᠡ ᠮᠤᠩᠭᠤᠯ ᠤᠨ ᠶᠡᠬᠡᠰ | ᠨᠤᠶᠠᠳ ᠶᠡᠬᠡᠪᠡᠷ ᠮᠦᠷᠬᠦᠯᠳᠦᠬᠡᠨ ᠭᠠᠷᠴᠠᠢ᠃ ᠢᠯᠠᠩᠭᠤᠶᠠ ᠬᠠᠰᠠᠷ ᠤᠨ ᠬᠤᠶᠢᠴᠢ ᠦᠶᠡ ᠪᠤᠯᠬᠤ ᠬᠤᠷᠴᠢᠨ ᠤ | ᠦᠨᠡᠨᠪᠤᠯᠤᠳ ᠨᠤᠶᠠᠨ᠂ ᠬᠠᠭᠠᠨ ᠤ ᠶᠡᠭᠡ ᠤᠷᠤ ᠬᠤᠭᠤᠰᠤᠨ ᠪᠤᠯᠤᠭᠰᠠᠨ ᠢ ᠵᠠᠪᠰᠢᠨ ᠡᠵᠡᠯᠡᠬᠦ ᠶᠢᠨ ᠲᠦᠯᠦᠬᠡ᠂ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠳᠤ ᠬᠦᠮᠦᠨ ᠲᠤᠮᠢᠯᠠᠨ ᠢᠯᠡᠬᠡᠵᠤ᠄ ︽ᠭᠠᠯ ᠢ ᠴᠢᠨᠢ ᠴᠢᠬᠢᠵᠤ᠂ ᠨᠤᠲᠤᠭ ᠢ ᠴᠢᠨᠢ | ᠵᠢᠭᠠᠵᠤ ᠦᠭᠭᠦᠶᠡ︕︾ ᠬᠡᠮᠡᠨ ᠬᠡᠯᠡᠬᠦᠯᠪᠡ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ᠂ ᠦᠨᠡᠨᠪᠤᠯᠤᠳ ᠨᠤᠶᠠᠨ ᠤ | ᠬᠤᠷᠢᠮᠯᠠᠬᠤ ᠬᠡᠰᠡᠨ ᠰᠠᠨᠠᠭᠠ ᠪᠠ ᠴᠢᠨᠠᠳᠤ ᠪᠤᠳᠤᠯᠭᠠ ᠶᠢ ᠤᠬᠠᠵᠤ ᠮᠡᠳᠡᠬᠡᠳ᠂ ᠤᠯᠠᠨ ᠰᠠᠶᠢᠳ ᠲᠦᠰᠢᠮᠡᠳ ᠢᠶᠠᠨ | ᠴᠤᠭᠯᠠᠭᠤᠯᠵᠤ᠄ ︽ᠡᠳᠦᠬᠡ ᠬᠤᠷᠴᠢᠨ ᠤ ᠦᠨᠡᠨᠪᠤᠯᠤᠳ ᠨᠤᠶᠠᠨ ᠨᠠᠳᠠ ᠲᠠᠢ ᠬᠤᠷᠢᠮᠯᠠᠬᠤ ᠬᠡᠰᠡᠨ ᠰᠠᠨᠠᠭᠠ ᠪᠠᠨ | ᠢᠯᠡᠳᠬᠡᠪᠡ᠃ ᠤᠷᠢᠳᠠᠬᠢ ᠡᠵᠡᠨ ᠤ ᠠᠬᠤᠯ ᠠᠴᠢ ᠬᠦᠪᠡᠬᠦᠨ 7 ᠨᠠᠰᠤᠳᠠᠢ ᠪᠠᠳᠣᠮᠦ᠋ᠩᠭᠡ ᠮᠦᠨ ᠠᠳᠡ ᠪᠤᠢ᠂ ᠪᠢ | ᠴᠤᠬᠤᠮ ᠬᠡᠨ ᠳᠤᠨᠢ ᠤᠴᠢᠪᠡᠯ ᠵᠤᠬᠢᠰᠳᠠᠢ ᠪᠤᠢ︖︾ ᠬᠡᠵᠤ ᠠᠰᠠᠭᠤᠪᠠ᠃ ᠡᠨᠡ ᠦᠶᠡ ᠳᠤ ᠶᠡᠭᠡ ᠲᠦᠰᠢᠮᠡᠯ | ᠰᠠᠳᠠᠢ ᠦᠪᠡᠷ ᠤᠨ ᠠᠰᠢᠭ ᠲᠤᠰᠠ ᠪᠠᠨ ᠪᠤᠳᠤᠵᠤ᠂ ᠠᠯᠠ ᠨᠢ ᠴᠤᠭᠤᠷᠬᠠᠢ ᠦᠮᠦᠳᠤ ᠡᠮᠣᠰᠴᠤ᠂ ᠠᠮᠠᠨ ᠰᠦ ᠨᠢ | ᠠᠷᠢᠯᠤᠭᠠᠳᠤᠢ ᠪᠠᠳᠤᠮᠦ᠋ᠩᠭᠡ ᠶᠢ ᠦᠯᠦ ᠣᠶᠢᠰᠢᠶᠠᠨ᠂ ᠬᠦᠴᠦᠨ ᠰᠦᠷ ᠨᠢ ᠪᠦᠬᠦᠶᠢᠯᠡ ᠮᠤᠩᠭᠤᠯ ᠳᠤ ᠤᠷᠤᠶᠢᠯᠠᠵᠤ | ᠪᠠᠶᠢᠭᠰᠠᠨ ᠦᠨᠡᠨᠪᠤᠯᠤᠳ ᠨᠤᠶᠠᠨ ᠢ ᠪᠢᠯᠳᠠᠤᠴᠢᠯᠠᠭᠠᠳ᠄ ︽ᠦᠴᠦᠬᠡᠨ ᠬᠡᠦᠬᠡᠳ ᠢ ᠬᠦᠯᠢᠶᠡᠬᠦ ᠪᠠᠷ ᠦᠨᠡᠨᠪᠤᠯᠤᠳ | ᠨᠤᠶᠠᠨ ᠳᠤ ᠤᠴᠢᠪᠠᠯ ᠵᠤᠬᠢᠨᠡ︾ ᠬᠡᠵᠤ ᠬᠠᠷᠢᠭᠤᠯᠪᠠ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠪᠡᠶᠡ ᠡᠷᠬᠢᠵᠤ ᠰᠠᠩᠬᠠᠢ | ᠦᠷᠯᠦᠭ ᠤᠨ ᠡᠬᠡᠨᠡᠷ ᠵᠢᠬᠠᠨ ᠠᠬᠠ ᠠᠴᠠ ᠠᠰᠠᠭᠤᠭᠰᠠᠨ ᠳᠤ ᠲᠡᠷᠡ᠄ ︽ᠬᠠᠰᠠᠷ ᠤᠨ ᠦᠷᠡ ᠳᠤ ᠤᠴᠢᠪᠡᠯ᠂ | ᠬᠠᠷᠠ ᠮᠦᠷ ᠲᠠᠳᠠᠵᠤ᠂ ᠬᠠᠮᠤᠭ ᠤᠯᠤᠰ ᠠᠴᠠ ᠬᠠᠭᠠᠴᠠᠨ᠂ ᠬᠠᠳᠤᠨ ᠨᠡᠷᠡ ᠪᠠᠨ ᠠᠯᠳᠠᠨᠠ᠃ ᠬᠠᠭᠠᠨ ᠤ ᠦᠷᠡ | ᠶᠢ ᠰᠠᠬᠢᠪᠠᠯ᠂ ᠬᠠᠨ ᠲᠡᠭᠷᠢ ᠳᠤ ᠢᠪᠡᠬᠡᠭᠳᠡᠵᠤ᠂ ᠬᠠᠮᠤᠭ ᠤᠯᠤᠰ ᠢᠶᠠᠨ ᠡᠵᠡᠯᠡᠨ᠂ ᠬᠠᠳᠤᠨ ᠨᠡᠷᠡ ᠪᠠᠨ | ᠠᠯᠳᠠᠷᠰᠢᠭᠤᠯᠤᠨᠠ︾ ᠬᠡᠵᠤ ᠰᠠᠨᠠᠭᠤᠯᠪᠠ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠵᠢᠬᠠᠨ ᠠᠬᠠ ᠶᠢᠨ ᠦᠬᠡ ᠶᠢ | ᠰᠤᠨᠣᠰᠤᠭᠠᠳ ᠲᠤᠶᠢᠯ ᠢᠶᠠᠷ ᠪᠢᠰᠢᠷᠡᠵᠤ᠂ ᠰᠠᠳᠠᠢ ᠳᠤ ᠬᠤᠷᠤᠰᠤᠨ᠄ ︽ᠬᠠᠭᠠᠨ ᠤ ᠦᠷᠡ ᠶᠢ ᠦᠴᠦᠬᠡᠨ ᠬᠡᠵᠤ᠂ | ᠬᠠᠰᠠᠷ ᠤᠨ ᠦᠷᠡ ᠶᠢ ᠶᠡᠭᠡ ᠬᠡᠵᠤ᠂ ᠬᠠᠳᠤᠨ ᠪᠡᠶᠡ ᠶᠢ ᠮᠢᠨᠢ ᠪᠡᠯᠪᠡᠰᠳ ᠬᠡᠵᠤ᠂ ᠬᠠᠮᠢᠭᠠᠰᠢ ᠪᠠᠨ ᠦᠬᠦᠯᠡᠨᠡ ᠪᠤᠢ | ᠴᠢ︕︾ ᠬᠡᠳ ᠲᠤᠯᠤᠭᠠᠢ ᠤᠷᠤᠭᠤ ᠨᠢ ᠬᠠᠯᠠᠭᠤᠨ ᠴᠠᠢ ᠠᠰᠬᠠᠪᠠ᠃ ᠲᠡᠬᠡᠬᠡᠳ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ | ᠦᠨᠡᠨᠪᠤᠯᠤᠳ ᠨᠤᠶᠠᠨ ᠤ ᠲᠡᠷᠬᠡᠳᠡ ᠬᠦᠮᠦᠨ ᠲᠤᠮᠢᠯᠠᠨ ᠢᠯᠡᠬᠡᠵᠤ᠄ ︽ᠬᠠᠭᠠᠨ ᠤ ᠮᠢᠨᠢ ᠦᠪ ᠢ ᠬᠠᠰᠠᠷ ᠤᠨ ᠦᠷᠡ | ᠴᠢ ᠢᠳᠡᠬᠦ ᠪᠤᠶᠤ᠂ ᠬᠠᠰᠠᠷ ᠤᠨ ᠦᠷᠡ ᠴᠢᠨᠤ ᠦᠪ ᠢ ᠪᠢᠳᠡ ᠢᠳᠡᠬᠦ ᠪᠢᠯᠡ ᠤᠤ︖ ᠡᠷᠬᠦᠵᠤ ᠦᠯᠦ ᠪᠤᠯᠬᠤ | ᠡᠬᠦᠳᠡ ᠲᠠᠢ ᠪᠢᠯᠡ᠂ ᠠᠯᠬᠤᠵᠤ ᠦᠯᠦ ᠭᠠᠷᠬᠤ ᠪᠤᠱᠤᠭᠠ ᠲᠠᠢ ᠪᠢᠯᠡ᠂ ᠬᠠᠭᠠᠨ ᠤ ᠮᠢᠨᠢ ᠦᠷᠡ ᠪᠠᠶᠢᠳᠠᠯᠠ ᠴᠢᠮᠠᠳᠤ | ᠦᠯᠦ ᠤᠴᠢᠨᠠᠮ︾ ᠬᠡᠵᠤ ᠬᠡᠯᠡᠬᠦᠯᠵᠠᠢ᠃ | 1479 ᠣᠨ ᠳᠤ ᠪᠡᠯᠪᠡᠰᠦᠷᠡᠬᠡᠳ ᠨᠢᠬᠡᠨᠳᠡ ᠠᠷᠪᠡᠨ ᠵᠢᠯ ᠪᠤᠯᠤᠭᠰᠠᠨ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ | ᠭᠤᠴᠢᠭᠠᠳ ᠨᠠᠰᠤᠨ ᠳᠠᠭᠠᠨ ᠬᠠᠭᠠᠨ ᠤ ᠤᠭᠰᠠᠭᠠ ᠶᠢᠨ ᠮᠠᠨᠳᠤᠭᠤᠯᠢ ᠬᠠᠭᠠᠨ ᠤ ᠦᠶᠡ ᠶᠢᠨ ᠪᠤᠯᠬᠤ ᠵᠢᠨᠤᠩ | ᠪᠠᠶᠠᠠᠮᠦ᠋ᠩᠭᠡ ᠶᠢᠨ ᠲᠤᠯᠤᠭᠠᠨ ᠨᠠᠰᠤᠳᠠᠢ ᠦᠨᠦᠴᠢᠨ ᠬᠦᠪᠡᠬᠦᠨ ᠪᠠᠳᠤᠮᠦ᠋ᠩᠭᠡ ᠯᠤᠭᠠ ᠤᠷᠤᠭᠯᠠᠪᠠ᠃ ᠲᠡᠭᠡᠭᠡᠳ | ᠮᠠᠨᠳᠤᠭᠤᠯᠢ ᠬᠠᠭᠠᠨ ᠤ ᠬᠠᠭᠤᠴᠢᠨ ᠲᠦᠰᠢᠮᠡᠳ ᠤᠨ ᠲᠡᠮᠵᠢᠯᠬᠡ ᠪᠠᠷ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ᠂ ᠪᠦᠬᠦ ᠮᠤᠩᠭᠤᠯ | ᠤᠨ ᠢᠵᠠᠭᠤᠷᠳᠠᠨ ᠢ ᠵᠠᠯᠠᠵᠤ᠂ ᠤᠷᠳᠤᠰ ᠲᠤ ᠪᠠᠶᠢᠭᠠ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠤᠷᠳᠤᠨ ᠤ ᠡᠮᠦᠨᠡ᠂ | ᠪᠠᠳᠤᠮᠦ᠋ᠩᠭᠡ ᠶᠢ ᠶᠡᠭᠡ ᠰᠠᠭᠤᠷᠢᠨ ᠳᠤ ᠰᠠᠭᠤᠯᠭᠠᠬᠤ ᠶᠤᠰᠤᠯᠠᠯ ᠢ ᠦᠪᠡᠳᠡᠭᠰᠢ ᠶᠡᠬᠡᠪᠡᠷ ᠶᠠᠪᠤᠭᠤᠯᠵᠤ᠂ ︽ᠲᠠᠶᠠᠭᠠᠷ | ᠤᠯᠠᠨ ᠢ ᠡᠵᠡᠯᠡᠬᠦ ᠪᠤᠯᠳᠤᠭᠠᠢ︾ ᠬᠡᠰᠡᠨ ᠠᠭᠤᠯᠭᠠ ᠪᠠᠷ ︽ᠲᠠᠶᠤᠨ ᠬᠠᠭᠠᠨ︾ ᠬᠡᠵᠤ ᠡᠷᠬᠦᠮᠵᠢᠯᠡᠪᠡ᠃ ᠬᠠᠭᠠᠨ | ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠦᠶᠡ ᠳᠤ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ 7 ᠨᠠᠰᠤᠳᠠᠢ ᠪᠠᠳᠤᠮᠦ᠋ᠩᠭᠡ ᠳᠤ ᠲᠠᠪᠬᠤᠷ | ᠤᠯᠠ ᠲᠠᠢ ᠭᠤᠳᠤᠯ ᠡᠮᠦᠰᠬᠡᠨ᠂ ᠭᠠᠷ ᠠᠴᠠ ᠨᠢ ᠬᠦᠳᠦᠯᠵᠤ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠤᠷᠳᠤᠨ ᠤ | ᠡᠮᠦᠨᠡ ᠲᠠᠭᠠᠭᠤᠯᠤᠨ ᠠᠪᠠᠴᠢᠭᠠᠳ ᠰᠦᠬᠦᠳᠦᠨ ᠮᠦᠷᠬᠦᠵᠤ᠄ | ︽ᠬᠠᠷᠠ ᠴᠠᠭᠠᠨ ᠦᠩᠭᠡ ᠦᠯᠦ ᠦᠵᠡᠭᠳᠡᠬᠦ ᠭᠠᠵᠠᠷ ᠪᠠᠷᠠᠯᠠᠳᠠᠭ ᠪᠢᠯᠡ | ᠬᠠᠭᠠᠨ ᠡᠵᠡᠨ ᠤ ᠦᠷᠡ ᠪᠠᠳᠣᠮᠦ᠋ᠩᠭᠡ ᠶᠢ ᠪᠠᠭᠠ ᠬᠡᠵᠤ | ᠬᠠᠰᠠᠷ ᠠᠪᠠᠭᠠ ᠶᠢᠨ ᠦᠷᠡ ᠦᠨᠡᠨᠪᠤᠯᠤᠳ ᠲᠦᠷᠢᠮᠡᠬᠡᠢ ᠵᠠᠩᠨᠠᠵᠤ ᠢᠷᠡᠬᠦ ᠳᠤ᠂ | ᠬᠠᠭᠠᠨ ᠡᠴᠢᠬᠡ ᠬᠠᠳᠤᠨ ᠡᠬᠡ ᠶᠢᠨ ᠤᠷᠳᠤᠨ ᠳᠤ ᠢᠷᠡᠪᠡ ᠪᠢ᠂ | ᠦᠷᠡ ᠴᠢᠨᠤ ᠪᠠᠳᠤᠮᠦ᠋ᠩᠭᠡ ᠶᠢ ᠬᠦᠯᠢᠶᠡᠰᠦᠬᠡᠢ︕ | ᠦᠨᠡᠨ ᠰᠡᠳᠬᠢᠯ ᠢᠶᠠᠷ ᠵᠠᠯᠪᠠᠷᠢᠨ ᠦᠴᠢᠮᠤ᠂ | ᠦᠷᠦᠰᠢᠶᠡᠵᠤ ᠲᠤᠯᠤᠭᠠᠨ ᠬᠦᠪᠡᠬᠦᠨ ᠢ ᠬᠤᠳᠤᠭ ᠢ ᠰᠤᠶᠤᠷᠬᠠ︕ | ᠦᠨᠦᠷ ᠮᠡᠳᠤ ᠭᠠᠭᠴᠠ ᠥᠬᠢᠨ ᠢ ᠬᠠᠶᠢᠷᠠᠯᠠ︕ | ᠲᠤᠯᠤᠭᠤᠯᠠ ᠳᠤ ᠪᠤᠯᠤᠳ ᠨᠡᠷᠡ ᠦᠭᠴᠤ | ᠲᠤᠳᠤᠭᠠᠳᠤ ᠭᠠᠯ ᠭᠤᠯᠤᠮᠳᠠ ᠶᠢ ᠴᠢᠨᠢ ᠰᠠᠬᠢᠭᠤᠯᠤᠶᠠ︕ | ᠲᠤᠭᠰᠢᠨ ᠬᠡᠷᠴᠡᠬᠡᠢ ᠤᠯᠤᠰ ᠢ ᠵᠠᠰᠠᠭᠤᠯᠤᠨ | ᠲᠤᠯᠭᠠ ᠲᠦᠰᠢᠬᠡ ᠶᠡᠭᠡ ᠲᠦᠷᠦ ᠶᠢ ᠴᠢᠨᠢ ᠪᠠᠷᠢᠭᠤᠯᠤᠶᠠ︕︾ ᠬᠡᠵᠤ ᠡᠭᠰᠢᠨ ᠮᠡᠭᠰᠢᠨ ᠤᠬᠢᠯᠠᠵᠤ ᠲᠠᠩᠭᠠᠷᠢᠭᠯᠠᠪᠠ | ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠡᠨᠡ ᠬᠦ ᠦᠨᠡᠨᠴᠢ ᠰᠡᠳᠬᠢᠯ ᠤᠨ ᠦᠬᠡ ᠨᠢ ᠮᠤᠩᠭᠤᠯ ᠤᠨ ᠪᠤᠰᠤᠳ ᠨᠤᠶᠠᠳ ᠢ | ᠪᠠᠶᠢᠳᠤᠭᠠᠢ᠂ ᠬᠤᠷᠴᠢᠨ ᠤ ᠦᠨᠡᠨᠪᠤᠯᠤᠳ ᠨᠤᠶᠠᠨ ᠤ ᠰᠡᠳᠬᠢᠯ ᠢ ᠴᠦ ᠶᠡᠬᠡᠳᠡ ᠤᠶᠠᠷᠠᠭᠤᠯᠵᠤ᠂ ᠦᠬᠦᠯᠡᠭᠰᠡᠨ ᠦᠬᠡ | ᠪᠠᠨ ᠤᠰᠠᠳᠬᠠᠬᠤ ᠳᠤ ᠬᠦᠷᠦᠬᠦᠯᠵᠠᠢ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ᠂ ᠲᠠᠶᠤᠨ ᠬᠠᠭᠠᠨ ᠢ ᠶᠡᠭᠡ ᠰᠠᠭᠤᠷᠢᠨ ᠳᠤ ᠰᠠᠭᠤᠯᠭᠠᠭᠰᠠᠨ ᠤ ᠲᠠᠷᠠᠭᠠ᠂ ᠶᠠᠭᠤᠨ | ᠤ ᠡᠮᠦᠨᠡ ᠬᠠᠭᠠᠨ ᠲᠦᠷᠦ ᠶᠢᠨ ᠨᠢᠬᠡᠳᠦᠯ ᠳᠤ ᠬᠠᠷᠰᠢ ᠰᠠᠭᠠᠳ ᠪᠤᠯᠵᠤ ᠪᠠᠶᠢᠭᠰᠠᠨ ᠤᠶᠢᠷᠠᠳ ᠮᠤᠩᠭᠤᠯ ᠢ | ᠲᠤᠪᠳᠤᠯᠪᠠ᠃ ᠤᠴᠢᠷ ᠨᠢ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠢᠵᠠᠭᠤᠷᠳᠠᠳ ᠤᠨ ᠲᠤᠳᠤᠷᠠ ᠤᠷᠢᠳ ᠬᠤᠵᠢᠳ ᠬᠤᠶᠠᠷ ᠨᠢ | ︽ᠶᠤᠰᠤ ᠪᠤᠰᠤ︾ ᠪᠠᠷ ᠪᠡᠶᠡ ᠪᠠᠨ ᠬᠠᠭᠠᠨ ᠡᠷᠬᠦᠮᠵᠢᠯᠡᠵᠤ᠂ ᠭᠤᠷᠪᠠᠨ ᠬᠠᠭᠠᠨ ᠢ ᠬᠤᠤᠷᠯᠠᠨ᠂ ᠨᠢᠬᠡ ᠵᠢᠨᠤᠩ ᠢ | ᠠᠯᠠᠭᠠᠳ᠂ ᠮᠤᠩᠭᠤᠯ ᠤᠨ ᠤᠯᠠᠨ ᠠᠶᠢᠮᠠᠭ ᠢ ᠨᠢᠬᠡᠳᠬᠡᠬᠦ ᠦᠢᠯᠡᠰ ᠲᠤ ᠶᠡᠬᠡᠬᠡᠨ ᠰᠦᠷᠳᠡᠬᠦᠯᠦᠯ ᠤᠴᠠᠷᠠᠭᠤᠯᠵᠤ | ᠪᠠᠶᠢᠭᠰᠠᠨ ᠶᠤᠮ᠃ ᠡᠶᠢᠮᠤ ᠠᠴᠠ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠲᠠᠶᠤᠨ ᠬᠠᠭᠠᠨ ᠤ ᠨᠡᠷᠡ ᠬᠦᠨᠳᠣ ᠶᠢ | ᠲᠡᠬᠡᠭᠰᠢᠯᠡᠬᠦᠯᠵᠤ᠂ ᠢᠷᠡᠬᠡᠳᠦᠢ ᠳᠤ ᠡᠯᠡ ᠨᠤᠶᠠᠳ ᠢ ᠡᠷᠬᠡ ᠰᠦᠷ ᠲᠡᠭᠡᠨ ᠤᠷᠤᠭᠤᠯᠤᠨ ᠠᠪᠬᠤ ᠶᠢᠨ ᠲᠦᠯᠦᠬᠡ᠂ | ᠨᠢᠯᠬᠠ ᠪᠠᠭᠠ ᠪᠠᠳᠤᠮᠦ᠋ᠩᠭᠡ ᠶᠢ ᠦᠬᠡᠭᠳᠣ ᠲᠡᠷᠬᠡᠨ ᠳᠤ ᠰᠠᠭᠤᠯᠭᠠᠨ ᠪᠦᠬᠦ ᠴᠡᠷᠢᠭ ᠢ ᠲᠠᠶᠢᠴᠢᠯᠠᠭᠤᠯᠵᠤ᠂ ᠦᠪᠡᠷ | ᠤᠨ ᠦᠰᠤ ᠬᠡᠵᠢᠬᠡ ᠪᠠᠨ ᠡᠪᠬᠡᠨ᠂ ᠬᠤᠶᠠᠭ ᠲᠤᠭᠤᠯᠭᠠ ᠡᠮᠤᠰᠴᠤ ᠨᠤᠮᠤ ᠰᠠᠭᠠᠳᠠᠭ ᠠᠭᠰᠠᠭᠠᠳ ᠣᠶᠢᠷᠠᠳ ᠲᠡᠰᠢ | ᠮᠤᠷᠳᠡᠪᠡ᠃ ᠬᠤᠶᠠᠷ ᠡᠳᠡᠬᠡᠳ ᠤᠨ ᠴᠡᠷᠢᠭ᠂ ᠲᠡᠰ ᠪᠦᠷᠢᠳᠣ ᠬᠡᠰᠡᠨ ᠭᠠᠵᠠᠷ ᠠᠭᠤᠯᠵᠠᠭᠰᠠᠨᠠ᠂ ᠮᠠᠨᠳᠤᠬᠠᠢ ᠰᠡᠴᠡᠨ | ᠬᠠᠳᠤᠨ ᠦᠪᠡᠷ ᠢᠶᠠᠨ ᠬᠤᠰᠢᠭᠤᠴᠢᠯᠠᠵᠤ ᠪᠡᠶᠡ ᠪᠠᠷ ᠲᠠᠶᠢᠨ ᠳᠤ ᠤᠷᠤᠯᠴᠠᠭᠠᠳ᠂ ᠡᠷᠡᠯᠬᠡᠭ ᠪᠠᠭᠠᠳᠤᠷ ᠢᠶᠠᠷ ᠵᠡᠬᠦᠨᠰᠢ | ᠲᠠᠶᠢᠯᠠᠨ ᠪᠠᠷᠠᠭᠤᠨᠰᠢ ᠴᠤᠬᠢᠵᠤ ᠲᠦᠷᠪᠡᠨ ᠤᠶᠢᠷᠠᠳ ᠢ ᠶᠡᠬᠡᠳᠡ ᠲᠠᠶᠢᠯᠦᠭᠰᠡᠨ ᠪᠠᠶᠢᠨᠠ᠃ ᠲᠠᠶᠢᠨ ᠬᠦ ᠲᠠᠶᠢᠰᠦᠨ ᠤ | ᠠᠷᠤ ᠠᠴᠠ ᠨᠡᠬᠡᠮᠵᠢᠯᠡᠨ ᠶᠠᠪᠤᠳᠠᠯᠠ ᠮᠤᠷᠢ ᠨᠢ ᠰᠢᠪᠠᠷᠳᠠᠭᠠᠳ᠂ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠰᠢᠪᠡᠷ ᠲᠤ ᠲᠤᠭᠤᠯᠭᠠ | ᠪᠠᠷ ᠢᠶᠠᠨ ᠰᠢᠬᠢᠳᠦᠨ ᠤᠷᠤᠪᠠ᠃ ᠡᠨᠡ ᠦᠶᠡ ᠳᠤ ᠬᠤᠩᠭᠢᠷᠠᠳ ᠤᠨ ᠡᠰᠡᠯᠠᠢ ᠲᠠᠶᠢᠪᠤ᠂ ᠬᠠᠷᠠᠴᠢᠨ ᠤ ᠵᠢᠬᠤᠢ | ᠲᠠᠷᠬᠠᠨ᠂ ᠪᠠᠯᠬᠠᠴᠢᠨ ᠤ ᠪᠠᠶᠠᠨᠪᠦ᠋ᠬᠡ᠂ ᠠᠰᠤᠳ ᠤᠨ ᠪᠠᠳᠤᠪᠤᠯᠤᠳ ᠲᠦᠷᠪᠡᠬᠦᠯᠡ ᠬᠦᠢᠴᠡᠵᠤ ᠢᠷᠡᠬᠡᠳ ᠪᠠᠯᠴᠢᠭ | ᠰᠢᠪᠠᠷ ᠠᠴᠠ ᠲᠠᠳᠠᠵᠤ ᠭᠠᠷᠭᠠᠭᠰᠠᠨ ᠪᠦᠬᠡᠳ ᠪᠠᠶᠠᠭᠤᠳ ᠤᠨ ᠰᠠᠶᠢᠨ ᠬᠤᠩᠬᠤᠷ ᠮᠤᠷᠢ ᠪᠠᠨ ᠦᠭᠴᠤ | ᠤᠨᠤᠭᠤᠯᠤᠭᠠᠳ᠂ ᠲᠠᠶᠢᠰᠤᠨ ᠢ ᠦᠷᠬᠦᠯᠵᠢᠯᠡᠨ ᠨᠡᠬᠡᠵᠠᠢ᠃ ᠲᠡᠭᠡᠭᠡᠳ ᠪᠦᠬᠦ ᠴᠡᠷᠢᠭ ᠢ ᠨᠢ ᠦᠨᠡᠰᠦᠨ ᠲᠤᠪᠷᠠᠭ | ᠪᠤᠯᠳᠠᠯᠠ ᠪᠤᠳᠠ ᠨᠢᠷᠬᠡᠭᠰᠡᠨ ᠳᠤ ᠲᠦᠷᠪᠡᠨ ᠤᠶᠢᠷᠠᠳ ᠠᠷᠭᠠ ᠪᠤᠰᠤ ᠲᠠᠶᠢᠨ ᠵᠤᠭᠰᠤᠬᠤ ᠶᠢ ᠭᠤᠶᠤᠴᠢᠯᠠᠪᠠ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠲᠡᠳᠡᠨ ᠤ ᠭᠤᠶᠤᠴᠢᠯᠠᠯ ᠢ ᠬᠦᠯᠢᠶᠡᠨ ᠠᠪᠤᠭᠠᠳ᠂ ᠤᠶᠢᠷᠠᠳ ᠤᠨ ᠪᠤᠳᠠᠳᠣ ᠪᠠᠶᠢᠳᠠᠯ ᠢ | ᠦᠨᠳᠦᠰᠦᠯᠡᠨ ᠠᠩᠬᠠ ᠤᠳᠠᠭᠠ ᠲᠠᠪᠤᠨ ᠵᠤᠷᠪᠤᠰ ︽ᠵᠠᠰᠠᠭ︾ ︵ᠬᠠᠤᠯᠢ︶ ᠲᠤᠭᠳᠠᠭᠠᠨ ᠦᠭᠭᠦᠭᠰᠡᠨ ᠶᠤᠮ᠃ | ᠡᠨᠡ ᠨᠢ᠄ ᠨᠢᠬᠡ ᠳᠤ᠂ ᠬᠡᠷ ᠢᠶᠠᠨ ᠤᠷᠳᠤ ᠬᠡᠵᠤ ᠪᠤᠯᠬᠤ ᠦᠭᠡᠢ᠂ ᠦᠷᠦᠬᠡ ᠬᠡᠬᠦ ᠬᠡᠷᠡᠭᠳᠡᠢ᠃ ᠬᠤᠶᠠᠷ ᠲᠤ᠂ | ᠮᠠᠯᠠᠭᠠᠢ ᠶᠢᠨ ᠵᠠᠯᠠᠭᠠ ᠪᠠᠨ ᠬᠤᠶᠠᠷ ᠬᠤᠷᠤᠭᠤ ᠠᠴᠠ ᠤᠷᠳᠤ ᠲᠠᠯᠪᠢᠵᠤ ᠪᠤᠯᠬᠤ ᠦᠭᠡᠢ᠃ ᠭᠤᠷᠪᠠ ᠳᠤ᠂ ᠵᠠᠪᠢᠯᠠᠵᠤ | ᠰᠠᠭᠤᠵᠤ ᠪᠤᠯᠬᠤ ᠦᠭᠡᠢ᠂ ᠰᠦᠬᠦᠳᠴᠤ ᠰᠠᠭᠤᠬᠤ ᠬᠡᠷᠡᠭᠳᠡᠢ᠃ ᠲᠦᠷᠪᠡ ᠳᠤ᠂ ᠮᠢᠬᠠ ᠶᠢ ᠬᠢᠳᠤᠭᠠ ᠪᠠᠷ ᠢᠳᠡᠵᠤ | ᠪᠤᠯᠬᠤ ᠦᠭᠡᠢ᠂ ᠰᠢᠳᠤ ᠪᠠᠷ ᠢᠳᠡᠬᠦ ᠬᠡᠷᠡᠭᠳᠡᠢ᠃ ᠲᠠᠪᠤ ᠳᠤ᠂ ᠠᠶᠢᠷᠠᠭ ᠢ ᠴᠡᠭᠡ ᠬᠡᠵᠤ ᠨᠡᠷᠡᠶᠢᠳᠬᠦ ᠬᠡᠷᠡᠭᠳᠡᠢ ᠬᠡᠬᠦ | ᠵᠡᠷᠬᠡ ᠪᠤᠯᠤᠨᠠ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠲᠠᠪᠤᠨ ᠵᠤᠷᠪᠤᠰ ︽ᠵᠠᠰᠠᠭ︾ ᠤᠨ ᠲᠦᠷᠪᠡᠨ ᠵᠤᠷᠪᠤᠰ ᠢ ᠨᠢ ᠤᠶᠢᠷᠠᠳ ᠴᠦᠮ | ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠤᠯᠪᠠᠴᠤ ᠭᠠᠭᠴᠠ ᠬᠦ ︽ᠮᠢᠬᠠ ᠶᠢ ᠬᠢᠳᠤᠭᠠ ᠪᠠᠷ ᠢᠳᠡᠵᠤ ᠪᠤᠯᠬᠤ ᠦᠭᠡᠢ᠂ ᠰᠢᠳᠤ ᠪᠠᠷ | ᠢᠳᠡᠬᠦ ᠬᠡᠷᠡᠭᠳᠡᠢ︾ ᠬᠡᠰᠡᠨ ᠢ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠬᠤ ᠶᠢ ᠠᠬᠢᠨ ᠲᠠᠬᠢᠨ ᠭᠤᠶᠤᠴᠢᠯᠠᠨ ᠱᠠᠭᠠᠷᠳᠠᠪᠠ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠲᠡᠳᠡᠨ ᠤ ᠬᠦᠰᠡᠯ ᠢ ᠦᠨᠳᠦᠰᠦᠯᠡᠵᠤ᠂ ᠲᠦᠷᠪᠡᠳᠦᠬᠡᠷ ᠵᠤᠷᠪᠤᠰ ᠢ ᠬᠦᠴᠦᠨ ᠦᠭᠡᠢ | ᠪᠤᠯᠭᠠᠵᠠᠢ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠲᠦᠷᠪᠡᠨ ᠣᠶᠢᠷᠠᠳ ᠢ ᠲᠦᠪᠰᠢᠳᠬᠡᠬᠡᠳ ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠲᠠᠷᠠᠭᠠ᠂ | ᠴᠡᠷᠢᠭ ᠮᠤᠷᠢ ᠪᠠᠨ ᠴᠡᠭᠴᠡᠯᠡᠵᠤ᠂ ᠪᠠᠳᠤᠮᠦ᠋ᠩᠭᠡ ᠲᠠᠶᠤᠨ ᠬᠠᠭᠠᠨ ᠪᠠ ᠪᠤᠰᠤᠳ ᠤᠯᠠᠨ ᠢᠵᠠᠭᠤᠷᠳᠠᠨ ᠢ | ᠲᠠᠭᠠᠭᠤᠯᠤᠨ᠂ ᠦᠨᠳᠦᠷ ᠰᠦᠷᠯᠢᠭ ᠬᠠᠷᠭᠤᠨᠠ ᠠᠭᠤᠯᠠ ︵ᠤᠳᠤᠬᠢ ᠲᠠᠯᠠᠨ ᠬᠠᠷᠠ ᠠᠭᠤᠯᠠ︶ ᠶᠢ ᠲᠠᠪᠠᠵᠤ᠂ | ᠦᠩ ᠰᠢᠮᠡᠯᠢᠭ ᠲᠦᠮᠡᠳ ᠤᠨ ᠲᠠᠯᠠ ᠳᠤ ᠬᠦᠷᠴᠤ ᠢᠷᠡᠬᠡᠳ᠂ ᠲᠤᠰ ᠠᠶᠢᠮᠠᠭ ᠤᠨ ᠲᠦᠷᠦᠬᠦᠦ ᠬᠤᠰᠤᠢ ᠯᠤᠭᠠ | ᠪᠠᠶᠢᠯᠳᠣᠪᠠ᠃ ᠠᠩᠬᠠ ᠤᠳᠠᠭᠠ ᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠪᠠ ᠪᠠᠳᠤᠮᠦ᠋ᠩᠭᠡ ᠲᠠᠶᠤᠨ | ᠬᠠᠭᠠᠨ ᠤ ᠴᠡᠷᠢᠭ ᠬᠦᠨᠳᠤ ᠬᠤᠬᠢᠷᠠᠯ ᠳᠤ ᠤᠴᠠᠷᠠᠭᠰᠠᠨ ᠪᠤᠯᠪᠠᠴᠤ ᠲᠠᠬᠢᠨ ᠤᠷᠠᠨ ᠠᠷᠭᠠ ᠶᠢ ᠬᠡᠷᠡᠭᠯᠡᠵᠤ᠂ | ᠪᠠᠶᠢᠯᠳᠤᠭᠠᠨ ᠢ ᠵᠢᠯᠤᠭᠤᠳᠤᠭᠰᠠᠨ ᠠᠴᠠ ᠬᠤᠰᠤᠢ ᠶᠢᠨ ᠴᠡᠷᠢᠭ ᠢ ᠪᠦᠬᠦᠨ ᠢᠶᠠᠷ ᠰᠦᠨᠢᠬᠡᠨ᠂ ᠰᠢᠷᠬᠠᠳᠤᠨ | ᠲᠤᠳᠠᠭᠠᠭᠰᠠᠨ ᠬᠤᠰᠤᠢ ᠶᠢ ᠴᠦ ᠪᠠᠷᠢᠪᠴᠢᠯᠠᠨ ᠠᠪᠴᠣ ᠠᠯᠠᠭᠰᠠᠨ ᠪᠠᠶᠢᠵᠠᠢ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ᠂ ᠲᠠᠶᠤᠨ ᠬᠠᠭᠠᠨ ᠨᠠᠷ ᠬᠤᠰᠤᠢ ᠶᠢ ᠤᠰᠠᠳᠬᠠᠮᠠᠭᠴᠠ ᠢᠯᠠᠯᠳᠠ ᠶᠢᠨ ᠡᠷᠴᠢᠨ | ᠲᠡᠬᠡᠷᠡ ᠪᠠᠨ ᠤᠤᠯ ᠤᠨ ᠵᠠᠨᠤᠯᠳᠤ ᠲᠠᠶᠢᠰᠦᠨ ᠢᠰᠮᠠᠨ ᠲᠠᠶᠢᠱᠢ ︵ᠪᠠᠳᠤᠮᠦ᠋ᠩᠭᠡ ᠲᠠᠶᠤᠨ ᠬᠠᠭᠠᠨ ᠤᠨ ᠡᠴᠢᠬᠡ | ᠪᠠᠶᠠᠨᠮᠦ᠋ᠩᠭᠡ ᠶᠢ ᠬᠤᠤᠷᠯᠠᠭᠰᠠᠨ ᠬᠦᠮᠦᠨ︶ ᠢ ᠲᠠᠶᠢᠯᠠᠪᠠ᠃ ᠡᠨᠡ ᠤᠳᠠᠭᠠ ᠶᠢᠨ ᠶᠡᠭᠡ ᠴᠡᠷᠢᠭ ᠢ ᠭᠤᠷᠯᠤᠰ ᠤᠨ | ᠪᠠᠭᠠᠳᠤᠷ ᠵᠠᠩᠵᠤᠨ ᠲᠤᠭᠤᠭᠠᠴᠢ ᠰᠢᠬᠦᠰᠢ ᠵᠠᠬᠢᠷᠴᠤ᠂ ᠢᠰᠮᠠᠨ ᠤ ᠲᠡᠷᠬᠡᠳᠡ ᠬᠦᠷᠬᠦ ᠳᠤ ᠲᠡᠷᠡ ᠶᠠᠭ ᠬᠡᠷ ᠲᠡᠭᠡᠨ | ᠠᠮᠠᠷᠠᠨ ᠰᠠᠭᠤᠵᠤ ᠪᠠᠶᠢᠪᠠ᠃ ᠲᠡᠬᠦᠨ ᠤ ᠬᠡᠷ ᠤᠨ ᠨᠢᠬᠡᠨ ᠪᠤᠭᠤᠯ ᠬᠡᠷ ᠤᠨ ᠭᠠᠳᠠᠨᠠ ᠠᠵᠢᠯ ᠬᠢᠵᠤ ᠪᠠᠶᠢᠭᠠᠳ | ᠲᠦᠮᠡᠨ ᠠᠬᠳᠠ ᠶᠢᠨ ᠲᠦᠪᠡᠷᠬᠡᠨ ᠤ ᠲᠠᠭᠤᠨ ᠢ ᠰᠤᠨᠤᠰᠤᠭᠠᠳ ᠭᠠᠵᠠᠷ ᠬᠦᠳᠡᠯᠵᠤ ᠪᠠᠶᠢᠨᠠ ᠬᠡᠵᠤ ᠠᠳᠡᠬᠦᠷᠡᠵᠤ | ᠶᠠᠭᠠᠷᠠᠤ ᠰᠠᠨᠳᠤᠷᠤᠤ ᠬᠡᠷ ᠲᠤ ᠬᠦᠶᠤᠵᠤ ᠢᠷᠡᠨ ᠢᠰᠮᠠᠨ ᠳᠤ᠄ ︽ᠭᠠᠳᠠᠨᠠ ᠭᠠᠵᠠᠷ ᠬᠦᠳᠡᠯᠵᠤ ᠪᠠᠶᠢᠨᠠ︾ ᠬᠡᠵᠤ | ᠵᠤᠭᠰᠤᠭᠠ ᠪᠠᠷ ᠮᠡᠳᠡᠬᠡᠯᠡᠪᠡ᠃ ᠢᠰᠮᠠᠨ ᠪᠤᠭᠤᠯ ᠤᠨ ᠮᠡᠳᠡᠬᠦᠯᠦᠯᠳᠡ ᠶᠢ ᠰᠤᠨᠤᠰᠤᠭᠠᠳ᠄ ᠶᠠᠭᠠᠷᠠᠨ ᠭᠠᠷᠴᠤ | ᠢᠷᠡᠬᠡᠳ ᠦᠵᠡᠳᠡᠯᠡ᠂ ᠶᠠᠭᠤᠨ ᠤ ᠭᠠᠵᠠᠷ ᠬᠦᠳᠡᠯᠬᠦ ᠪᠤᠢ᠂ ᠠᠬᠳᠠ ᠮᠤᠷᠢᠳ ᠤᠨ ᠲᠦᠪᠡᠷᠬᠡᠨ ᠳᠤ ᠬᠠᠶᠠᠭᠳᠠᠭᠰᠠᠨ | ᠤᠯᠠᠭᠠᠨ ᠲᠤᠭᠤᠰᠤ ᠠᠭᠠᠷ ᠲᠤ ᠲᠤᠯᠵᠤ ᠮᠤᠷᠢᠳᠤ ᠴᠡᠷᠢᠭ ᠢᠷᠠᠯᠵᠠᠨ ᠬᠠᠷᠠᠯᠠᠵᠤ ᠬᠡᠷ ᠤᠷᠤᠭᠤ ᠨᠢ ᠢᠪ ᠲᠠᠷᠤᠨ | ᠢᠷᠠᠵᠤ ᠪᠠᠶᠢᠯᠠ᠃ ᠢᠰᠮᠠᠨ ᠡᠬᠦᠨ ᠢ ᠦᠵᠡᠬᠡᠳ ᠶᠠᠭᠤ ᠶᠢ ᠴᠦ ᠬᠠᠮᠢᠶᠠᠷᠤᠯ ᠦᠭᠡᠢ᠂ ᠪᠠᠭᠠᠨᠠ ᠲᠡᠬᠡᠷᠡ ᠤᠴᠢᠨ | ᠵᠠᠶᠢᠳᠠᠩ ᠮᠤᠷᠢ ᠶᠢ ᠠᠯᠳᠠᠷᠠᠭᠠᠨ ᠠᠪᠴᠤ ᠠᠯᠠᠪᠬᠢᠨ ᠮᠤᠷᠳᠠᠭᠠᠳ ᠵᠦᠭ ᠴᠢᠭ ᠦᠭᠡᠢ ᠵᠢᠭᠤᠳᠤᠨ ᠲᠤᠳᠠᠭᠠᠪᠠ᠃ | ᠲᠤᠭᠤᠭᠠᠴᠢ ᠰᠢᠬᠦᠰᠢ ᠢᠰᠮᠠᠨ ᠲᠠᠶᠢᠱᠢ ᠵᠠᠶᠢᠳᠠᠩ ᠮᠤᠷᠢ ᠤᠨᠤᠨ ᠵᠢᠭᠤᠳᠠᠵᠤ ᠪᠠᠶᠢᠭᠠ ᠶᠢ ᠦᠵᠡᠵᠤ ᠲᠠᠨᠢᠭᠠᠳ᠂ | ᠠᠷᠤ ᠠᠴᠠ ᠨᠢ ᠨᠡᠬᠡᠵᠤ ᠬᠠᠷᠪᠤᠵᠤ ᠠᠯᠠᠵᠠᠢ᠃ ᠲᠡᠬᠡᠬᠡᠳ ᠬᠠᠷᠢᠶᠠᠳᠤ ᠤᠯᠠᠨ ᠠᠷᠠᠳ ᠢᠷᠬᠡᠳ ᠢ ᠨᠢ ᠤᠯᠵᠠᠯᠠᠵᠤ᠂ | ᠢᠯᠠᠯᠳᠠ ᠲᠠᠢ ᠪᠠᠷ ᠪᠤᠴᠠᠵᠤ ᠢᠷᠡᠭᠰᠡᠨ ᠶᠤᠮ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠬᠢᠬᠡᠳ ᠪᠠᠳᠤᠮᠦ᠋ᠩᠭᠡ ᠲᠠᠶᠤᠨ ᠬᠠᠭᠠᠨ ᠤᠶᠢᠷᠠᠳ ᠢ ᠲᠠᠶᠢᠯᠵᠤ᠂ ᠬᠤᠰᠤᠢ ᠶᠢ | ᠤᠰᠠᠳᠬᠠᠨ᠂ ᠢᠰᠮᠠᠨ ᠢ ᠲᠤᠨᠢᠯᠭᠠᠭᠠᠳ᠂ ᠮᠤᠩᠭᠤᠯ ᠤᠨ ᠤᠯᠠᠨ ᠠᠶᠢᠮᠠᠭ ᠢ ᠨᠢᠬᠡᠳᠬᠡᠭᠰᠡᠨ ᠲᠤᠯᠠ ᠡᠨᠡ ᠬᠦ ᠠᠭᠤᠤ | ᠶᠡᠭᠡ ᠢᠯᠠᠯᠳᠠ ᠪᠠᠨ ᠪᠡᠯᠬᠡᠯᠡᠬᠦ ᠶᠢ ᠲᠦᠯᠦᠬᠡ᠂1505 ᠤᠨ ᠤ ᠵᠤᠨ ᠬᠡᠷᠤᠯᠤᠨ ᠮᠦᠷᠡᠨ ᠤ ᠬᠦᠪᠡᠭᠡ ᠳᠤ | ᠦᠪᠡᠳᠡᠭᠰᠢ ᠶᠡᠭᠡ ᠨᠠᠶᠢᠷ ᠬᠢᠪᠡ᠃ ᠡᠨᠡ ᠤᠳᠠᠭᠠ ᠶᠢᠨ ᠨᠠᠶᠢᠷ ᠲᠡᠬᠡᠷᠡ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ᠄ | ︽ᠪᠤᠷᠬᠠᠨ ᠲᠡᠭᠷᠢ ᠶᠢᠨ ᠢᠪᠡᠬᠡᠯ ᠳᠤ ᠰᠢᠳᠤᠵᠤ | ᠪᠤᠭᠳᠠ ᠡᠵᠡᠨ ᠤ ᠦᠷᠠ ᠶᠢ ᠲᠡᠳᠬᠦᠨ | ᠪᠤᠷᠤᠭᠤ ᠬᠡᠮᠳᠡᠨ ᠢ ᠬᠢᠰᠬᠢᠨ ᠤᠷᠤᠭᠤᠯᠵᠤ | ᠪᠤᠳᠠᠷᠠᠭᠰᠠᠨ ᠲᠦᠷᠦ ᠶᠢ ᠨᠢ ᠬᠠᠰᠢᠵᠤ ᠦᠭᠭᠦᠯᠡ᠃ | ᠡᠵᠡᠨ ᠬᠠᠭᠠᠨ ᠦᠰᠦᠭᠰᠡᠨ ᠲᠤᠯᠠ | ᠡᠷᠬᠢᠨ ᠲᠦᠰᠢᠮᠡᠳ ᠲᠠᠨ ᠳᠤ ᠲᠤᠰᠢᠶᠠᠰᠤᠭᠠᠢ | ᠡᠬᠦᠨᠴᠠ ᠲᠠᠨᠤᠰ ᠵᠠᠰᠠᠭ ᠢᠶᠠᠨ ᠪᠠᠷᠢᠭᠳᠤᠨ | ᠡᠮᠡ ᠬᠦᠮᠦᠨ ᠨᠡᠳᠦᠷ ᠬᠠᠮᠢᠶᠠ ᠶᠠᠭᠤᠨ︾ ᠬᠡᠵᠤ ᠪᠠᠳᠤᠮᠦ᠋ᠩᠭᠡ ᠲᠠᠶᠤᠨ ᠬᠠᠭᠠᠨ ᠪᠠ ᠪᠤᠰᠤᠳ ᠤᠯᠠᠨ ᠲᠦᠰᠢᠮᠡᠳ | ᠲᠤ ᠲᠦᠷᠦ ᠤᠯᠤᠰ ᠢᠶᠠᠨ ᠵᠠᠰᠠᠬᠤ ᠲᠠᠷᠬᠠᠨ ᠡᠷᠬᠡ ᠶᠢ ᠲᠤᠰᠢᠶᠠᠨ ᠦᠭᠭᠦᠭᠡᠳ᠂ ᠦᠪᠡᠷ ᠢᠶᠠᠨ ᠲᠠᠬᠢᠵᠤ ᠵᠠᠰᠠᠭ | ᠶᠠᠪᠤᠭᠤᠯᠬᠤ ᠦᠭᠡᠢ ᠬᠡᠳᠡᠭ ᠢᠶᠠᠨ ᠲᠤᠩᠬᠠᠯᠠᠵᠠᠢ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ᠂ ᠪᠠᠳᠤᠮᠦ᠋ᠩᠭᠡ ᠲᠠᠶᠤᠨ ᠬᠠᠭᠠᠨ ᠲᠠᠢ ᠬᠤᠷᠢᠮᠯᠠᠭᠠᠳ ᠲᠦᠷᠦᠪᠤᠯᠤᠳ᠂ | ᠤᠯᠤᠰᠪᠤᠯᠤᠳ᠂ ᠪᠠᠷᠰᠪᠤᠯᠤᠳ᠂ ᠠᠷᠠᠰᠤᠪᠤᠯᠤᠳ᠂ ᠸᠠᠴᠢᠷᠪᠤᠯᠤᠳ᠂ ᠠᠷᠪᠤᠯᠤᠳ ᠵᠡᠷᠬᠡ ᠲᠤᠯᠤᠭᠠᠨ ᠬᠦᠪᠡᠬᠦᠨ | ᠮᠡᠨᠳᠤᠯᠡᠭᠰᠡᠨ ᠪᠦᠬᠡᠳ ᠲᠦᠷᠦᠯᠳᠤ ᠬᠦᠨᠵᠢ ᠬᠡᠳᠡᠭ ᠨᠢᠬᠡ ᠬᠡᠦᠬᠡᠨ ᠲᠦᠷᠦᠵᠠᠢ᠃ ᠲᠡᠬᠦᠨ ᠤ ᠲᠤᠯᠤᠭᠠᠨ ᠬᠦᠪᠡᠬᠦᠨ | ᠤ ᠲᠤᠳᠤᠷᠠ ᠤᠯᠤᠰᠪᠤᠯᠤᠳ ᠤᠷᠢᠳᠠ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠳᠤ ᠠᠯᠠᠭᠳᠠᠭᠰᠠᠨ ᠪᠤᠯᠬᠤᠷ ᠦᠯᠡᠳᠡᠭᠰᠡᠨ | ᠵᠢᠷᠭᠤᠭᠠᠨ ᠬᠦᠪᠡᠬᠦᠨ ᠨᠢ ᠲᠤᠰ ᠲᠤᠰ ᠴᠠᠬᠠᠷ ᠲᠦᠮᠡᠨ᠂ ᠤᠷᠢᠶᠠᠩᠬᠠᠢ ᠲᠦᠮᠡᠨ᠂ ᠬᠠᠯᠬᠠ ᠲᠦᠮᠡᠨ᠂ ᠤᠷᠳᠤᠰ | ᠲᠦᠮᠡᠨ᠂ ᠲᠦᠮᠡᠳ ᠲᠦᠮᠡᠨ᠂ ᠶᠦᠩᠰᠢᠶᠠᠪᠤ ᠲᠦᠮᠡᠨ ᠤ ᠨᠤᠶᠠᠨ ᠪᠤᠯᠪᠠ᠃ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠪᠤᠯ 15 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠪᠠᠷ ᠮᠤᠩᠭᠤᠯ ᠤᠨ ᠲᠡᠦᠬᠡᠨᠡ | ᠰᠢᠯᠭᠠᠷᠠᠨ ᠭᠠᠷᠤᠭᠰᠠᠨ ᠡᠮᠡᠭᠳᠡᠢ ᠤᠯᠤᠰ ᠲᠦᠷᠦᠴᠢᠨ ᠶᠤᠮ᠃ ᠲᠡᠷᠡ ᠦᠪᠡᠷ ᠤᠨ ᠠᠯᠢᠪᠠ ᠪᠦᠬᠦᠨ ᠢᠶᠠᠨ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠢ ᠲᠠᠬᠢᠨ ᠨᠢᠬᠡᠳᠬᠡᠬᠦ ᠶᠡᠭᠡ ᠦᠢᠯᠡᠰ ᠲᠤ ᠵᠤᠷᠢᠭᠤᠯᠤᠨ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠲᠠᠶᠢᠨ | ᠪᠠᠶᠢᠯᠳᠤᠭᠠᠨ ᠬᠢᠵᠤ᠂ ᠲᠠᠶᠢᠰᠦᠨ ᠡᠳᠡᠬᠡᠳ ᠢ ᠣᠰᠠᠳᠬᠠᠭᠠᠳ᠂ ᠲᠠᠶᠤᠨ ᠬᠠᠭᠠᠨ ᠤ ᠠᠭᠤᠤ ᠶᠡᠭᠡ ᠦᠢᠯᠡᠰ ᠢ | ᠬᠦᠭᠵᠢᠨ ᠮᠠᠨᠳᠤᠬᠤ ᠳᠤ ᠪᠠᠳᠤ ᠪᠠᠬᠢ ᠰᠠᠭᠤᠷᠢ ᠶᠢ ᠲᠠᠯᠪᠢᠨ ᠦᠭᠴᠤ ᠪᠢᠯᠡ᠃ ᠡᠶᠢᠮᠤ ᠠᠴᠠ ᠤᠯᠠᠨ ᠵᠠᠭᠤᠨ ᠵᠢᠯ | ᠤᠨ ᠲᠤᠷᠰᠢ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠠᠯᠳᠠᠷ ᠨᠡᠷᠡ ᠪᠠᠷ ᠠᠤᠭᠠ ᠲᠦᠷᠢ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ | ᠠᠷᠠᠳ ᠲᠦᠮᠡᠨ ᠤ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠤ ᠪᠠᠯᠠᠷᠠᠰᠢ ᠦᠭᠡᠢ ᠬᠠᠳᠠᠩᠰᠢᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ |